完整藏文原文 · 德格版页 当前仅加载第 84 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
པོར་དབང་བསྐུར་ན། བཅིངས་པའི་དཀྱིལ་འཁོར་མ་རུངས་པ་དེ་དག་ཐམས་ཅད་ཇི་ལྟར་བསྒྲུབ་པར་བགྱི་བ་ལེགས་པར་བཀའ་སྩལ་པར་གསོལ། དེ་ནས་བཅོམ་ལྡན་འདས་ཀྱིས་དེ་སྐད་གསན་ནས་འདི་སྐད་བཀའ་སྩལ་ཏོ། །ཨོཾ་བཛྲ་སུམྦྷ་ནི་སུམྦྷ་ཧཱུྃ་ཕཊ། དེ་ནས་བྱང་ཆུབ་སེམས་
D479.084.0055b01.01དཔའ་སེམས་དཔའ་ཆེན་པོ་ཕྱག་ན་རྡོ་རྗེས་སེམས་ཅན་ཐམས་ཅད་ལ་བསྐྱབ་པའི་ཕྱིར། དཀྱིལ་འཁོར་ཐམས་ཅད་དགུག་པའི་སྙིང་པོ་འདི་གསུངས་སོ། །ཨོཾ་བཛྲ་སམ་ཡ་ཨཱ་ཀརྵ་ཡ་སརྦ་མཎྜ་ལ། བཛྲ་དྷཱ་ར་སཏྱ་མཱ་ཏི་ཀྲ་མ་ཧཱུྃ་ཕཊ། རྡོ་རྗེ་ལྕགས་ཀྱུས་གཉིས་བཅིངས་ཏེ། །སྙིང་
D479.084.0055b02.01གར་ཡོངས་སུ་བསྐོར་བར་བྱ། །མཛུབ་གཉིས་ལྕགས་ཀྱུས་ཕྱི་རོལ་གྱི། །དཀྱིལ་འཁོར་དགུག་པའི་མཆོག་ཡིན་ནོ། །དེ་ནས་དེ་བཤད་མ་ཐག་ཏུ་དཀྱིལ་འཁོར་ཐམས་ཅད་རི་རབ་རིའི་རྩེ་མོ་ཕྱི་རོལ་ཀུན་དུ་བསྐོར་ཏེ་འཁོད་དོ། །དེ་ནས་བཅོམ་ལྡན་འདས་ཕྱག་ན་རྡོ་རྗེས་དཀྱིལ་འཁོར་འདུས་པ་
D479.084.0055b03.01དེ་དག་ཐམས་ཅད་ལ་བོས་ཏེ་འདི་སྐད་ཅེས་གསུངས་སོ། །ཀྱེ་གྲོགས་པོ་དག་སྲོག་གཅོད་པ་སྤངས་ཤིང་དམ་ཚིག་གཟུང་བ་ལ་བསྒྲུབ་པར་གྱིས། དེ་ནས་ཕྱི་རོལ་གྱི་དཀྱིལ་འཁོར་གྱི་དམ་ཚིག་གི་སེམས་ཅན་དེ་དག་རྣམས་ཀྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཅོམ་ལྡན་
D479.084.0055b04.01འདས་བདག་ཅག་ཤ་འཚལ་བ་མ་རུངས་པའི་སེམས་ཅན་ལགས་པས་མདངས་འཕྲོག་པ་ལ་སྲོག་ལྟོས་ན། བཅོམ་ལྡན་འདས་བདག་ཅག་ཇི་ལྟར་འཚོ་བར་བགྱི་བ་དེ་བཀའ་སྩོལ་ཅིག །དེ་ནས་བྱང་ཆུབ་སེམས་དཔའ་ཕྱག་ན་རྡོ་རྗེས་མ་རུངས་པའི་རྡོ་རྗེ་ཁྲོ་བོ་འདི་གསུངས་སོ། །ཨོཾ་དུཥྚ་
D479.084.0055b05.01བཛྲ་ཀྲོ་དྷ་ཧ་ན་ད་ཧ་པ་ཙ་བི་དྷྭ་ནས་ཡ་བི་ཀ་རི། སརྦ་དུཥྚ་ས་མ་ཡ་མུ་དྲཱ་མཎྜལ། བྷཉྫ་བྷཉྫ། མརྡྷ་མརྡྷ། ཁཱ་ད་ཁཱ་ད། བར་མནྟྲ་བཛྲ་ས་མ་ཡ་ཧཱུྃ་ཕཊ། རྡོ་རྗེ་ཁྲོ་མཛུབ་ལེགས་པར་ནི། །སེན་མོ་སྤྲད་དེ་དཀྲིས་ནས་ཀྱང་། །རྩེ་མོ་གཉིས་ནི་དམ་སྦྱར་བ། །ཕྱག་རྒྱ་དེ་ནི་མ་རུངས་འཇོམས། །དེ་ནས་
D479.084.0055b06.01དེ་སྨྲས་མ་ཐག་ཏུ་མ་རུངས་པའི་དཀྱིལ་འཁོར་ཐམས་ཅད་གཅིག་ཏུ་འདུས་པ་དུ་མས་གཙེ་ཞིང་དྲལ་བ་དང་། དམ་ཚིག་གི་ཕྱག་རྒྱ་བཅིངས་པ་དྲལ་ཏོ། །མ་རུངས་པའི་དམ་ཚིག་གི་སེམས་ཅན་དེ་རྣམས་ཡང་སྲེག་ཅིང་ཤིན་ཏུ་བཙོས་པས་འོ་དོད་ཆེན་པོ་འབོད་ཅིང་ཕོངས་པའི་སྒྲ་བྱུང་སྟེ།
D479.084.0055b07.01