完整藏文原文 · 德格版页 当前仅加载第 84 函德格 99b 版页；藏文 NFD、目录标记与异常页序保留在来源切片中，重复版页行以稳定序号区分。
བའི་ཕྲེང་བ་ནི། །རང་གི་དབང་ནི་རབ་སྦྱིན་འགྱུར། །དེ་ཉིད་སྙིང་གར་མཐེ་བོ་གཉིས། །བསྒྲེང་སྟེ་ངོས་ཀྱིས་སྦྱར་བ་ནི། །ནོར་བུ་ཉི་མའི་སྙིང་གར་གཞག །གཟི་བརྗིད་ཆེན་པོ་རབ་སྦྱིན་འགྱུར། །སྲིན་ལག་བསྙམས་ཏེ་བསྒྲེང་ནས་ནི། །ཕྱེ་སྟེ་སྤྱི་བོར་གཞག་པར་བྱ། །རྡོ་རྗེ་ནོར་བུ་
D479.084.0099b01.01ཆེན་པོ་གཙོ། །རེ་བ་ཐམས་ཅད་རྫོགས་བྱེད་པའོ། །དེ་ཉིད་ལས་ནི་འགྱིང་བྱེད་ཅིང་། །ཁ་འགྲམ་རྒོད་པར་བསྐོར་བ་སྟེ། །རིན་ཆེན་ཆར་རྒོད་ཞེས་བྱ་བ། །བཞད་པས་དོན་རྣམས་ཐམས་ཅད་འགྲུབ། །ཏིང་ངེ་འཛིན་དུ་སོར་མོ་བསྒོམ། །ནོར་བུ་པདྨ་ནོར་འཆང་བའི། །དེ་ནས་མཐའ་ནས་
D479.084.0099b02.01གྲོལ་བ་ནི། །སྦྱིན་པ་ཆེན་པོ་རབ་སྦྱིན་བྱེད། །མཐེ་བོ་གཉིས་ནི་ནང་དུ་དགུག །མཛུབ་གཉིས་ནོར་བུར་བྱས་པ་ནི། །ནོར་བུ་རལ་གྲི་ཡིན་ཏེ་མཐུས། །འགྲོ་བ་རྣམས་ཀྱི་ནོར་འཕྲོག་པའོ། །རྡོ་རྗེ་བསྡམས་ལས་འཁོར་ལོར་བྱ། །མཐེབ་གཉིས་ནང་དུ་བཅུག་ནས་ཀྱང་། །མཛུབ་གཉིས་ནོར་
D479.084.0099b03.01བུ་འདྲར་བྱས་པ། །འཁོར་ལོས་སྒྱུར་བ་ཐོབ་པར་བྱེད། །དེ་ཉིད་ཐལ་མོའི་ཚུལ་དུ་བྱས། །ཁ་ནས་འདྲེན་པར་བྱས་པ་ནི། །དེ་བཅིངས་ནས་ནི་ངག་གིས་ཀྱང་། །རང་གི་བཀས་ནི་ནོར་འཕྲོག་འགྱུར། །རྡོ་རྗེ་ནོར་བུ་ཆེ་བཅིངས་ལ། །རིན་ཆེན་ཆར་ནི་རབ་འབེབས་ཏེ། །སོར་མོ་ཐམས་ཅད་
D479.084.0099b04.01བསྒྲེང་བ་ནི། །ཕྱོགས་བཞི་ནས་ནི་ནོར་ཆར་འབེབས། །རྡོ་རྗེ་ནོར་བུ་ཆེ་བཅིངས་ལ། །གར་བྱས་གཙུག་ཕུད་དབུས་བཞག་ནས། །ཀུན་ལ་ཆོ་ག་བཞིན་མཆོད་ན། །རིན་ཆེན་ཀུན་གྱིས་དེ་མཆོད་འགྱུར། །དོན་ཀུན་གྲུབ་པའི་ཕྱག་རྒྱས་ནི། །མགྲིན་པའི་ཕྱོགས་སུ་འཁྱུད་པར་བྱ། །
D479.084.0099b05.01ནོར་བུ་བཅིངས་པ་ཞེས་བྱ་སྟེ། །བསྲུང་བ་ཡི་ནི་ཆོ་གར་གྲགས། །དོན་ཀུན་གྲུབ་པ་དེ་ཉིད་ལས། །གནོད་སྦྱིན་ཚུལ་དུ་ཁར་བཞག་པ། །ནོར་བུ་མཆེ་བ་ཞེས་བྱ་སྟེ། །འཇིག་བྱེད་དོན་ཀུན་འཕྲོག་བྱེད་པའི། །རྡོ་རྗེ་བསྡམ་པ་དམ་བྱས་ལ། །མཛུབ་བཀུག་མཐེ་བོ་གཉིས་ཀྱིས་ནི། །ལེགས་
D479.084.0099b06.01པར་མནན་ཏེ་བཙིར་བ་ནི། །ནོར་བུའི་ཁུ་ཚུར་དངོས་གྲུབ་འཐོབ། །དམ་ཚིག་རྣམས་ཀྱི་མཆོད་མཆོག་རྣམས། །རྡོ་རྗེ་དབྱིངས་ཀྱི་ཚུལ་དུ་ནི། །ཇི་བཞིན་ནོར་བུ་ལྡན་པ་ལ། །འདི་ནི་དམ་ཚིག་མཆོག་ཏུ་བརྟགས། །གུང་མོ་ནོར་བུའི་ཚུལ་དུ་བྱ། །དེ་དག་ཉིད་ལ་རྣམ་པར་བརྟགས། །ལྕགས་
D479.084.0099b07.01