完整藏文原文 · 德格版页 当前仅加载第 84 函德格 142a 版页；藏文 NFD、目录标记与异常页序保留在来源切片中，重复版页行以稳定序号区分。
འཚལ་ལོ། །རྡོ་རྗེ་བསྡམས་པ་ཕྱག་རྒྱ་ཆེ། །དམ་ཚིག་ཆེན་པོ་བཅིང་བ་ཆེ། །ཁུ་ཚུར་ཆེན་པོ་ཕྱག་རྒྱ་ཆེ། །རྡོ་རྗེ་ཁུ་ཚུར་ཁྱོད་ཕྱག་འཚལ། །དེ་བཞིན་གཤེགས་པ་ཕྱག་བྱ་ཞིང་། །བརྗོད་དེ་མཆོད་དེ་བསྟི་སྟང་བྱ། །གང་ཕྱིར་ཐོག་མ་ཐ་མ་མེད། །བྱང་ཆུབ་སེམས་ནི་
D479.084.0142a01.01ཁྱོད་ཡིན་ཏེ། །ཁྱོད་ལ་བརྟེན་ནས་རྒྱལ་བ་དང་། །དཔའ་བོ་བྱང་ཆུབ་སེམས་དཔའ་ཀུན། །བྱུང་ཞིང་ཡང་དག་འབྱུང་འགྱུར་བས། །སངས་རྒྱས་བྱང་ཆུབ་མཆོག་གི་རྒྱུ། །རྡོ་རྗེ་སེམས་དཔའ་ཁྱོད་ཕྱག་འཚལ། །རྡོ་རྗེ་རིན་ཆེན་ཁྱོད་ཕྱག་འཚལ། །རྡོ་རྗེ་ཆོས་ཁྱོད་ཕྱག་འཚལ་ལོ། །རྡོ་རྗེ་ལས་
D479.084.0142a02.01ནི་ཁྱོད་ཕྱག་འཚལ། །ཡང་དག་པར་ནི་ཕྱག་འཚལ་ཞིང་། །མཚན་མཆོག་གིས་ནི་ཁྱོད་བསྟོད་པའི། །བསོད་ནམས་གང་ཡིན་དེ་ཀུན་ཀྱང་། །སངས་རྒྱས་བྱང་ཆུབ་ཐོབ་པར་ཤོག །མཚན་བརྒྱ་རྩ་བརྒྱད་དམ་པ་ནི། །རབ་དད་པས་ནི་ལན་ཅིག་ཙམ། །གང་གིས་ལེགས་
D479.084.0142a03.01པར་བརྗོད་པ་ནི། །ཀུན་ཀྱང་སངས་རྒྱས་ཉིད་དུ་འགྱུར། །ཞེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེ་ལ་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ཏེ། གསུང་གཅིག་ཏུ་ལེགས་སོ་ཞེས་བྱ་བ་འདི་བྱིན་ནོ། །
D479.084.0142a04.01རྡོ་རྗེ་ཐེག་པ་བླ་ན་མེད། །དེ་བཞིན་གཤེགས་པ་ཀུན་གྱི་གསང་། །ཐེག་པ་ཆེན་པོ་མངོན་འདུས་པའི། །མདོ་འདི་ལེགས་པར་བཤད་པས་ན། །རྡོ་རྗེ་སེམས་དཔའ་ཁྱོད་ལེགས་སོ། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །བཅོམ་
D479.084.0142a05.01ལྡན་འདས་ཀྱིས་དེ་སྐད་ཅེས་བཀའ་སྩལ་པ་དང་། དེ་བཞིན་གཤེགས་པ་དང་འཕགས་པ་བྱང་ཆུབ་སེམས་དཔར་བཅས་པ་རང་གི་ཐུགས་ལ་ཞུགས་པ་ཐམས་ཅད་དགྱེས་ཤིང་མཉེས་ནས་བཅོམ་ལྡན་འདས་རྡོ་རྗེ་སེམས་དཔས་གསུངས་པ་ལ་མངོན་པར་དགྱེས་པར་གྱུར་ཏོ། །དེ་བཞིན་གཤེགས་
D479.084.0142a06.01པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ཞེས་བྱ་བ་ཐེག་པ་ཆེན་པོའི་མདོ་རྒྱུད་ཉེ་བར་བསྡུས་པ་དང་བཅས་པ་རྫོགས་{སྷོ,སོ}།། །།རྒྱུད་འདི་ལ་འགྱུར་བྱང་མི་སྣང་ནའང་། པཎྜི་ཏ་ཤྲདྡྷཱ་ཀ་ར་ཝརྨྨ་དང་། བོད་ཀྱི་ལོ་ཙྪ་བ་རིན་ཆེན་བཟང་པོས་བསྒྱུར་བར་གྲགས།། །།
D479.084.0142a07.01