完整藏文原文 · 德格版页 当前仅加载第 84 函德格 115a 版页；藏文 NFD、目录标记与异常页序保留在来源切片中，重复版页行以稳定序号区分。
བུའི་རིགས་མཉེས་པར་བྱ་བའི་དངོས་གྲུབ་ཀྱི་རྒྱུད་དེ། དབང་བསྐུར་བ་ནི་རབ་སྦྱིན་དང་། །ནོར་བསགས་རབ་ཏུ་སྦྱིན་བྱེད་ཅིང་། །དེ་ཡང་སངས་རྒྱས་དོན་དུ་སྦྱོར། །འདི་ནི་སངས་རྒྱས་མཉེས་པར་བྱེད། །ཅེས་བཅོམ་ལྡན་འདས་འཕགས་པ་ནམ་མཁའི་སྙིང་པོས་གསུངས་
D479.084.0115a01.01སོ། །རིགས་ཐམས་ཅད་ཀྱི་མཉེས་པར་བྱ་བའི་དངོས་གྲུབ་ཀྱི་ཆོ་ག་རྒྱས་པའི་རྒྱུད་དོ། །དེ་ནས་བྱང་ཆུབ་སེམས་དཔའ་ཆེན་པོ་ཕྱག་ན་རྡོ་རྗེས་དེ་བཞིན་གཤེགས་པ་ཐམས་ཅད་ཀྱི་རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་འདི་གསུངས་སོ། །དེ་ལ་འདི་ནི་དེ་བཞིན་གཤེགས་པའི་
D479.084.0115a02.01རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། དེ་ལྟར་རྣམ་དག་བདེ་སྦྱིན་པ། །འདོད་ཆགས་ལ་ནི་བརྙས་མི་བྱ། །སེམས་ཅན་ཀུན་གྱི་དོན་དུ་བརྩོན། །འདི་ནི་སངས་རྒྱས་དབང་དུ་བྱེད། །ཅེས་སངས་རྒྱས་བཅོམ་ལྡན་འདས་ཀྱིས་གསུངས་སོ། །དེ་ལ་འདི་ནི་དེ་བཞིན་གཤེགས་པའི་
D479.084.0115a03.01རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། །འདོད་སྟེན་བདེ་བའི་བདག་ཉིད་ཀྱིས། །སུ་ར་ཏ་སྟྭཾ་ཞེས་སྨྲ་ཞིང་། །རྡོ་རྗེ་སེམས་དཔའ་བསྒྲུབས་ན་ནི། །དེ་ཉིད་བསྐུལ་ན་དབང་དུ་འགྱུར། །ཞེས་བཅོམ་ལྡན་འདས་ཀུན་དུ་བཟང་པོས་གསུངས་སོ། །དེ་ལ་འདི་ནི་རྡོ་རྗེའི་རིགས་ཀྱི་དབང་
D479.084.0115a04.01དུ་བྱ་བའི་དངོས་གྲུབ་ཀྱི་རྒྱུད་དོ། །སངས་རྒྱས་བཀའ་ནི་སེམས་ཅན་རྣམས། །དག་བྱ་ལུས་ཅན་སྐྱབས་སྦྱིན་དང་། །སངས་རྒྱས་བསྟན་པ་བསྲུང་བའི་ཕྱིར། །བསད་ན་ཡང་ནི་དབང་དུ་འགྱུར། །ཞེས་བཅོམ་ལྡན་འདས་རྡོ་རྗེ་ཧཱུྃ་ཞེས་བྱ་བས་གསུངས་སོ། །དེ་ལ་འདི་ནི་པདྨའི་རིགས་ཀྱི་དབང་དུ་
D479.084.0115a05.01བྱ་བའི་དངོས་གྲུབ་ཀྱི་རྒྱུད་དེ། པདྨ་འདབ་མ་ཁ་འབྱེད་ཅིང་། །འདོད་ཆགས་དག་ལ་ཀུན་རྟོག་ལ། །གདུལ་བའི་ཕྱིར་ནི་ཆགས་བྱེད་ཅིང་། །འདོད་པར་བྱེད་པ་དབང་དུ་འགྱུར། །ཞེས་བཅོམ་ལྡན་འདས་འཕགས་པ་ཀུན་དུ་སྤྱན་རས་གཟིགས་ཀྱི་དབང་པོས་གསུངས་སོ། །དེ་ལ་འདི་ནི་ནོར་བུའི་
D479.084.0115a06.01རིགས་ཀྱི་དབང་དུ་བྱ་བའི་དངོས་གྲུབ་ཀྱི་རྒྱུད་དེ། སངས་རྒྱས་ཐམས་ཅད་དབང་བསྐུར་ཕྱིར། །རྡོ་རྗེ་རིན་ཆེན་ཉིན་རེ་རེར། །སྤྱི་བོར་བཞག་སྟེ་དབང་བསྐུར་ན། །སངས་རྒྱས་ཐམས་ཅད་དབང་དུ་འགྱུར། །ཞེས་བཅོམ་ལྡན་འདས་ནམ་མཁའི་སྙིང་པོས་གསུངས་སོ། །རིགས་ཐམས་ཅད་ཀྱི་དབང་དུ་
D479.084.0115a07.01