完整藏文原文 · 德格版页 当前仅加载第 84 函德格 54a 版页；藏文 NFD、目录标记与异常页序保留在来源切片中，重复版页行以稳定序号区分。
བསྐུར་ནས། རྡོ་རྗེའི་མཚན་མའང་ལག་ཏུ་བྱིན་ཏེ། རྡོ་རྗེ་མིང་གིས་དབང་བསྐུར་བས་དབང་བསྐུར་ནས་དེ་ནས་དེ་བཞིན་གཤེགས་པ་ཐམས་ཅད་ཀྱིས་སེམས་ཅན་གྱི་དོན་ལ་བཀོད་དོ། །དེ་ནས་འཇིག་རྟེན་གསུམ་པོའི་བདག་པོ་རྣམས་ཡིན་ཏེ། འདི་ལྟ་སྟེ། དབང་ཕྱུག་
D479.084.0054a01.01ཆེན་པོ་ནི་ཁྲོ་བོའི་རྡོ་རྗེའོ། །མཐུ་བོ་ཆེ་ནི་སྒྱུ་མའི་རྡོ་རྗེའོ། །ཀརྞི་ཀ་སྒྲ་གཞོན་ནུ་ནི་རྡོ་རྗེ་དྲིལ་བུའོ། །ཚངས་པ་ནི་ཐུབ་པའི་རྡོ་རྗེའོ། །དབང་པོ་ནི་རྡོ་རྗེའི་མཚོན་ཆ་སྟེ། དེ་ལ་སོགས་པ་ནི་རིག་པའི་རྒྱལ་པོ་རྣམས་སུ་ཞེས་བྱ་བར་དབང་བསྐུར་ཏོ། །དེ་ནས་བར་སྣང་ལ་སྤྱོད་པའི་ལྷའི་དབང་པོ་
D479.084.0054a02.01ཐམས་ཅད་ལ་རྗེས་སུ་བྱིན་པ་ནི་འདི་ལྟ་སྟེ། ཉི་མ་ནི་རྡོ་རྗེ་འཁྱིལ་བའོ། །ཟླ་བ་ནི་རྡོ་རྗེའི་འོད་དོ། །དབྱུག་པ་ཆེན་པོའི་གཙོ་བོ་ནི་རྡོ་རྗེ་དབྱིག་པའོ། །སེར་སྨུག་ནི་རྡོ་རྗེ་སེར་སྨུག་སྟེ། དེ་ལ་སོགས་པ་ནི་རྡོ་རྗེ་ཁྲོ་བོ་ཞེས་བྱ་བར་དབང་བསྐུར་ཏོ། །དེ་ནས་ནམ་མཁའ་ལ་སྤྱོད་པའི་ལྷའི་དབང་པོ་ཐམས་
D479.084.0054a03.01ཅད་ལ་བྱིན་པ་འདི་ལྟ་སྟེ། སྦྲང་རྩིས་མྱོས་པ་ནི་རྡོ་རྗེའི་གླང་པོའི་སྣའོ། །སྦྲང་རྩི་བྱེད་པ་ནི་རྡོ་རྗེའི་ཕྲེང་བའོ། །རྒྱལ་པོ་ནི་རྡོ་རྗེའི་དབང་ངོ་། །རྒྱལ་བར་བྱེད་པ་ནི་རྣམ་པར་རྒྱལ་བའི་རྡོ་རྗེ་སྟེ། དེ་ལ་སོགས་པ་ནི་ཚོགས་ཀྱི་གཙོ་བོ་ཞེས་བྱ་བར་དབང་བསྐུར་ཏོ། །དེ་ནས་ས་བླའི་དབང་པོ་ཐམས་
D479.084.0054a04.01ཅད་ལ་བྱིན་པ་འདི་ལྟ་སྟེ། མཛོད་སྐྱོང་ནི་རྡོ་རྗེ་ཐོ་བའོ། །མེ་ནི་རྡོ་རྗེའི་མེའོ། །རླུང་ནི་རྡོ་རྗེའི་རླུང་ངོ་། །ཀུ་བེར་ནི་རྡོ་རྗེ་འཇིགས་པའོ། །དེ་ལ་སོགས་པ་ནི་རྡོ་རྗེ་ཕོ་ཉ་ཞེས་བྱ་བར་དབང་བསྐུར་ཏོ། །དེ་ནས་སའི་འོག་གི་དབང་པོ་ལྷ་ཐམས་ཅད་ལ་བྱིན་པ་འདི་ལྟ་སྟེ། ཕག་ནི་རྡོ་རྗེ་ལྕགས་ཀྱུའོ། །གཤིན་
D479.084.0054a05.01རྗེ་ནི་རྡོ་རྗེ་དུས་སོ། །གཙུག་ཕུད་ས་ནི་རྡོ་རྗེ་བགེགས་ཀྱི་གཙོ་བོའོ། །བ་རུ་ཎ་ནི་ཀླུ་རྡོ་རྗེ་སྟེ། དེ་དག་ལ་སོགས་པ་ནི་རྡོ་རྗེ་བྲན་ཞེས་བྱ་བར་དབང་བསྐུར་ཏོ། །དེ་ནས་འཇིག་རྟེན་གསུམ་གྱི་བདག་པོའི་ལྷ་མོ་ཐམས་ཅད་རྡོ་རྗེ་རིན་པོ་ཆེའི་དབང་བསྐུར་བས་དབང་བསྐུར་ཏེ། རང་གི་མཚན་མ་རྡོ་རྗེར་བྱིན་
D479.084.0054a06.01གྱིས་བརླབས་ནས། རྡོ་རྗེ་མིང་གི་དབང་བསྐུར་བས་དབང་བསྐུར་ཅིང་། དེ་བཞིན་གཤེགས་པ་ཐམས་ཅད་ཀྱི་སེམས་ཅན་གྱི་དོན་ལ་རབ་ཏུ་བཀོད་པ་ལ་འདི་ལྟ་སྟེ། ཨུམ་ནི་ཁྲོ་བོ་རྡོ་རྗེ་མའོ། །གསེར་ལྡན་མ་ནི་རྡོ་རྗེ་གསེར་རོ། །དྲུག་ལྡན་མ་ནི་རྡོ་རྗེ་གཞོན་ནུ་མའོ། །ཚངས་མ་ནི་རྡོ་རྗེ་ཞི་མའོ། །
D479.084.0054a07.01