完整藏文原文 · 德格版页 当前仅加载第 84 函德格 121b 版页；藏文 NFD、目录标记与异常页序保留在来源切片中，重复版页行以稳定序号区分。
ཅེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་འཁོར་ལོས་གསུངས་སོ། །རིགས་ཐམས་ཅད་བསྐྱེད་པའི་གསང་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་
D479.084.0121b01.01ཀྱི་རིགས་ཀྱི་ཕྱག་རྒྱ་མངོན་པར་བརྗོད་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཚན་མ་མངོན་པར་བརྗོད་པའི་དངོས་གྲུབ་གསང་བའི་རྒྱུད་དེ། བཅོམ་ལྡན་སེམས་དཔའ་དེ་ཉིད་ནི། །རྡོ་རྗེ་སེམས་དཔའ་ཐུགས་ལ་གནས། །མཉམ་
D479.084.0121b02.01པར་བཞག་ལས་ཏིང་འཛིན་ཏེ། །སངས་རྒྱས་བྱང་ཆུབ་རབ་ཏུ་བསྒྲུབ། །ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་མཚན་མའི་མངོན་པར་བརྗོད་པའི་དངོས་གྲུབ་གསང་བའི་རྒྱུད་དེ། རབ་ཏུ་རྟོགས་ཕྱིར་རྡོ་རྗེ་སྟེ། །
D479.084.0121b03.01གཟུང་བའི་ཚུལ་གྱིས་ལྕགས་ཀྱུ་ཡིན། །ཕྲ་མོ་རྟོགས་ཕྱིར་མདའ་ཡིན་ལ། །མགུ་བར་གྱུར་ཕྱིར་ལེགས་ཞེས་བྱ། །སྤྲས་པའི་ཕྱིར་ཡང་རིན་ཆེན་གསུངས། །གཟི་བརྗིད་ཚུལ་གྱིས་ཉི་མ་སྟེ། །རྒྱལ་མཚན་ལེགས་པར་སྒྲེང་བར་གསུངས། །འཛུམ་ཕྱིར་བཞད་པར་གྲགས་
D479.084.0121b04.01པ་ལ། །འདོད་ཆགས་དག་ཕྱིར་པདྨ་ཡིན། །རལ་གྲིས་ཉོན་མོངས་དགྲ་གཅོད་ཡིན། །དཀྱིལ་འཁོར་ཚུལ་དུ་འཁོར་ལོ་སྟེ། །ཚིག་གིས་བརྗོད་པས་སྨྲ་ཞེས་བྱ། །རྒྱ་གྲམ་ཚུལ་དུ་ཀུན་རྡོ་རྗེ། །མི་ཚུགས་ཚུལ་གྱིས་གོ་ཆ་ཡིན། །འཇིགས་བྱེད་ཚུལ་གྱིས་མཆེ་བ་སྟེ། །ཕྱག་
D479.084.0121b05.01རྒྱའི་ཚུལ་གྱིས་བསྡམས་པའོ། །ཇི་ལྟར་བཅོམ་ལྡན་སེམས་རྟག་པ། །རྡོ་རྗེ་སེམས་དཔའ་ཀུན་འགྲོ་བ། །དེ་བཞིན་རྡོ་རྗེ་མཚན་ལ་སོགས། །བསྒོམས་ན་མྱུར་དུ་འགྲུབ་པར་འགྱུར། །ཞེས་བཅོམ་ལྡན་འདས་དེ་བཞིན་གཤེགས་པ་ཐམས་ཅད་ཀྱི་མཚན་མས་གསུངས་སོ། །
D479.084.0121b06.01རིགས་ཐམས་ཅད་ཀྱི་མཚན་མ་མངོན་པར་བརྗོད་པའི་དངོས་གྲུབ་གསང་བའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཕྱག་རྒྱ་བཅིང་བ་སྐྱེ་བའི་དངོས་གྲུབ་གསང་བའི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་
D479.084.0121b07.01