完整藏文原文 · 德格版页 当前仅加载第 84 函德格 106b 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་རྒྱ་ཆེན་པོ་བཅིངས་ནས་ཀྱང་། །དེ་ཉིད་ཆེན་པོ་ཚིག་རེ་རེར། །བརྗོད་ནས་ཀུན་དང་ལྡན་པར་ཡང་། །ཐམས་ཅད་བདག་ནི་ཡིན་བསྒོམས་ན། །ཅི་སྟེ་འདོད་ན་བདག་ཉིད་དེས། །དེ་བྱ་གཟི་ཅན་དགེ་བ་ཡི། །གོ་འཕང་ཚེ་འདི་ཉིད་ལ་འཐོབ། །མི་འདོད་དངོས་གྲུབ་གོང་མ་བཞིན། །
D479.084.0106b01.01དེ་ནས་དམ་ཚིག་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཇི་ལྟར་རྡོ་རྗེ་འཛིན་འགྲུབ་པ། །དེ་ལྟར་བདག་ཅེས་བསྒོམས་ན་ནི། །སངས་རྒྱས་དང་ནི་གཟི་ཆེན་འཐོབ། །མི་འདོད་དངོས་གྲུབ་གོང་མ་བཞིན། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཆོས་
D479.084.0106b02.01རྣམས་ཐམས་ཅད་རང་བཞིན་གྱིས། །དག་ཅེས་བརྗོད་ན་ངེས་པར་ཡང་། །སངས་རྒྱས་དང་ནི་གཟི་ཅན་འགྱུར། །མི་འདོད་དངོས་གྲུབ་གོང་མ་བཞིན། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཐམས་ཅད་ཀྱི་ནི་ཀུན་དག་པར། །ལས་རྣམས་ཐམས་
D479.084.0106b03.01ཅད་སྦྱངས་ན་ནི། །སངས་རྒྱས་གཟི་ཅན་ཐོབ་ཅི་སྟེ། །མི་འདོད་དངོས་གྲུབ་གོང་མ་བཞིན། །དེ་བཞིན་གཤེགས་པའི་རིགས་དམ་པའི་དངོས་གྲུབ་རྣམས་སོ། །དེ་ནས་ཕྱག་ན་རྡོ་རྗེས་རང་གི་རིག་པ་དམ་པའི་དངོས་གྲུབ་ཀུན་གྱི་རྒྱུད་འདི་གསུངས་སོ། །དངོས་གྲུབ་ཀུན་སྦྱོར་སངས་རྒྱས་ཀྱི། །
D479.084.0106b04.01བཀས་ནི་སེམས་ཅན་ཀུན་དོན་དུ། །ཕྱག་རྒྱ་ཆེན་པོར་བསྒྲུབ་ན་ནི། །ཚེ་འདི་ཉིད་ལ་སངས་རྒྱས་འགྲུབ། །དེ་ནས་དམ་ཚིག་གི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དོ། །ཕྱག་རྒྱ་ཆེན་པོའི་ཚུལ་དུ་ནི། །ཇི་ལྟར་རྡོ་རྗེ་འཛིན་གྲུབ་པ། །དེ་བཞིན་བདག་ཅེས་བསྒོམས་ན་ནི། །སྐད་ཅིག་
D479.084.0106b05.01གིས་ནི་གཟི་ཆེན་འཐོབ། །དེ་ནས་ཆོས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་དེ། ཡི་གེ་མེད་པའི་ཆོས་རྣམས་ལ། །རབ་ཏུ་སྤྲོས་པ་ཡོད་མིན་ཏེ། །ཆོས་མཆོག་འདི་ནི་རྗོད་བྱེད་ཅིང་། །བསྒོམས་ན་གཟི་ཅན་ཉིད་དུ་འགྱུར། །དེ་ནས་ལས་ཀྱི་ཕྱག་རྒྱ་དམ་པའི་དངོས་གྲུབ་ཀྱི་རྒྱུད་བཤད་
D479.084.0106b06.01དེ། དགེ་བའམ་ཡང་ན་མི་དགེ་བའི། །གང་གི་ལས་རྣམས་བྱས་པ་ནི། །རྒྱལ་བ་རྣམས་ལ་ཕུལ་བྱས་ན། །སྐད་ཅིག་གིས་ནི་གཟི་ཅན་འགྱུར། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་པདྨའི་རིགས་དམ་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་དང་པོར་ནི་
D479.084.0106b07.01