完整藏文原文 · 德格版页 当前仅加载第 84 函德格 135a 版页；藏文 NFD、目录标记与异常页序保留在来源切片中，重复版页行以稳定序号区分。
ནས་རྟོག་པ་ཐམས་ཅད་ཀྱི་ཚོགས་ཀྱི་དངོས་གྲུབ་ཀྱི་རྒྱུད་བཤད་པར་བྱའོ་ཞེས་བཅོམ་ལྡན་འདས་ཕྱག་ན་རྡོ་རྗེས་གསུངས་སོ། །དེ་ལ་དང་པོ་ཁོ་ནར་སྙིང་པོ་ཐམས་ཅད་ཚོགས་ཀྱི་དངོས་གྲུབ་ཀྱི་རྒྱུད་དེ། མཆོད་པ་ཐམས་ཅད་རབ་བྱས་ན། །དགེ་བ་ཡི་ནི་ཆོས་
D479.084.0135a01.01རྣམས་ཀྱི། །ཚོགས་ནི་རྣམ་པར་འཕེལ་འགྱུར་ཏེ། །དེ་ནས་ཚོགས་ནི་འགྲུབ་པར་འགྱུར། །དེ་ལ་འདི་ནི་ཕྱག་རྒྱའི་ཚོགས་ཀྱི་དངོས་གྲུབ་ཀྱི་རྒྱུད་དེ། འཁོར་ལོ་མང་པོར་ཞུགས་པ་དང་། །དཀྱིལ་འཁོར་མང་པོར་བྲིས་པའི་ཕྱིར། །ཚོགས་རྫོགས་པས་ན་ཕྱག་རྒྱ་རྣམས། །
D479.084.0135a02.01དངོས་གྲུབ་ཆེན་པོ་ཐོབ་པར་འགྱུར། །དེ་ལ་འདི་ནི་སྔགས་ཀྱི་ཚོགས་ཀྱི་དངོས་གྲུབ་ཀྱི་རྒྱུད་དེ། རྗེས་སུ་ཡི་རངས་ལ་སོགས་ཚུལ། །དེ་བཞིན་དམ་པའི་ཆོས་བཀླགས་དང་། །བཟླས་པ་མང་པོ་བྱས་ནས་ནི། །ངེས་པར་སྔགས་ཀྱི་དངོས་གྲུབ་འཐོབ། །དེ་ལ་འདི་ནི་རིག་
D479.084.0135a03.01པའི་ཚོགས་ཀྱི་དངོས་གྲུབ་ཀྱི་རྒྱུད་དེ། མ་རིག་རབ་ཏུ་སྤངས་པ་དང་། །སྦྱིན་པའི་ཕ་རོལ་ཕྱིན་ཚུལ་ཕྱིར། །ཚོགས་ནི་ཡོངས་སུ་རྫོགས་ནས་ཀྱང་། །མྱུར་དུ་དངོས་གྲུབ་ཐོབ་པར་འགྱུར། །རྟོག་པ་ཐམས་ཅད་ཀྱི་ཚོགས་ཀྱི་དངོས་གྲུབ་ཀྱི་རྒྱུད་རྫོགས་སྟོ།། །།དེ་ནས་བྱང་
D479.084.0135a04.01ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་རིགས་ཐམས་ཅད་ཀྱི་མཚན་མ་བྱུང་བའི་ཡེ་ཤེས་ཀྱི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་ཇི་ལྟར་རྡོ་རྗེ་འབྱུང་ཞེ་ན། །དེ་ཉིད་བཅོམ་ལྡན་སེམས་དཔའ་སྟེ། །ཐམས་ཅད་སེམས་དེ་ཉིད་བདག་པོ། །སྐུ་དང་གསུང་དང་
D479.084.0135a05.01ཐུགས་རྡོ་རྗེ། །སེམས་དཔའ་རང་བྱུང་བརྟན་པ་སྟེ། །སེམས་དཔའ་ཀུན་གྱི་མཆོག་སེམས་དཔའ། །རྡོ་རྗེ་སྙིང་གར་རབ་བསྒོམས་ན། །རྡོ་རྗེ་སེམས་དཔའ་ཞེས་གྲགས་ཏེ། །འདི་ལ་རྡོ་རྗེ་རབ་ཏུ་གནས། །དེ་ཉིད་སངས་རྒྱས་རྣམས་ཀྱི་ནི། །ཡེ་ཤེས་ཚུལ་ཏེ་མཉམ་པ་
D479.084.0135a06.01མེད། །སྙིང་ལས་སྣ་ཚོགས་བྱུང་ནས་ནི། །སྣ་ཚོགས་པ་ཡི་གཟུགས་འགྱུར་ཏེ། །ཁམས་ཀུན་གྱི་ནི་རྡུལ་གྲངས་སུ། །དེ་དག་ཉིད་ནི་རྒྱལ་བ་ཡིན། །རྡོ་རྗེའི་སྐུ་ནི་དེ་དག་ལས། །རྡོ་རྗེ་སེམས་དཔར་ཡང་དག་འགྱུར། །སེམས་དཔའ་དང་པོ་ལས་དེ་ཉིད། །མཚན་མ་ཐམས་
D479.084.0135a07.01