完整藏文原文 · 德格版页 当前仅加载第 84 函德格 29a 版页；藏文 NFD、目录标记与异常页序保留在来源切片中，重复版页行以稳定序号区分。
གྱུར་ནས་གར་གནས་པར། །གཏེར་ནི་དེ་ན་ཡོད་པར་བཤད། །དེ་དག་གི་སྙིང་པོ་ནི་འདི་དག་ཡིན་ནོ། །ཨོཾ་བཛྲ་ནི་དྷཱི། ཨོཾ་རཏྣ་ནི་དྷཱི། ཨོཾ་དྷརྨྨ་ནི་དྡཱི། ཨོཾ་ཀརྨྨ་ནི་དྷཱི། དེ་ནས་རྡོ་རྗེ་རྫུ་འཕྲུལ་གྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེའི་དབབ་པ་བྱས་
D479.084.0029a01.01ནས་ནི། །ཆུ་ལ་རྡོ་རྗེའི་དབྱིབས་འདྲ་བར། །བསྒོམས་ནས་ཆུ་ཡི་སྟེང་ན་ཕར། །འགྲོ་བའི་དངོས་གྲུབ་མྱུར་བར་འགྲུབ། །དེ་ལྟར་དབབ་པ་བྱས་ནས་ཀྱང་། །གང་གི་གཟུགས་སུ་བདག་གི་ལུས། །བསྒོམས་པར་གྱུར་ན་བདག་ཉིད་ནི། །སངས་རྒྱས་ཀྱི་ནི་སྐུར་ཡང་འགྱུར། །དེ་ལྟར་བདག་
D479.084.0029a02.01ལ་ཕབ་ནས་ཀྱང་། །བདག་གིས་བདག་ཉིད་ནམ་མཁར་ནི། །བསྒོམས་པར་གྱུར་ན་ཇི་སྲིད་དུ། །འདོད་པ་དེ་སྲིད་མི་སྣང་འགྱུར། །རྡོ་རྗེ་བབས་པར་བདག་གྱུར་ནས། །རྡོ་རྗེ་ཡིན་པར་བདག་བསྒོམས་ན། །གནས་ནས་ཇི་སྲིད་ལྡིང་འདོད་པ། །དེ་སྲིད་མཁའ་ལ་འགྲོ་བར་འགྱུར། །དེ་དག་
D479.084.0029a03.01གི་སྙིང་པོ་ནི་འདི་དག་ཡིན་ནོ། །བཛྲ་ཛྭ་ལ། བཛྲ་རཱུ་པ། བཛྲ་ཨཱ་ཀཱ་ཤ། བཛྲ་མ་ཧཱུྃ། དེ་ནས་རྡོ་རྗེ་རིག་འཛིན་གྱི་དངོས་གྲུབ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། ཟླ་བའི་དབྱིབས་ཅིག་བྲིས་ནས་ནི། །སྟེང་གི་མཁའ་ལ་འཕག་བྱ་སྟེ། །ལག་པར་རྡོ་རྗེ་བསྒོམས་ན་ནི། །
D479.084.0029a04.01རྡོ་རྗེ་རིག་པ་འཛིན་པར་འགྱུར། །ཟླ་བའི་དབྱིབས་སྟེང་འདུག་གནས་ནས། །རྡོ་རྗེ་རིན་ཆེན་རབ་བསྒོམས་ན། །བདག་ཉིད་བདག་པ་ཇི་སྲིད་འདོད། །དེ་སྲིད་སྐད་ཅིག་ལྡིང་བར་འགྱུར། །ཟླ་བའི་དབྱིབས་ཀྱི་སྟེང་འདུག་ནས། །རྡོ་རྗེ་པད་མ་ལ་གནས་པར། །བསྒོམས་ན་རྡོ་རྗེ་སྤྱན་
D479.084.0029a05.01གྱིས་ནི། །རིག་འཛིན་གོ་འཕང་སྦྱིན་པར་བྱེད། །ཟླ་བའི་དཀྱིལ་འཁོར་དབུས་གནས་ནས། །ལས་ཀྱི་རྡོ་རྗེ་བསྒོམས་ན་ནི། །རྡོ་རྗེ་སྣ་ཚོགས་འཛིན་པ་ལས། །རིག་འཛིན་ཀུན་ཏུ་མྱུར་བར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་དྷ་ར། རཏྣ་དྷ་ར། དྷརྨྨ་དྷ་ར།
D479.084.0029a06.01ཀརྨྨ་དྷ་ར། དེ་ནས་དེ་བཞིན་གཤེགས་པ་ཐམས་ཅད་ཀྱི་དངོས་གྲུབ་དམ་པ་འགྲུབ་པའི་ཕྱག་རྒྱའི་ཡེ་ཤེས་བསླབ་པར་བྱ་སྟེ། རྡོ་རྗེ་ཀུན་གྱི་ཏིང་ངེ་འཛིན། །ནམ་མཁའི་དབྱིངས་སུ་བསམས་ན་ནི། །རྡོ་རྗེའི་བདག་ཉིད་ཇི་སྲིད་འདོད། །དེ་སྲིད་རབ་ཏུ་ལྡིང་བར་འགྱུར། །ཀུན་ལས་
D479.084.0029a07.01