完整藏文原文 · 德格版页 当前仅加载第 84 函德格 128b 版页；藏文 NFD、目录标记与异常页序保留在来源切片中，重复版页行以稳定序号区分。
ཅད་ཀྱི་སེམས་དཔའ་རྡོ་རྗེ་མའི་ཕྱག་རྒྱ་བཅིངས་ལ་རི་མོའི་སྐུ་གཟུགས་ཀྱི་ཕྱག་རྒྱའི་སྤྱན་སྔར་ཅི་དགའ་བ་བཞིན་དུ་ཇི་ལྟ་བ་བཞིན་བཅིངས་ཤིང་བཀྲོལ་ཏེ་རྡོ་རྗེའི་ཚིག་འབུམ་བཟླས་པར་བྱའོ། །དེ་ནས་མཐར་མཚན་ཐོག་ཐག་ངལ་མི་བསོ་བར་ཅུང་ཟད་ཙམ་ཞིག་ཕྱག་རྒྱ་བཀྲོལ་ཏེ། ཇི་ལྟ་བ་བཞིན་
D479.084.0128b01.01བཅིངས་ནས་བཟླས་བརྗོད་བྱའོ། །དེ་ནས་ཕྱག་རྒྱ་འབར་ཞིང་འབབ་ལ་འཕར་ཞིང་ཉུང་བར་སྨྲ་བར་འགྱུར་རོ། །དེ་ནས་ཕྱག་རྒྱ་བཅིངས་བཞིན་དུ་ནམ་མཁའ་ལ་ལྡིང་བར་འགྱུར་རོ། །གཟུགས་ཅི་དགའ་བ་དང་། མི་སྣང་བ་དང་ལས་ཐམས་ཅད་ཀྱང་བྱེད་པར་འགྱུར་རོ། །བཅིངས་མ་
D479.084.0128b02.01ཐག་ཏུ་ཕྱག་རྒྱ་ཐམས་ཅད་ཀྱིས་ཀྱང་ལས་ཐམས་ཅད་ཇི་ལྟ་བ་བཞིན་བྱེད་པར་འགྱུར་རོ། །བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཡང་ན་ཏིང་ངེ་འཛིན་བསྒྲུབ་པར་འདོད་ན་ནི། དེས་རྡོ་རྗེ་ཕྲ་མོ་ནས་བརྩམས་ཏེ། ཏིང་ངེ་འཛིན་དེ་གང་ལ་དགའ་བའི་སྙིང་པོའི་རྣལ་འབྱོར་གྱི་ཚུལ་
D479.084.0128b03.01དུ་ཟླ་བ་བཞིའི་བར་དུ་བསྒོམས་ལ། དེ་ནས་མཐར་མཚན་ཐོག་ཐག་སྐྱིལ་མོ་ཀྲུང་མི་ཞིག་པར་སྙོམས་པར་ཞུགས་ཏེ་འདུག་པར་བྱའོ། །དེ་ནས་ནམ་ལངས་པ་དང་དེ་བཞིན་གཤེགས་པ་ལ་སོགས་པའི་དངོས་གྲུབ་ཐམས་ཅད་མངོན་སུམ་དུ་འགྱུར་རོ། །དེ་ནས་ཇི་ལྟ་བུ་འདོད་པ་དེ་ལྟ་བུ་ཐོབ་
D479.084.0128b04.01པར་འགྱུར་རོ་ཞེས་བཅོམ་ལྡན་འདས་རྡོ་རྗེ་སེམས་དཔས་གསུངས་སོ། །ཅི་སྟེ་ལས་བསྒྲུབ་པར་འདོད་ན་ཡང་དེ་བཞིན་དུ་བཟླས་ཞིང་ཟླ་བ་གཅིག་གི་བར་དུ་བསྒྲུབས་ལ། དེ་ནས་མཐར་མཚན་གཅིག་ཐོག་ཐག་ཏུ་བཟླས་པར་བྱའོ། །དེ་ནས་ལས་ཐམས་ཅད་ཀྱི་དངོས་གྲུབ་ཏུ་འགྱུར་རོ་
D479.084.0128b05.01ཞེས་བཅོམ་ལྡན་འདས་རྡོ་རྗེ་འཛིན་པས་གསུངས་སོ། །ཅི་སྟེ་ལས་ཤིག་བྱ་བར་འདོད་ན་ཡང་ལན་ཅིག་བརྗོད་པ་ཙམ་གྱིས་བདག་དང་གཞན་དང་། གྲོང་དང་གྲོང་ཁྱེར་རྣམས་གོ་ཆ་བཅིང་བ་ལ་སོགས་པས་བསྲུངས་པར་འགྱུར་རོ། །དབབ་པ་ཡང་བྱ་སྟེ་ཙནྡན་དྲི་ཞིམ་པོས་གདོན་གྱིས་ཟིན་
D479.084.0128b06.01པ་དང་། གདོན་གྱིས་མ་ཟིན་པ་རྣམས་རྡོ་རྗེ་དང་། ལྕགས་ཀྱུ་དང་། མདའ་དང་། ལག་པ་དང་། རིན་པོ་ཆེ་དང་། ཉི་མ་དང་། རྒྱལ་མཚན་དང་། སོའི་ཕྲེང་བ་དང་། པདྨ་དང་། རལ་གྲི་དང་། འཁོར་ལོ་དང་། ལྕེ་དང་། རྡོ་རྗེ་རྒྱ་གྲམ་དང་། གོ་ཆ་དང་། མཆེ་བ་དང་། ཁུ་ཚུར་གྱི་
D479.084.0128b07.01