完整藏文原文 · 德格版页 当前仅加载第 84 函德格 70b 版页；藏文 NFD、目录标记与异常页序保留在来源切片中，重复版页行以稳定序号区分。
དཀྱིལ་འཁོར་གསང་ཞིང་སྦ་བའི་ཕྱག་རྒྱའི་ཡེ་ཤེས་བསླབ་བོ། །དཀྱིལ་འཁོར་འདིར་ནི་ཞུགས་ནས་ཀྱང་། །འདོད་པའི་ཡོན་ཏན་ལྔ་ཡིས་ནི། །བུད་མེད་མཆོག་ནི་མགུ་བྱས་ལ། །ཤིན་ཏུ་གྲུབ་པ་ཐོབ་པར་འགྱུར། །དེ་ནས་འདིའི་སྙིང་པོ་བརྗོད་དོ། །ཧོ་བཛྲ་ཀཱ་མ། དེ་ནས་ཇི་ལྟ་བ་
D479.084.0070b01.01བཞིན་དུ་རྡོ་རྗེས་མནན་པའི་རྩེ་གསུམ་པའི་ཕྱག་རྒྱ་ལ་སོགས་པ་དམ་ཚིག་གི་ཕྱག་རྒྱ་བཞི་པོ་རྣམས་ཆོ་ག་རྒྱས་པ་དང་ལྡན་པར་བསླབ་སྟེ། ཕྱག་རྒྱ་བཞིའི་ཚུལ་འདིས་རྡོ་རྗེ་སིལ་སྙན་དང་རྔ་དང་བརྡུང་བ་བརྡབས་ནས་རྡོ་རྗེ་སེམས་དཔའ་བསྡུས་པའི་སྙིང་པོ་གླུ་བླངས་ཏེ་ཕུལ་ནས་ཕྱག་རྒྱ་དང་། ལན་
D479.084.0070b02.01གྱི་ཕྱག་རྒྱ་དང་། ཉེ་བའི་ཕྱག་རྒྱ་དང་། ཡེ་ཤེས་ཀྱི་ཕྱག་རྒྱ་དང་། གར་གྱི་མཆོད་པས་མཆོད་པར་བྱའོ། །དེ་ལ་གར་གྱི་མཆོད་པས་མཆོད་པ་ནི་འདི་ཡིན་ནོ། །རྡོ་རྗེ་གར་གྱི་སྦྱོར་བ་ཡིས། །རྡོ་རྗེ་ཁྲོ་བོའི་མཛུབ་མོ་གཉིས། །རྡོ་རྗེ་ཧཱུྃ་གི་ཕྱག་རྒྱ་ནི། །སྙིང་ག་ཉིད་དུ་བཅིང་བར་བྱ། །དེ་བཞིན་
D479.084.0070b03.01གར་བྱ་གཡོན་པ་ནི། །གཡས་པའི་ཆང་པས་གཟུང་བར་བྱ། །བསྒྱུར་ནས་དཔྲལ་བ་ཉིད་དུ་ནི། །མཛུབ་མོའི་ངོས་ནི་གཞག་པར་བྱ། །དེ་བཞིན་གར་ཡང་བཀྲོལ་ནས་ནི། །མཉམ་པར་པདྨ་ཁ་འབུས་སྦྱར། །མཛུབ་མོ་སྙིང་གར་བཞག་ནས་ནི། །བསམ་པ་གཡོས་པས་འདུད་པར་
D479.084.0070b04.01བྱའོ། །རྡོ་རྗེ་ཁྲོ་བའི་མཛུབ་བསྙམས་ཏེ། །བཀན་ནས་རྩེ་མོ་སྤྲད་བྱ་ཞིང་། །དེ་ལས་བསྒྱུར་ཞིང་གཙུག་ཏོར་དུ། །མཛུབ་མོའི་རྩེ་མོ་བཞག་པའོ། །དེ་ནས་ཡང་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་རང་གི་རྡོ་རྗེའི་དམ་ཚིག་གི་ཁྲོ་བོའི་དམ་ཚིག་འདི་གསུངས་པ། ཧཱུྃ།
D479.084.0070b05.01དེ་ནས་འདིའི་དཀྱིལ་འཁོར་བཤད་པ། །དེ་ནས་རབ་ཏུ་བཤད་བྱ་བ། །གསང་བའི་དཀྱིལ་འཁོར་དམ་པ་སྟེ། །རྡོ་རྗེ་དབྱིངས་དང་འདྲ་བས་ན། །རྡོ་རྗེ་ཧཱུྃ་ཞེས་བྱ་བ་སྟེ། །དཀྱིལ་འཁོར་ཆེན་པོའི་ཚུལ་དུ་ནི། །དཀྱིལ་འཁོར་ཐམས་ཅད་བྲི་བར་བྱ། །དེ་ཡི་དབུས་སུ་ལེགས་བྲི་བ། །
D479.084.0070b06.01ཟླ་བའི་དཀྱིལ་འཁོར་རྡོ་རྗེ་འཛིན། །རྡོ་རྗེ་ཧཱུྃ་གི་ཕྱག་རྒྱ་ཆེ། །ལག་ན་འཛིན་པ་རྡོ་རྗེར་བཅས། །བརྐྱང་བསྐུམ་ཚུལ་དུ་གནས་པ་དང་། །ཁ་དོག་གཟུགས་ནི་ཇི་བཞིན་བྱ། །དེ་ནས་འདིར་གསང་བའི་ཕྱག་རྒྱའི་དཀྱིལ་འཁོར་གྱི་ཆོ་ག་རྒྱས་པ་ཐམས་ཅད་བྱས་ཏེ་རྡོ་རྗེ་ཧཱུྃ་ཞེས་བྱ་བ་གསང་
D479.084.0070b07.01