完整藏文原文 · 德格版页 当前仅加载第 84 函德格 81b 版页；藏文 NFD、目录标记与异常页序保留在来源切片中，重复版页行以稳定序号区分。
མགོན་པོ་ཆེན་པོ་རྣམ་གཟིགས་པ། །འཇིག་རྟེན་སྣང་བ་འཇིག་རྟེན་དོན། །འཇིག་རྟེན་མགོན་པོ་ཁྱོད་ཕྱག་འཚལ། །འཇིག་རྟེན་ཡི་གེ་ཡི་གེ་ཆེ། །ཡི་གེ་མཆོག་ནི་ཡི་གེ་འདྲ། །ཡི་གེ་ཡི་གེ་ཐམས་ཅད་གཟིགས། །འཁོར་ལོའི་ཡི་གེ་ཁྱོད་ཕྱག་འཚལ། །ཕྱག་ན་པདྨ་ཕྱག་
D479.084.0081b01.01ཆེན་པོ། །དབུགས་འབྱིན་པ་ནི་སྦྱིན་པ་པོ། །སངས་རྒྱས་ཆོས་ནི་སངས་རྒྱས་ཆེ། །སངས་རྒྱས་བདག་ཉིད་ཁྱོད་ཕྱག་འཚལ། །སངས་རྒྱས་གཟུགས་ནི་གཟུགས་ཆེན་པོ། །རྡོ་རྗེའི་གཟུགས་ནི་གཟུགས་བཟང་འཆང་། །ཆོས་ཀྱི་སྣང་བ་གཟི་བརྗིད་མཆོག །འཇིག་རྟེན་སྣང་ཁྱོད་
D479.084.0081b02.01ཕྱག་འཚལ་ལོ། །པདྨའི་དཔལ་ནི་མགོན་པོ་མཆོག །ཆོས་དཔལ་མགོན་པོ་མགོན་ལྡན་པ། །ཚངས་པའི་མགོན་པོ་ཚངས་ཆེན་པོ། །ཚངས་སྲས་ཁྱོད་ལ་ཕྱག་འཚལ་ལོ། །སྣང་བའི་སྣང་མཆོག་སྣང་བའི་གཙོ། །སྣང་གསལ་ཤིན་ཏུ་སྣང་བ་བོ། །སྣང་བའི་མགོན་པོ་སྣང་བ་
D479.084.0081b03.01ཆེ། །སངས་རྒྱས་སྣང་ཁྱོད་ཕྱག་འཚལ་ལོ། །སངས་རྒྱས་དབང་བསྐུར་སངས་རྒྱས་མཆོག །སངས་རྒྱས་སྲས་པོ་མཁས་ཆེན་པོ། །སངས་རྒྱས་དབང་བསྐུར་གཙུག་གི་མཆོག །སངས་རྒྱས་སངས་རྒྱས་ཁྱོད་ཕྱག་འཚལ། །སངས་རྒྱས་སྤྱན་ནི་སྤྱན་ཆེན་པོ། །ཆོས་སྤྱན་གཟིགས་
D479.084.0081b04.01པ་ཆེན་པོ་ཡི། །ཏིང་འཛིན་ཡེ་ཤེས་ཐམས་ཅད་པ། །རྡོ་རྗེ་སྤྱན་ཁྱོད་ཕྱག་འཚལ་ལོ། །བདག་ཉིད་ཀུན་གྱི་ཡོན་ཏན་འདི། །ཁྱོད་ནི་མཚན་བརྒྱ་རྩ་བརྒྱད་རྣམས། །བསྟོད་ནས་གོམས་པར་བྱེད་པ་ན། །འཇིག་རྟེན་དབང་པོ་ཐོབ་པར་འགྱུར། །དཔའ་བོ་ཁྱོད་ལ་གསོལ་བཏབ་པ། །རང་
D479.084.0081b05.01གི་རིགས་རྣམས་བསྐྱེད་ནས་ཀྱང་། །ཆོས་ཀྱི་འཁོར་ལོ་དམ་པ་ནི། །ཐུབ་པ་ཆེན་པོས་བཤད་པར་གསོལ། །དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་སྤྱན་རས་གཟིགས་དབང་པོས་དེ་བཞིན་གཤེགས་པ་ཐམས་ཅད་ཀྱིས་གསོལ་བ་བཏབ་པའི་ཚིག་ཐོས་ནས། བཅོམ་ལྡན་
D479.084.0081b06.01འདས་ཤཱཀྱ་ཐུབ་པ་དེ་བཞིན་གཤེགས་པ་ག་ལ་བ་དེར་མངོན་དུ་ཕྱོགས་ཏེ་འདུག་ནས་རྡོ་རྗེ་པདྨ་དེ་རང་གི་ཐུགས་ཀར་བཞག་སྟེ་ཆེད་དུ་བརྗོད་པ་འདི་ཆེད་དུ་བརྗོད་དོ། །ཨེ་མའོ། །རབ་ཏུ་དག་པ་བདག་གི་རྡོ་རྗེ་པདྨ་འདི། །ཕ་ཡིན་འདི་ནི་བདག་གི་བུ། །རིགས་འདི་བྱིན་གྱིས་བརླབ་པར་མཛོད། །
D479.084.0081b07.01