完整藏文原文 · 德格版页 当前仅加载第 84 函德格 84a 版页；藏文 NFD、目录标记与异常页序保留在来源切片中，重复版页行以稳定序号区分。
ཤ་དྷ་ར་པདྨ་གྷཎྚེ་ཨཱ་བེ་ཤ་ཡ་སརྦ་པདྨ་ཀུ་ལ་ས་མ་ཡཱཾ་སརྦ་མུ་དྲཱཾ་བནྡྷ་ཡ་སརྦ་སིདྡྷི་མྨེ་པྲ་ཡ་ཙྪ་པདྨ་ཨཱ་པེ་ཤ་ཨཿཨཿཨཿཨཿ། དེ་ནས་འགྲོ་བ་ཐམས་ཅད་འདུལ་བ་ཞེས་བྱ་བའི་པདྨའི་དཀྱིལ་འཁོར་གྱི་ཆོ་ག་རྒྱས་པ་བཤད་དོ། །དེ་ལ་དང་པོ་ཁོ་ནར་པདྨའི་སློབ་དཔོན་ཉིད་རྡོ་རྗེ་པདྨ་
D479.084.0084a01.01དམ་ཚིག་གི་ཕྱག་རྒྱ་བཅིངས་ལ་ཇི་ལྟ་བ་བཞིན་དུ་ཞུགས་ཏེ། རྡོ་རྗེ་དབྱིངས་ཀྱི་དཀྱིལ་འཁོར་ཆེན་པོའི་ཚུལ་དུ་སྙིང་པོ་འདིས་ལས་རྣམས་བྱའོ། །ཨོཾ་མ་ཧཱ་པདྨ་སྥོ་ཊ་ཨ་དྷི་ཏིཥྛ་ཨ། དེ་ནས་དེ་བཞིན་དུ་བཀའ་མནོས་ནས་དམ་ཚིག་གི་ཕྱག་རྒྱས་བདག་ཉིད་དབང་བསྐུར་ཏེ། པདྨའི་དབྱིབས་
D479.084.0084a02.01བསླབས་ནས་རང་གི་པདྨའི་མིང་བརྗོད་ལ་པདྨ་ལྕགས་ཀྱུ་ལ་སོགས་པས་ལས་རྣམས་བྱའོ། །དེ་ནས་ཆོས་ཀྱི་ཕྱག་རྒྱ་དེ་དག་ཉིད་ཀྱིས་སེམས་དཔའ་ཆེན་པོ་རྣམས་བསྒྲུབ་པར་བྱའོ། །དེ་ནས་དངོས་གྲུབ་རྣམས་ཀྱང་དེ་བཞིན་ནོ། །དེ་ནས་པདྨའི་སློབ་མ་རྣམས་གཞུག་པར་བྱ་སྟེ། དེ་ལས་
D479.084.0084a03.01དང་པོར་པདྨའི་སློབ་མ་རྣམས་མནའི་སྙིང་པོ་བྱིན་ལ་འདི་སྐད་དུ་བསྒོ་བར་བྱའོ། །དེང་ནི་ཁྱོད་ཀྱི་སྙིང་ག་ན། །པདྨ་སེམས་དཔའ་ཉིད་བཞུགས་ཏེ། །ཇི་སྟེ་ཚུལ་འདི་སྨྲས་ན་ནི། །དེ་མ་ཐག་ཏུ་དྲལ་ཏེ་གཤེགས། །དེ་ནས་ཡང་འདི་སྐད་དུ་བསྒོ་བར་བྱས་ཏེ། གསང་བའི་ཆོ་ག་རྒྱས་པ་འདི་སུ་ལ་
D479.084.0084a04.01ཡང་མ་སྨྲ་ཤིག །ཁྱོད་ཀྱིས་མི་བདེ་བ་མ་སྤངས་པས་དུས་བྱས་ནས་སེམས་ཅན་དམྱལ་བར་ལྟུང་བར་གྱུར་ཏ་རེ། དེ་ནས་སྙིང་པོ་འདིས་དམ་ཚིག་གི་ཕྱག་རྒྱ་བཅིང་བར་བྱའོ། །ཨོཾ་བཛྲ་པདྨ་ས་མ་ཡ་སྟྭཾ། དེ་ནས་གོས་དཀར་པོ་བགོས་ལ་དར་དཀར་པོས་གདོང་གཡོགས་ནས་གཞུག་པར་བྱ་སྟེ།
D479.084.0084a05.01སྙིང་པོ་ནི་འདི་ཡིན། ཨོཾ་པདྨ་ས་མ་ཡ་ཧཱུྃ། དེ་ནས་ལས་རྣམས་ཇི་ལྟ་བ་བཞིན་དུ་བྱས་ནས་པདྨའི་དབྱིབས་ལག་ཏུ་སྦྱིན་ནོ། །ཨོཾ་པདྨ་ཧསྟ་བཛྲ་དྷརྨ་ཧ་ན་པ་ལ་ཡ་ཧེ་ནི། དེས་ཀྱང་འདི་སྐད་དུ་པདྨའི་ཆོས་ཉིད་ཇི་ལྟ་བུ་ལགས་ཞེས་དྲི་བར་བྱའོ། །དེ་ལ་ཡང་འདི་སྐད་དུ་བརྗོད་པར་བྱའོ། །ཇི་ལྟར་པདྨོ་
D479.084.0084a06.01དམར་པོ་འདི། །འདོད་པའི་ཉེས་པས་མི་ཆགས་བཞིན། །ཐམས་ཅད་དག་པར་བསྒོམས་ན་ནི། །དེ་བཞིན་སྡིག་པས་ཆགས་མི་འགྱུར། །དེ་ལ་ཆོས་ཉིད་ནི་འདི་ཡིན་ནོ། །དེ་ནས་པདྨའི་རིགས་ཀྱི་ཕྱག་རྒྱའི་ཡེ་ཤེས་བསླབ་པར་བྱ་སྟེ། སྙིང་ལ་པདྨ་བྲིས་ནས་ཀྱང་། །པདྨ་བསྒོམས་ན་སྙིང་
D479.084.0084a07.01