完整藏文原文 · 德格版页 当前仅加载第 84 函德格 66b 版页；藏文 NFD、目录标记与异常页序保留在来源切片中，重复版页行以稳定序号区分。
རྒྱས་དེ་ཉིད་ཀུན་བྲིས་ཤིག །རྡོ་རྗེ་ཤུགས་ཀྱིས་བརྒལ་ནས་ནི། །དཀྱིལ་འཁོར་བཞི་པོ་རྣམས་སུ་ཡང་། །འཇིག་རྟེན་གསུམ་ལས་རྣམ་རྒྱལ་སོགས། །རིམ་པ་བཞིན་དུ་དགོད་པར་བྱ། །དེ་རྣམས་ཀྱི་ནི་ཕྱོགས་ཀུན་དུ། །རྡོ་རྗེ་ཁྲོ་བོའི་ཆོ་ག་བཞིན། །དེ་ནས་འདིར་རྡོ་རྗེ་རིགས་ཀྱི་
D479.084.0066b01.01ཡེ་ཤེས་ཕྲ་མོའི་དཀྱིལ་འཁོར་གྱི་ཆོ་གའི་རིམ་པ་རྒྱས་པ་བཤད་དོ། །དེ་ལ་དང་པོ་ཉིད་དུ་རེ་ཞིག་བཅུག་ནས་བསྒོ་བ་ནི། དེ་རིང་ཁྱོད་ལ་དེ་བཞིན་གཤེགས་པ་ཐམས་ཅད་ཀྱི་རྡོ་རྗེ་ཁྲོ་བོ་ཉིད་དུ་བཅོམ་ལྡན་འདས་ཕྱག་ན་རྡོ་རྗེས་དབང་བསྐུར་གྱིས་དེ་ལེགས་པར་ནན་ཏན་གྱིས་ཤིག །སེམས་ཅན་གྱི་
D479.084.0066b02.01ཁམས་མ་ལུས་ཤིང་ལུས་པ་མེད་པ་ཡོངས་སུ་བསྐྱབ་པའི་ཕྱིར་བྱ་བ་ནས། དེ་བཞིན་གཤེགས་པ་ཐམས་ཅད་ཀྱི་ཕན་པ་དང་བདེ་བ་དང་དམ་པ་གྲུབ་པ་ཐོབ་པའི་འབྲས་བུའི་ཕྱིར་གྱི་བར་དུ་རྡོ་རྗེ་ཁྲོ་བོས་སེམས་ཅན་ཐམས་ཅད་ཀྱང་ཡང་དག་པར་སྦྱང་བའི་ཕྱིར་བདུད་བྱེད་ན་མ་རུངས་པ་ཐམས་ཅད་
D479.084.0066b03.01ལྟ་ཞིག་སྨོས་ཀྱང་ཅི་དགོས། དེ་སྐད་བསྒོ་ནས་གདོང་གཡོགས་བཀྲོལ་ཏེ། དེ་རྣམས་ཀྱི་དཀྱིལ་འཁོར་ཐམས་ཅད་བསྟན་ནས། རྡོ་རྗེ་ཅི་ལྟ་བ་བཞིན་དུ་ལག་པ་གཉིས་སུ་བྱིན་ནོ། །དེ་ནས་རྡོ་རྗེ་ཁྲོ་བོའི་ཡེ་ཤེས་ཕྲ་མོ་རྣམས་སློབས་ཤིག །རྡོ་རྗེ་ཧཱུྃ་གི་རྣལ་འབྱོར་གྱིས། །རྡོ་རྗེ་ཕྲ་མོ་བསྟན་
D479.084.0066b04.01བྱས་ལ། །ཧཱུྃ་ཞེས་བྱ་བ་གང་སྦྱར་བ། །དེ་ཡི་སྲོག་ནི་འཇིག་པར་འགྱུར། །རྡོ་རྗེ་ཕྲ་མོ་བསྟན་བྱས་ཏེ། །ཆོ་ག་བཞིན་དུ་མཆེད་པ་ནི། །ཇི་སྲིད་བར་དུ་མཆེད་པ་དེས། །དེ་སྲིད་ཀྱི་ནི་དགྲ་འདི་འཇིག །རྡོ་རྗེ་ཧཱུྃ་གི་རྣལ་འབྱོར་གྱིས། །རྡོ་རྗེ་ཕྲ་མོའི་ཚུལ་སྦྱར་ལ། །ཁྲོ་བོར་ལྡན་པ་ཇི་སྲིད་
D479.084.0066b05.01མཆེད། །དེ་སྙེད་ཐམས་ཅད་མ་རུངས་བྱེད། །དེ་བཞིན་དེ་ཡི་བསྡུ་བ་ཡང་། །རྣལ་འབྱོར་ཅན་གྱིས་འདོད་ན་ཡང་། །མ་ལུས་པར་ནི་ཐམས་ཅད་ལ། །སླར་ཡང་འཚོ་བ་སྦྱིན་པར་བྱ། །དེ་ལ་དེ་དག་གི་སྙིང་པོ་ནི་འདི་དག་ཡིན་ནོ། །ཧཱུྃ་ཧཱུྃ་ནཱ་ཤ་ཡ་བཛྲ་ཧཱུྃ་བི་ནཱ་ཤ་ཡ་སརྦ་སཱུ་ཀྵྨ་བཛྲ་པྲ་ཏྱ་ནཱ་ཤ་ཡ་ཤཱི་གྷྲཱཾ་
D479.084.0066b06.01ཧཱུྃ། སེམས་ཅན་གང་གི་དགྲ་ལ་ནི། །ལྷན་ཅིག་གྱུར་པ་ཆེར་བསྟན་པ། །བྱམས་པ་མཆེད་པའི་ཚུལ་གྱིས་ནི། །རྡོ་རྗེ་སྤྲོ་བས་གཞིག་པར་བྱ། །རྡོ་རྗེ་སྤྲོ་བའི་རྣལ་འབྱོར་གྱིས། །གང་ཡང་རུང་བའི་སྙིང་རྗེ་ཅན། །སྙིང་རྗེ་རྣལ་འབྱོར་དེ་ཡིས་ནི། །གདུག་པ་ཐམས་ཅད་ངེས་འཇིག་གོ། །
D479.084.0066b07.01