完整藏文原文 · 德格版页 当前仅加载第 84 函德格 126b 版页；藏文 NFD、目录标记与异常页序保留在来源切片中，重复版页行以稳定序号区分。
འཕགས་པ་ཕྱག་ན་རྡོ་རྗེས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། ས་ལ་གནོད་སྦྱིན་གདོང་བྲིས་ཏེ། །དེ་ཡི་མིག་གི་ཕྱོགས་སུ་ནི། །མཛུབ་མོའི་སེན་མོ་བཙུགས་ན་ཡང་། །བུད་མེད་མཆོག་ནི་འདྲེན་པར་འགྱུར། །ཞེས་བཅོམ་
D479.084.0126b01.01ལྡན་འདས་རྡོ་རྗེ་སེམས་དཔས་གསུངས་སོ། །དེ་ལ་འདི་ནི་པདྨའི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། ལག་པ་གཉིས་སུ་པདྨ་བླངས། །འདོད་ཆགས་དག་པ་ལྟ་བྱེད་ཅིང་། །རྡོ་རྗེ་ལྟ་བས་བུད་མེད་དེ། །བལྟས་ན་ཡང་ནི་དགའ་བར་འགྱུར། །ཞེས་བཅོམ་ལྡན་འདས་
D479.084.0126b02.01པདྨ་འཛིན་པས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱི་ཆོས་ཉིད་ཀྱི་དངོས་གྲུབ་ཀྱི་རྒྱུད་དེ། རྡོ་རྗེ་རིན་ཆེན་ཏིང་འཛིན་གནས། །ལག་པ་གཉིས་ཀྱིས་ནོར་བུ་བཟུང་། །ཧཱུྃ་ཞེས་བྱ་བའི་ཚུལ་གྱིས་ནི། །བུད་མེད་ཀུན་ལ་འདུད་བྱེད་དོ། །ཞེས་བཅོམ་ལྡན་འདས་རྡོ་རྗེ་ཧཱུྃ་
D479.084.0126b03.01གིས་གསུངས་སོ། །རིགས་ཐམས་ཅད་ཀྱི་ལས་ཀྱི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་རིགས་ཀྱི་
D479.084.0126b04.01ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། མཆོད་པའི་ལས་ཀྱི་ཆོ་གར་སྦྱར། །གང་དང་གང་གི་དགོས་བསམས་པ། །དེ་དང་དེ་ནི་གསོལ་བཏབ་སྟེ། །མཁས་པས་ཕྱག་རྒྱ་བསྒྲུབ་པར་བྱ། །ཞེས་བཅོམ་ལྡན་འདས་རྡོ་རྗེ་དབྱིངས་ཀྱིས་གསུངས་སོ། །དེ་ལ་འདི་ནི་དེ་བཞིན་
D479.084.0126b05.01གཤེགས་པའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། རྡོ་རྗེ་སེམས་དཔའི་ཏིང་འཛིན་གྱིས། །གསང་བའི་མཆོད་པའི་ཆོ་གར་སྦྱར། །དགོས་པ་གང་ཞིག་སྨྲས་པ་དེ། །མྱུར་དུ་དངོས་གྲུབ་ཐོབ་པར་འགྱུར། །ཞེས་བཅོམ་ལྡན་འདས་རྡོ་རྗེ་ཆོས་ཀྱིས་གསུངས་སོ། །དེ་ལ་
D479.084.0126b06.01འདི་ནི་རྡོ་རྗེའི་རིགས་ཀྱི་ལས་ཀྱི་དགོས་པའི་དངོས་གྲུབ་ཀྱི་རྒྱུད་དེ། ཁྲོ་བོའི་ཏིང་འཛིན་ཞུགས་ནས་ཀྱང་། །རིགས་ཀྱི་གསང་བའི་མཆོད་ཆེན་བྱས། །མཁས་པས་ཅུང་ཟད་གང་བསམས་པ། །དེ་ནི་མྱུར་དུ་དངོས་གྲུབ་འགྱུར། །ཞེས་བཅོམ་ལྡན་འདས་རྡོ་རྗེ་ཁྲོ་བོས་གསུངས་སོ། །དེ་ལ་
D479.084.0126b07.01