完整藏文原文 · 德格版页 当前仅加载第 84 函德格 129a 版页；藏文 NFD、目录标记与异常页序保留在来源切片中，重复版页行以稳定序号区分。
ཕྱག་རྒྱ་ལ་སོགས་པ་དངོས་པོ་ཐམས་ཅད་ལ་ལན་ཅིག་བརྗོད་པས་འབེབས་པར་བྱེད་དོ། །སྒྱུ་མའི་ལས་ཀྱང་བྱེད་དེ། རྨ་བྱའི་མཇུག་སྒྲོའི་ནང་དུ་རྡོ་རྗེ་བཅུག་སྟེ་བཅིངས་ལ། དེ་ནས་རྨ་བྱའི་མཇུག་སྒྲོ་དེ་སེམས་དཔའ་རྡོ་རྗེ་མའི་ཕྱག་རྒྱས་མནན་ལ། དེ་བཞིན་
D479.084.0129a01.01གཤེགས་པ་ཐམས་ཅད་ཀྱི་སེམས་དཔའ་རྡོ་རྗེ་མའི་ཕྱག་རྒྱ་བབས་ཀྱི་བར་དུ་བཟླས་པར་བྱའོ། །དེ་ནས་རྨ་བྱའི་མཇུག་སྒྲོ་ལས་གཟུགས་སྣ་ཚོགས་པ་ལ་སོགས་པར་སྣང་བར་འགྱུར་ཏེ། དེ་ཕྱིན་ཅད་རྨ་བྱའི་མཇུག་སྒྲོ་རང་གི་ལུས་ལ་ཆོ་ག་བཞིན་དུ་གཟུགས་ཐམས་ཅད་ཀྱང་སྟོན་ཏེ།
D479.084.0129a02.01མཇུག་སྒྲོ་དེ་ཉིད་ལན་ཅིག་བཟླས་ཏེ། བསྐོར་བས་ཀྱང་བདག་ཉིད་ལས་གཟུགས་ཐམས་ཅད་སྣང་བར་འགྱུར་རོ། །མཇུག་སྒྲོ་དེ་ཉིད་ཀྱིས་འཇིག་རྟེན་པའི་སྒྱུ་མའི་ལས་རྣམས་ཀྱང་སྟོན། སངས་རྒྱས་དང་བྱང་ཆུབ་སེམས་དཔའ་རྣམས་ཀྱི་གཟུགས་བརྙན་ཡང་སྟོན། ཕྱོགས་བཅུའི་
D479.084.0129a03.01སངས་རྒྱས་ཀྱི་ཞིང་ཐམས་ཅད་ན་དེ་བཞིན་གཤེགས་པའི་འཁོར་གྱི་དཀྱིལ་འཁོར་དང་བཅས་པ་རྣམས་ཀྱིས། བདུད་སྡེ་དང་བཅས་པ་རྣམས་འདུལ་བ་ལ་སོགས་པ་རྣམས་རྫུ་འཕྲུལ་གྱིས་རྣམ་པར་རོལ་བ་ལ་སོགས་པ་མཛད་པ་རྣམས་ཀྱང་སྟོན་པ་ནས། བདག་ཉིད་ལས་རྣམ་པའི་
D479.084.0129a04.01མཆོག་ཐམས་ཅད་དང་ལྡན་པའི་སངས་རྒྱས་ཀྱི་སྐུ་གཟུགས་ཀྱང་སྟོན་པའི་བར་དུའོ། །ཅི་སྟེ་དབང་དུ་བྱེད་པར་འདོད་ན་ཡང་དེ་བཞིན་གཤེགས་པ་ཐམས་ཅད་ཀྱི་སེམས་མའི་རྡོ་རྗེ་མའི་ཕྱག་རྒྱ་བཅིངས་ལ་ཕྱག་རྒྱ་དེ་འབར་བར་གྱུར་གྱི་བར་དུ་བཟླས་པར་བྱའོ། །དེ་ནས་དེ་ཕྱིན་ཆད་ཕྱག་རྒྱ་བཅིངས་བ་
D479.084.0129a05.01ཙམ་གྱིས་དེ་བཞིན་གཤེགས་པ་ཐམས་ཅད་མཉེས་པར་བྱེད་ཅིང་དབང་དུ་བྱེད་ན་སེམས་དཔའ་གཞན་ལྟ་སྨོས་ཀྱང་ཅི་དགོས། ཅི་སྟེ་འཇིག་རྟེན་དང་འཇིག་རྟེན་ལས་འདས་པའི་དངོས་གྲུབ་བསྒྲུབ་པར་འདོད་ན་ཡང་དེས་དང་པོ་ཁོ་ནར་དེ་བཞིན་དུ། ཟློས་ཤིང་ཟླ་བ་གཅིག་ཏུ་བརྒྱད་སྟོང་བཟླས་ལ་
D479.084.0129a06.01དེ་ནས་མཐར་ཕྱག་རྒྱ་བཅིངས་ཏེ་དེ་བཞིན་དུ་མཚན་ཐོག་ཐག་ཕྱག་རྒྱ་འབར་གྱི་བར་དུ་བཟླས་པར་བྱའོ། །དེ་ཕྱིན་ཅད་ཕྱག་རྒྱ་བཅིངས་པ་ཙམ་གྱིས་འཇིག་རྟེན་གྱི་དངོས་གྲུབ་གང་ཡང་རུང་བ་གཅིག་ཏུ་འགྱུར་རོ་ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །དེ་བཞིན་གཤེགས་པའི་
D479.084.0129a07.01