完整藏文原文 · 德格版页 当前仅加载第 84 函德格 127b 版页；藏文 NFD、目录标记与异常页序保留在来源切片中，重复版页行以稳定序号区分。
གྱིས་ནི། །རྡོ་རྗེ་ཕྲ་མོ་བསྒོམས་བྱས་ལ། །ངག་གི་ཕྱག་རྒྱས་དེ་དག་ཀུན། །སེམས་དཔའ་ཆེན་པོའི་ཏིང་ངེ་འཛིན། །ཅེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་རིགས་ཀྱི་ལས་ཀྱིས་བྱིན་གྱིས་བརླབས་པའི་རྣལ་འབྱོར་
D479.084.0127b01.01གྱི་རྒྱུད་དེ། སངས་རྒྱས་ཀུན་ལ་དབང་བསྐུར་དང་། །མཆོད་དང་དམ་ཚིག་དངོས་གྲུབ་རྣམས། །བཅོམ་ལྡན་འདས་ཞེས་བསྒོམས་ནས་ཀྱང་། །རྡོ་རྗེའི་ལས་རྣམས་བསྒྲུབ་པར་བྱ། །ཞེས་བཅོམ་ལྡན་འདས་རྡོ་རྗེ་ལས་ཀྱིས་གསུངས་སོ། །རིགས་ཐམས་ཅད་ཀྱི་ཕྱག་རྒྱ་སྒོམ་པའི་
D479.084.0127b02.01དངོས་གྲུབ་ཀྱི་རྒྱུད་དོ། །དེ་ནས་ཡང་བཅོམ་ལྡན་འདས་དེ་བཞིན་གཤེགས་པ་ཐམས་ཅད་གཅིག་ཏུ་འདུས་ནས་བཅོམ་ལྡན་འདས་བྱང་ཆུབ་སེམས་དཔའ་སེམས་དཔའ་ཆེན་པོ་དེ་བཞིན་གཤེགས་པ་ཐམས་ཅད་ཀྱི་འཁོར་ལོས་སྒྱུར་བ་ཕྱག་ན་རྡོ་རྗེ་ལ་ལེགས་སོ་ཞེས་བྱ་བ་བྱིན་ནོ། །རྡོ་རྗེ་ཐེག་པ་
D479.084.0127b03.01བླ་ན་མེད། །དེ་བཞིན་གཤེགས་པ་ཀུན་གྱི་གསང་། །ཐེག་པ་ཆེན་པོ་མངོན་འདུས་པའི། །མདོ་འདི་ལེགས་པར་བཤད་པས་ན། །ལེགས་སོ་རྡོ་རྗེ་སེམས་དཔའ་ཁྱོད། །རྡོ་རྗེ་རིན་ཆེན་ཁྱོད་ལེགས་སོ། །རྡོ་རྗེ་ཆོས་ཁྱོད་ལེགས་པ་སྟེ། །རྡོ་རྗེ་ལས་ནི་ཁྱོད་ལེགས་སོ། །དེ་བཞིན་
D479.084.0127b04.01གཤེགས་པ་ཐམས་ཅད་ཀྱི་དེ་ཁོ་ན་ཉིད་བསྡུས་པ་ལས་བརྟག་པ་ཐམས་ཅད་ཀྱི་གསང་བའི་རྒྱུད་ཕྱི་མའི་ཆོ་ག་རྒྱས་པ་རྫོགས་{སྷོ,སོ}།། །།བམ་པོ་དགུ་པ། དེ་ནས་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱག་ན་རྡོ་རྗེས་ཚིགས་སུ་བཅད་པ་འདི་གསུངས་སོ། །ལྟ་བ་ངན་
D479.084.0127b05.01ཅིང་ཆགས་བྲལ་ལ། །གསང་བ་འདི་ནི་མི་རིགས་ཏེ། །སེམས་ཅན་ཀུན་ལ་ཕན་དོན་དུ། །དེ་བཞིན་ཆོ་ག་བཤད་པར་བྱ། །དེ་ནས་ཡང་བྱང་ཆུབ་སེམས་དཔའ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཡོ་བྱད་དང་ཆོ་ག་རྒྱས་པའི་རྒྱུད་འདི་གསུངས་སོ། །དེ་ལ་འདི་ནི་
D479.084.0127b06.01དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་ཡོ་བྱད་དང་ཆོ་ག་རྒྱས་པའི་རྒྱུད་དེ། དེ་ལ་འདི་ནི་སྙིང་པོའི་ཡོ་བྱད་དང་ཆོ་ག་རྒྱས་པའི་རྒྱུད་ཡིན་ཏེ། དཀྱིལ་འཁོར་ཆེན་པོ་མཐོང་ནས་བདུག་པ་དང་། མར་མེ་དང་། མེ་ཏོག་དང་། དྲིའི་ཕྱག་རྒྱ་རྣམས་ཀྱིས་མཆོད་པ་བྱས་ཏེ། དེ་ནས་རྡོ་རྗེ་ཚིག་
D479.084.0127b07.01