完整藏文原文 · 德格版页 当前仅加载第 84 函德格 44a 版页；藏文 NFD、目录标记与异常页序保留在来源切片中，重复版页行以稳定序号区分。
མ་དང་། དབྱངས་ཆེན་མོའི་རྗེས་སུ་འབྲང་མ་དང་། དཀྱིལ་འཁོར་ཐམས་ཅད་དུ་འཇུག་པ་དང་། སྔགས་ཀྱི་སྤྱོད་པ་མ་རྣམས་ནི་དེ་བཞིན་གཤེགས་པ་ཐམས་ཅད་ཀྱི་ཆོས་ཀྱི་མཆོད་པའོ། །ཨོཾ་སརྦ་ཏ་ཐཱ་ག་ཏ་དྷུ་པ་མེ་གྷ་སྥ་ར་ཎ་པཱུ་ཛཱ་ཀརྨེ་ཀ་རཀ་ར། ཨོཾ་སརྦ་ཏ་
D479.084.0044a01.01ཐཱ་ག་ཏ་པཱུ་ཥྦ་པྲ་ས་ར་སྥ་ར་ཎ་པཱུ་ཛཱ་ཀརྨེ་ཀི་རི་ཀི་ར། ཨོཾ་སརྦ་ཏ་ཐཱ་ག་ཏ་ཨཱ་ལོ་ཀ་ཛྭ་ལ་སྥ་ར་ཎ་པཱུ་ཛཱ་ཀརྨེ་བྷ་ར་བྷ་ར། ཨོཾ་སརྦ་ཏ་ཐཱ་ག་ཏ་གནྡྷ་ས་མུ་དྲཱ་སྥ་ར་ཎ་པཱུ་ཛཱ་ཀརྨ་ཀུ་རུ་ཀུ་རུ། སིམ་པ་ཅན་དང་། བྱང་ཆུབ་ཆེན་མོའི་ཡན་ལག་ལྡན་མ་དང་། མིག་ལྡན་མ་དང་། དྲི་ལྡན་མ་རྣམས་ནི་དེ་
D479.084.0044a02.01བཞིན་གཤེགས་པ་ཐམས་ཅད་ཀྱི་ལས་ཀྱི་མཆོད་པའོ། །དེ་ནས་དེ་བཞིན་གཤེགས་པ་མ་ལུས་ཤིང་ལུས་པ་མེད་པ་རྣམས་ལ་མཆོད་པ་བྱེད་པའི་ལས་ཀྱི་དཀྱིལ་འཁོར་རྡོ་རྗེའི་བྱ་བ་བཤད་དོ། །དེ་ནས་རབ་ཏུ་བཤད་བྱ་བ། །ལས་ཀྱི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་
D479.084.0044a03.01འདྲ་བས་ན། །རྡོ་རྗེ་བྱ་བ་ཞེས་ཀྱང་གྲགས། །དཀྱིལ་འཁོར་ཆེན་པོའི་ཚུལ་དུ་ནི། །སངས་རྒྱས་སྐུ་རྣམས་གཞག་པར་བྱ། །རྡོ་རྗེ་སེམས་སོགས་ཚུལ་དུ་ནི། །ལྷ་མོ་ཕྱག་རྒྱ་བཅས་པ་བྲི། །དེ་ནས་ལས་ཀྱི་དཀྱིལ་འཁོར་རྡོ་རྗེ་བྱ་བ་འདིར་གཞུག་པ་ལ་སོགས་པའི་ཆོ་ག་རྒྱས་པ་འདི་
D479.084.0044a04.01བཤད་དོ། །དེ་ལ་དང་པོར་རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་གྱིས་གཞུག་པར་བྱ་སྟེ། བཅུག་ནས་ཀྱང་འདི་སྐད་དུ། འདི་ནི་དེ་བཞིན་གཤེགས་པ་ཐམས་ཅད་མཆོད་པའི་དམ་ཚིག་ཡིན་གྱིས། མཆོད་པ་བཅུ་དྲུག་པོ་འདི་རྣམས་ཁྱོད་ཀྱིས་ཉི་མ་རེ་རེ་ཞིང་ཅི་ནུས་པ་གྱིས་ཤིག་ཅེས་
D479.084.0044a05.01བསྒོ་བར་བྱའོ། །དེ་ནས་གདོང་གཡོགས་བཀྲོལ་ཏེ་ལས་ཀྱི་དཀྱིལ་འཁོར་བསྟན་ལ་ཐམས་ཅད་ཀྱི་མཚན་མ་ལག་པ་གཉིས་སུ་སྦྱིན་ནོ། །དེ་ནས་དེ་བཞིན་གཤེགས་པ་ཐམས་ཅད་ཀྱིས་ཀྱང་མཆོད་ན། གཞན་གྱིས་ལྟ་སྨོས་ཀྱང་ཅི་དགོས། དེ་ནས་བྱང་ཆུབ་ཆེན་པོའི་སེམས་བསྒྲུབ་
D479.084.0044a06.01པའི་མཆོད་པའི་ཕྱག་རྒྱའི་ཡེ་ཤེས་བསླབ་པར་བྱའོ། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་ཡིན་བསམས་ཤིང་། །དགའ་བ་བདག་ནི་མཆོད་བྱེད་ཅིང་། །སངས་རྒྱས་ཀྱི་ནི་བདེ་བའང་འཐོབ། །བྱང་ཆུབ་སེམས་ནི་བརྟན་བསྐྱེད་པས། །བདག་ནི་སངས་རྒྱས་
D479.084.0044a07.01