完整藏文原文 · 德格版页 当前仅加载第 33 函德格 215a 版页；藏文 NFD、目录标记与异常页序保留在来源切片中，重复版页行以稳定序号区分。
གཟན་ཕྲ་མོ་དང་གནོད་སྦྱིན་དང་སྲིན་པོ་རྗེས་སུ་རྒྱུ་བ་མེད་པ་ཆོམ་རྐུན་མེད་པའི་དགོན་པ་འཇིགས་པ་མི་བཟད་པ་དང་འཚེ་བ་མེད་པ་དག་ན། ལོ་འམ་ལོ་བརྒྱ་འམ་ལོ་སྟོང་ངམ་ལོ་བྱེ་བ་འམ་ལོ་བྱེ་བ་བརྒྱ་འམ་ལོ་བྱེ་བ་སྟོང་ངམ་ལོ་བྱེ་བ་བརྒྱ་སྟོང་ངམ་ལོ་བྱེ་བ་ཁྲག་ཁྲིག་བརྒྱ་སྟོང་
D12.033.0215a01.01ངམ་དེ་བས་ཀྱང་ལྷག་པར་གནས་ཤིང་བྱང་ཆུབ་སེམས་དཔའ་སེམས་དཔའ་ཆེན་པོ་དེ་དབེན་པ་གང་དུ་ལྷག་པའི་བསམ་པས་ཡང་དག་པར་ཞུགས་ཤིང་ལྷག་པའི་བསམ་པ་ཕུན་སུམ་ཚོགས་པས་གནས་པ་ངས་བསྟན་པའི་དབེན་པ་འདི་མི་ཤེས་ན་བྱང་ཆུབ་སེམས་དཔའ་ཐབས་མི་མཁས་པ་དེ་མི་
D12.033.0215a02.01ཤེས་པས་དགོན་པ་ལྷུར་བྱེད་ཅིང་གནས་ཏེ་དབེན་པ་དེ་ལ་རྟེན་པ་དང་ཞེན་པ་དང་ཆགས་པ་དང་ལྷག་པར་ཆགས་པ་དང་ལྡན་ན། རབ་འབྱོར་བྱང་ཆུབ་སེམས་དཔའ་སེམས་དཔའ་ཆེན་པོ་དེས་དེ་ཙམ་གྱིས་ངའི་སེམས་མགུ་བར་བྱས་པ་མ་ཡིན་ནོ། །དེ་ཅིའི་ཕྱིར་ཞེ་ན། རབ་འབྱོར་དབེན་
D12.033.0215a03.01པ་འདིས་གནས་པ་ནི་བྱང་ཆུབ་སེམས་དཔའ་སེམས་དཔའ་ཆེན་པོ་རྣམས་ཀྱི་དབེན་པར་ངས་བསྟན་པ་གང་ཡིན་པའི་དབེན་པ་དེ་ལ་མི་སྣང་ངོ་། །དེ་ལྟར་བདུད་སྡིག་ཅན་འོངས་ནས་སྟེང་གི་བར་སྣང་གི་ནམ་མཁའ་ལ་འདུག་སྟེ་དེ་ལ་འདི་སྐད་དུ་རིགས་ཀྱི་བུ་ལེགས་སོ་ལེགས་སོ། །
D12.033.0215a04.01དེ་བཞིན་གཤེགས་པས་བྱང་ཆུབ་སེམས་དཔའ་སེམས་དཔའ་ཆེན་པོའི་དབེན་པ་བསྟན་པ་ནི་འདི་ཡིན་ཏེ་རིགས་ཀྱི་བུ་ཁྱོད་དབེན་པ་འདི་ཉིད་ཀྱིས་གནས་པར་གྱིས་ཤིག་དང་། དེ་ལྟར་ན་རིགས་ཀྱི་བུ་ཁྱོད་མྱུར་དུ་བླ་ན་མེད་པ་ཡང་དག་པར་རྫོགས་པའི་བྱང་ཆུབ་མངོན་པར་རྫོགས་པར་སངས་
D12.033.0215a05.01རྒྱས་པར་འགྱུར་རོ་ཞེས་སྨྲ་བར་འགྱུར་ཞིང་། དེ་ཡང་དགོན་པའི་དབེན་པ་དེས། གྲོང་གི་ནང་དུ་ཞུགས་པའི་བྱང་ཆུབ་སེམས་དཔའ་སེམས་དཔའ་ཆེན་པོ་གཞན་དེས་པ་དགེ་སློང་ཚངས་པར་སྤྱོད་པ་དང་བཅས་པ་དགེ་བའི་ཆོས་ཅན་ཉན་ཐོས་དང་རང་སངས་རྒྱས་དང་ལྡན་པའི་ཡིད་ལ་བྱེད་པ་
D12.033.0215a06.01དག་དང་མ་འདྲེས་པ་ལུས་དང་ངག་དང་ཡིད་ཀྱི་ལས་ཀྱི་མཐའ་དང་འཚོ་བ་ཡོངས་སུ་དག་པ་དག་ལ། བརྙས་པར་བྱེད་ཅིང་དེ་འདི་སྐད་དུ་ཀྱེ་མ་ཚེ་དང་ལྡན་པ་འདི་དག་ནི་འདྲེས་པར་གནས་པས་གནས་པར་བྱེད་དེ་དབེན་པར་གནས་པ་མ་ཡིན་ནོ། །ཀྱེ་མ་ཚེ་དང་ལྡན་པ་འདི་དག་ནི་ཀུན་ཏུ་
D12.033.0215a07.01