完整藏文原文 · 德格版页 当前仅加载第 84 函德格 30a 版页；藏文 NFD、目录标记与异常页序保留在来源切片中，重复版页行以稳定序号区分。
བཛྲ་ཧ་ན། བཛྲ་ཧ་ར། དེ་ནས་རང་གི་རིགས་ཀྱི་ལྷའི་ཕྱག་རྒྱ་བཞིའི་ཡེ་ཤེས་བསླབ་པར་བྱའོ། །ཆོ་ག་འདི་སྐད་དུ་བསྒོ་བར་བྱ་སྟེ། ཁྱོད་ཀྱིས་ཕྱག་རྒྱ་མི་ཤེས་པ་གཞན་སུ་ཡང་རུང་བ་ལ། ཕྱག་རྒྱ་གང་ཡང་རུང་བ་བསྟན་པར་མ་བྱེད་ཅིག །དེ་ཅིའི་ཕྱིར་ཞེ་ན།
D479.084.0030a01.01དེ་ནི་འདི་ལྟར་དཀྱིལ་འཁོར་ཆེན་པོ་མ་མཐོང་བར་གྱུར་པའི་སེམས་ཅན་དེ་དག་གིས་ཕྱག་རྒྱ་བཅིང་བ་བྱས་ན། དེའི་ཚེ་དེ་དག་དེ་ལྟར་འགྲུབ་པར་མི་འགྱུར་རོ། །དེ་ནས་དེ་དག་ཐེ་ཚོམ་དུ་གྱུར་ཏེ། གནོད་པ་མ་སྤངས་པས་མྱུར་བ་ཉིད་དུ་དུས་བྱས་ནས། དམྱལ་བ་ཆེན་པོ་མནར་མེད་པ་
D479.084.0030a02.01ཞེས་བྱ་བར་ལྷུང་བར་འགྱུར་རོ། །ཁྱོད་ཉིད་ཀྱང་ངན་སོང་དུ་འགྲོ་བར་འགྱུར་རོ། །དེ་ནས་དེ་བཞིན་གཤེགས་པ་ཐམས་ཅད་ཀྱི་སེམས་དཔའ་སྒྲུབ་པའི་ཕྱག་རྒྱ་ཆེན་པོའི་ཡེ་ཤེས་གང་ཡིན་པ་སྟེ། སེམས་རྟོགས་པ་ནས་བརྩམས་ནས་ནི། །རྡོ་རྗེ་དབྱིངས་ཤེས་རྗོད་བྱེད་ཅིང་། །སངས་
D479.084.0030a03.01རྒྱས་སྐུར་ནི་བདག་བསྒྱུར་ལ། །རྡོ་རྗེ་ཉི་མ་བསྒོམ་པར་བྱ། །གྲུབ་མ་ཐག་ཏུ་དེ་ཡིས་ནི། །ཡེ་ཤེས་ཚེ་སྟོབས་ན་ཚོད་དང་། །ཀུན་ཏུ་འགྲོ་བ་ཉིད་རྣམས་འཐོབ། །སངས་རྒྱས་འགྲུབ་པའང་དཀའ་བ་མིན། །དེ་བཞིན་གཤེགས་པ་ཐམས་ཅད་མངོན་པར་རྫོགས་པར་བྱང་ཆུབ་པའི་ཕྱག་
D479.084.0030a04.01རྒྱའོ། །དེ་ནས་རྡོ་རྗེ་སེམས་དཔའ་བསྒྲུབ་པའི་ཕྱག་རྒྱ་ཆེན་པོ་བཅིང་བ་ཡིན་ཏེ། སྐུ་གསུང་ཐུགས་ནི་རྡོ་རྗེ་ཡིས། །རྡོ་རྗེ་བསྒྱིངས་པར་སེམས་བསྐྱེད་དེ། །བསྒྱིངས་བཅས་རྡོ་རྗེ་གསོར་བྱེད་ན། །རྡོ་རྗེ་སེམས་དཔར་བདག་ཉིད་འགྱུར། །དེས་ན་ཀུན་དུ་འགྲོ་བ་དང་། །འདོད་པ་ཀུན་
D479.084.0030a05.01བདག་བདེ་ཅན་དང་། །རྫུ་འཕྲུལ་ཆེ་སྟོབས་གཟུགས་མཆོག་རྣམས། །རྡོ་རྗེ་སེམས་དཔའ་འདྲ་བར་འགྱུར། །སྐུ་གསུང་ཐུགས་ནི་རྡོ་རྗེ་ཡིས། །ཇི་ལྟར་རི་མོའི་རྗེས་མཐུན་ཞིང་། །མཚན་མའི་ཕྱག་རྒྱ་རྣམས་ལྡན་པ། །སེམས་དཔའ་ཆེན་པོར་བསྒྲུབ་པར་བྱ། །འདིར་ནི་དུམ་བུ་
D479.084.0030a06.01ཐམས་ཅད་ཀྱི། །སྒྲུབ་པ་དང་ནི་དངོས་གྲུབ་དང་། །གྲུབ་པ་རྣམས་ཀྱི་ལས་ཆེན་རྣམས། །{གོ་རིམས་,གོ་རིམ་}བཞིན་དུ་བཤད་པར་བྱ། །དང་པོར་ཉིན་རེའི་དུས་བཞིན་དུ། །རང་ལ་བྱིན་གྱིས་བརླབ་ལ་སོགས། །བྱས་ནས་ཐམས་ཅད་བསྒྲུབ་བྱ་སྟེ། །དེ་ཡི་འོག་ཏུ་ཅི་དགར་བྱ། །དེ་ལ་ཕྱག་རྒྱ་
D479.084.0030a07.01