完整藏文原文 · 德格版页 当前仅加载第 84 函德格 97b 版页；藏文 NFD、目录标记与异常页序保留在来源切片中，重复版页行以稳定序号区分。
པར་བྱའོ། །ཨོཾ་ཧཱུྃ་མ་ཎི་རཱ་ཛ་ཀུ་ལཾ། དེ་ནས་ད་ལྟར་བཅུག་ནས་འདི་སྐད་དུ་ཁྱོད་ཀྱིས་འདི་སུ་ལ་ཡང་མ་བརྗོད་ཅིག །ཁྱོད་ཚེ་རབས་ཐམས་ཅད་དབུལ་པོར་གྱུར་ཏ་རེ། སྡུག་བསྔལ་ལས་མི་ཐར་བར་གྱུར་ཏ་རེ། སེམས་ཅན་དམྱལ་བར་ཡུན་རིང་པོར་གནས་པར་གྱུར་ཏ་རེ་ཞེས་བསྒོ་ལ་
D479.084.0097b01.01དམ་ཚིག་གཉིས་སུ་བྱའོ། །ཐེག་པ་ཆེན་པོ་མངོན་པར་འདུས་པ་ཡང་བརྗོད་པར་བྱའོ། །དེ་ནས་བསམ་པ་དང་གཏེར་ཆེན་པོ་གང་ན་ཡོད། ཇི་ལྟར་ཐོབ་པར་འགྱུར་ཞེས་རྡོ་རྗེའི་ཚིག་གིས་དྲི་བར་བྱའོ། །དེ་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་ནམ་མཁའི་
D479.084.0097b02.01སྙིང་པོས་ཐམས་ཅད་སྨྲར་སྩོལ་ཅིག་ཅེས་སྨྲས་མ་ཐག་ཏུ་གདོང་གཡོགས་པ་བཀྲོལ་ཏེ་དེ་བཞིན་གཤེགས་པ་ཐམས་ཅད་ཀྱི་དབང་གི་དམ་ཚིག་ཀྱང་བསྟན་ཏེ། བཅོམ་ལྡན་འདས་དེ་བཞིན་གཤེགས་པ་ལ་ཐུག་གི་བར་དུ་དཀྱིལ་འཁོར་ཆེན་པོ་བསྟན་པར་བྱའོ། །དེ་ནས་ཅི་འབྱོར་པས་
D479.084.0097b03.01མཆོད་པ་བྱས་ནས་དགོས་པ་ཐམས་ཅད་བསྒྲུབ་པར་བྱའོ། །དེ་ནས་ཡེ་ཤེས་ཀྱི་ཕྱག་རྒྱ་ནི་འདི་ཡིན་ཏེ། རྡོ་རྗེ་སྙིང་པོའི་ཕྱག་རྒྱ་ཆེ། །ཤིན་ཏུ་མཉམ་པར་བཞག་པས་བཅིངས། །གཏེར་བརྐོས་ནས་ནི་གང་དག་ན། །གཏེར་ཡོད་པ་ནི་དེ་མཐོང་འགྱུར། །དམ་ཚིག་གི་ནི་མཆོག་བཅིངས་ལ། །གང་
D479.084.0097b04.01ན་གཏེར་རྣམས་ཡོད་གྱུར་པ། །དེར་ནི་ཕྱག་རྒྱ་བཙིར་ན་ནི། །དེ་ཚེ་བདག་ཉིད་འབྱུང་བར་འགྱུར། །རྡོ་རྗེ་སྙིང་པོའི་ཏིང་འཛིན་དུ། །ཤིན་ཏུ་མཉམ་བཞག་བསྒོམས་ན་ནི། །གང་ན་གཏེར་རྣམས་ཡོད་པ་ཡང་། །ཡིད་ཀྱིས་ཤེས་པ་ཉིད་དུ་འགྱུར། །རྡོ་རྗེའི་སྙིང་པོའི་ཏིང་འཛིན་གྱིས། །ལས་
D479.084.0097b05.01ཀྱི་ཕྱག་རྒྱ་བཅིངས་ནས་ནི། །གང་དུ་ཕྱག་རྒྱ་བབས་གྱུར་ན། །དེ་ན་གཏེར་ཡོད་ཤེས་པར་བྱ། །དེ་ལ་དེ་དག་གི་སྙིང་པོ་ནི་འདི་རྣམས་སོ། །ཨོཾ་མ་ཧཱ་མ་ཎི་རཏྣ་ཨཱ་བི་ཤ་ཧཱུྃ། ཨོཾ་མ་ཎི་པིཎྜ་པ་རི་ཤ་ཡ་ཧཱུྃ། ཨོཾ་རཏྣ་ས་མཱ་དྷི་བྲཱུ་ཧི། ཨོཾ་རཏྣ་ཨཱ་བི་ཤ་དརྵ་ཡ་ཧཱུྃ། ཕྱག་རྒྱ་ཆེན་པོར་བསྒོམས་ན་
D479.084.0097b06.01ནི། །གང་དུ་ལུས་ནི་ཁོར་གྱུར་པ། །དེ་ན་རིན་ཆེན་གཏེར་ཡོད་པར། །དམ་ཚིག་ཉིད་ཀྱིས་ཤེས་པར་བྱ། །དམ་ཚིག་མཆོག་ནི་བཅིངས་ནས་ཀྱང་། །གང་དུ་བབས་ནས་གཉིས་གྱུར་པ། །དེ་ནི་རིན་ཆེན་ཆེན་པོ་ཡི། །གཏེར་ཡོད་པར་ནི་ཤེས་པར་བྱ། །ཏིང་འཛིན་ཕྱག་རྒྱ་བཅིངས་ནས་
D479.084.0097b07.01