完整藏文原文 · 德格版页 当前仅加载第 84 函德格 135b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཡང་དག་འབྱུང་། །མཚན་མ་ལས་ནི་སེམས་དཔའ་ཆེ། །དེ་ལས་ཚུལ་འདི་ཐམས་ཅད་འབྱུང་། །གང་གིས་འདི་ནི་ཐོས་འགྱུར་ལ། །དད་ཅིང་འཛིན་བྱེད་སྙིང་གར་ཡང་། །རྟག་ཏུ་དགའ་བས་བསྒོམས་ནས་ནི། །དེ་དག་མྱུར་དུ་དངོས་གྲུབ་ཐོབ། །ཅེས་བཅོམ་ལྡན་
D479.084.0135b01.01འདས་རྡོ་རྗེ་སེམས་དཔས་གསུངས་སོ། །དེ་བཞིན་གཤེགས་པ་ཐམས་ཅད་ཀྱི་དེ་ཁོ་ན་ཉིད་འབྱུང་བའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རྟོག་པ་ཐམས་ཅད་འབྱུང་བའི་ཡེ་ཤེས་ཀྱི་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་
D479.084.0135b02.01དང་པོ་ཁོ་ནར་དེ་བཞིན་གཤེགས་པ་ཐམས་ཅད་ཀྱི་རྟོག་པ་ཐམས་ཅད་འབྱུང་བའི་ཡེ་ཤེས་ཀྱི་རྒྱུད་འདི་ཡིན་ཏེ། སངས་རྒྱས་རྣམས་ཀྱི་ཡེ་ཤེས་ནི། །རྟག་ཏུ་རྣམ་སྨིན་རྟོག་ལས་བྱུང་། །མི་རྟོག་པ་ཡི་ཡེ་ཤེས་ལས། །དེ་ཕྱིར་རྟག་པ་ཞེས་བརྗོད་དོ། །དེ་ལ་འདི་ནི་དེ་བཞིན་
D479.084.0135b03.01གཤེགས་པའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། །མི་རྟོག་གང་ལ་རྟོག་ཉིད་དུ། །བརྟགས་པས་རྟོག་ལས་བྱུང་བ་ནི། །རྡོ་རྗེ་སེམས་དཔའ་སེམས་དཔའ་ཆེ། །དེ་ཕྱིར་རྟོག་པ་ཞེས་བརྗོད་དོ། །དེ་ལ་འདི་ནི་རྡོ་རྗེའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། །
D479.084.0135b04.01ཆོ་ག་བཞིན་དུ་རི་མོར་བྲིས། །རྟོག་པ་གྲུབ་སྦྱིན་ཞེས་བརྟགས་པ། །རྟོག་དང་བྲལ་བའི་བདག་ཉིད་ཀྱིས། །དེ་ཕྱིར་རྟོག་པ་ཞེས་གསུངས་སོ། །དེ་ལ་འདི་ནི་པདྨའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། རྟོག་པ་ལས་ནི་འདོད་ཆགས་འབྱུང་། །པདྨ་ལ་ནི་དེ་
D479.084.0135b05.01གནས་ཏེ། །དེ་ཕྱིར་རྟོག་ལ་གནས་པ་ནི། །གྲུབ་པ་ཉིད་དུ་དེ་འགྱུར་རོ། །དེ་ལ་འདི་ནི་ནོར་བུའི་རིགས་ཀྱི་རྟོག་པ་འབྱུང་བའི་ཡེ་ཤེས་ཀྱི་རྒྱུད་དེ། རྟོག་པ་མེད་པའི་ནོར་བུ་ནི། །མཐུ་ཡིས་ཤིན་ཏུ་མཆོག་ཏུ་འགྱུར། །དེ་ལྟར་རྣམ་པར་མི་རྟོག་པས། །ལྷ་རྫས་དངོས་གྲུབ་
D479.084.0135b06.01འབྱུང་བར་འགྱུར། །ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །རིགས་ཐམས་ཅད་ཀྱི་རྟོག་པ་འབྱུང་བའི་རྒྱུད་དོ། །དེ་ནས་རྟོག་པ་ཐམས་ཅད་ཀྱི་སྙིང་པོ་འབྱུང་བའི་ཡེ་ཤེས་ཀྱི་རྒྱུད་དེ། ཡིད་ཀྱིས་འདོད་པའི་ཆོ་ག་ཡིས། །ཡིད་ཀྱིས་འདོད་པ་འགྲུབ་
D479.084.0135b07.01