完整藏文原文 · 德格版页 当前仅加载第 84 函德格 85b 版页；藏文 NFD、目录标记与异常页序保留在来源切片中，重复版页行以稳定序号区分。
སངས་རྒྱས་ཉིད། །རྡོ་རྗེ་པདྨ་གྲུབ་མཆོག་སྦྱིན། །འདོད་པའི་པདྨ་རབ་འདོད་ལྡན། །དགའ་བ་ཡིས་ནི་ལེགས་པ་སྦྱིན། །ཁྲོ་གཉེར་གྱིས་ནི་ཁྲོ་ཞིར་འགྱུར། །པདྨའི་ཉི་མ་གཟི་བརྗིད་མཆོག །པདྨ་ཟླ་བས་མཛེས་པ་ཆེ། །བཞད་པས་རབ་བཞད་གྲུབ་པ་འཐོབ། །གྲོལ་བས་དངོས་
D479.084.0085b01.01གྲུབ་མཆོག་འཐོབ་བོ། །པདྨ་རལ་གྲིས་ལོངས་སྤྱོད་འཐོབ། །མགྲིན་སྔོན་གྱིས་ནི་འགུགས་པ་ཆེ། །གོས་དཀར་གྱིས་ནི་དངོས་གྲུབ་འཐོབ། །པདྨ་གར་དབང་གིས་འགྲུབ་སྟེ། །མི་འཇིགས་རྟག་ཏུ་འཇིགས་པ་མེད། །རབ་གཏུམ་གྱིས་ནི་མ་ལུས་འདུལ། །པདྨ་ཁུ་ཚུར་རབ་ཏུ་
D479.084.0085b02.01སྒྲུབ། །སྒེག་མོ་དགའ་ཞིང་ཕྲེང་བ་ནོར། །གླུར་བླངས་གར་བདེ་བདུག་པས་ཚིམ། །མེ་ཏོག་མཛེས་ཤིང་མེ་མར་ལྟ། །དྲིས་ནི་མཆོག་གི་དྲིར་ཡང་འགྱུར། །རྟ་མགྲིན་གྱིས་ནི་ཡང་དག་འགུགས། །གདོན་མི་ཟ་བར་དབང་དུ་བྱེད། །པདྨ་ལྕགས་སྒྲོག་བཅིང་བ་ཆེ། །དྲིལ་བུས་ཀུན་
D479.084.0085b03.01ནས་འབེབས་བྱེད་དོ། །དེ་ནས་པདྨའི་རིགས་ཀྱི་དམ་ཚིག་གི་ཕྱག་རྒྱའི་ཡེ་ཤེས་ཡིན་ཏེ། རྡོ་རྗེ་བསྡམས་པ་བཅིངས་ནས་ནི། །མཐེ་བོ་མཐེའུ་ཆུང་མཉམ་པར་བསྒྲེང་། །ཕྱག་རྒྱ་འདི་ནི་ཆོས་དམ་ཚིག །སངས་རྒྱས་ཆོས་ནི་རབ་ཐོབ་བྱེད། །རྡོ་རྗེ་བསྡམས་པ་བཅིངས་ནས་ནི། །མཛུབ་
D479.084.0085b04.01མོ་གུང་མོ་སྲིན་ལག་མཉམ། །སངས་རྒྱས་རིགས་མཆོག་ཕྱག་རྒྱ་དེ། །སངས་རྒྱས་ཉིད་དུ་འགྲུབ་པར་བྱེད། །རྡོ་རྗེ་བསྡམས་པ་བཅིངས་ནས་ནི། །གུང་མོ་རྡོ་རྗེ་རབ་མཉམ་པ། །འདི་ནི་རྡོ་རྗེ་རིགས་དམ་པའི། །ཕྱག་རྒྱ་ཡིན་ཏེ་རྡོ་རྗེ་འགྲུབ། །དེ་ལས་གུང་མོ་རིན་ཆེན་འདྲ། །རྡོ་རྗེ་རིན་ཆེན་
D479.084.0085b05.01རབ་འགྲུབ་བྱེད། །གུང་མོ་པདྨའི་ཚུལ་དུ་བྱས། །པདྨའི་དངོས་གྲུབ་ཐོབ་པར་བྱེད། །རྡོ་རྗེ་ཐལ་མོ་བསྡམས་ནས་ནི། །རྡོ་རྗེའི་ལས་ནི་བྱེད་པར་འགྱུར། །ཆོས་ཀྱི་རྡོ་རྗེ་བཅིངས་ན་ནི། །སྐད་ཅིག་གིས་ནི་དམ་ཚིག་འགྲུབ། །རྡོ་རྗེ་བསྡམས་ལས་མཛུབ་མཉམ་པས། །སངས་རྒྱས་དངོས་
D479.084.0085b06.01གྲུབ་ཐོབ་པར་བྱེད། །དེ་ནས་རབ་ཏུ་བཤད་བྱ་བ། །སེམས་དཔའི་ཕྱག་རྒྱ་ཁྱད་པར་དུ། །རྡོ་རྗེ་ཐལ་མོ་བསྡམས་ནས་ཀྱང་། །གུང་མོ་མཉམ་པར་བསྡམས་ནས་ནི། །མཐེ་བོ་མཐེའུ་ཆུང་ཕྱེ་བ་ནི། །སྣ་ཚོགས་པདྨར་བཤད་པ་ཡིན། །དེ་ལས་མཐེ་བོ་གཉིས་བསྣོལ་ཏེ། །མཛུབ་
D479.084.0085b07.01