完整藏文原文 · 德格版页 当前仅加载第 84 函德格 29b 版页；藏文 NFD、目录标记与异常页序保留在来源切片中，重复版页行以稳定序号区分。
དག་པའི་ཏིང་ངེ་འཛིན། །བསྒོམས་ན་བླ་མེད་དེ་བཞིན་དུ། །ཡེ་ཤེས་བསྒྲུབ་པས་མྱུར་དུ་ནི། །མངོན་ཤེས་ལྔ་ནི་ཐོབ་པར་འགྱུར། །རྡོ་རྗེ་སེམས་དཔའ་འདྲ་བར་ནི། །ནམ་མཁའ་ཐམས་ཅད་དྲན་བྱས་ན། །བདག་ཉིད་དྲན་པ་བརྟན་ལྡན་ཞིང་། །རྡོ་རྗེ་འཛིན་པར་མྱུར་དུ་
D479.084.0029b01.01འགྱུར། །ནམ་མཁའི་དབྱིངས་ནི་ཐམས་ཅད་དུ། །སངས་རྒྱས་གཟུགས་སུ་དམིགས་ནས་ནི། །སངས་རྒྱས་ཀུན་གྱི་ཏིང་འཛིན་ལས། །སངས་རྒྱས་ཉིད་དུ་འགྲུབ་པར་འགྱུར། །དེ་དག་གི་སྙིང་པོ་ནི་འདི་དག་ཡིན་ནོ། །བཛྲ་བཛྲ། ཤུདྡྷ་ཤུདྡྷ། སཏྭ་སཏྭ། བུདྡྷ་བུདྡྷ།
D479.084.0029b02.01ཐམས་ཅད་ཀྱི་དངོས་གྲུབ་ཀྱི་ཡེ་ཤེས་འགྲུབ་པ་རྣམས་སོ། །དེ་ནས་གསང་ཐུབ་པ་ཡིན་པས། དེ་ལ་དང་པོར་མནའི་སྙིང་པོ་བརྗོད་པར་བྱ་སྟེ། ཨོཾ་བཛྲ་སཏྭ་སྭ་ཡ་ནྡྱེ། ཧྲྀད་ཡེས་མ་བསྟ་ཏ་ནི་བཱི་རྱཱ་ཏ་ཏ་ཀྵ་ཎཱཾཡཱ་ཡཱ་དྻ་ཏི་བྲུ་ཡད་ཨི་དམ་ན་ཡཾ། དེ་ནས་འདི་སྐད་དུ་ཁྱོད་ཀྱིས་མནའི་སྙིང་པོ་
D479.084.0029b03.01དེ་ལས་འདའ་བར་མ་བྱེད་ཅིག །ཁྱོད་ཀྱིས་གནོད་པ་མ་སྤངས་པས། དུས་མ་ཡིན་པར་ཤི་བར་གྱུར་ཏ་རེ། ལུས་འདི་ཉིད་ཀྱིས་དམྱལ་བར་ལྟུང་བར་གྱུར་ཏ་རེ་ཞེས་བསྒོ་བར་བྱའོ། །དེ་ནས་གསང་བའི་ཕྱག་རྒྱའི་ཡེ་ཤེས་བསླབ་པར་བྱའོ། །རྡོ་རྗེ་དབབ་པ་བྱས་ན་ནི། །མཉམ་
D479.084.0029b04.01པར་བཞག་པས་རྡོ་རྗེ་ཡི། །ཐལ་མོ་ངོས་ཀྱིས་དལ་བརྡབས་ན། །རི་བོ་ཡང་ནི་དབང་དུ་འགྱུར། །རྡོ་རྗེ་ཐལ་མོའི་ཕྱག་རྒྱའོ། །རྡོ་རྗེ་དབབ་པའི་ཆོ་ག་ཡིས། །རྡོ་རྗེ་བསྡམས་པའི་ངོས་ཀྱིས་ནི། །དལ་གྱིས་བརྡབ་པར་སྦྱོར་བ་ཡིས། །རི་བོ་ཡང་ནི་ཀུན་ནས་འགུགས། །དེ་བཞིན་
D479.084.0029b05.01དབབ་པའི་ཆོ་ག་ཡིས། །རྡོ་རྗེ་བསྡམས་པ་བརྐྱང་ནས་ནི། །སོར་མོའི་རྩེ་མོ་མཉམ་བརྡབས་ན། །རིགས་བརྒྱ་ཡུད་ཀྱིས་བརླག་པར་འགྱུར། །ཕྲ་མོ་དབབ་པའི་ཆོ་ག་ཡིས། །སོར་མོ་ཐམས་ཅད་མཉམ་བཞག་ཅིང་། །རྡོ་རྗེ་བསྡམས་མས་བཀྲོལ་བ་ནི། །སྡུག་བསྔལ་ཐམས་ཅད་
D479.084.0029b06.01སེལ་བའི་མཆོག །དེ་ནས་དེ་དག་གི་གསང་བ་བསྒྲུབ་པ་ཡིན་ཏེ། བུད་མེད་དམ་ནི་སྐྱེས་པ་ཡི། །བུ་གའི་ནང་དུ་གཞུག་པར་བྱ། །ཡིད་ཀྱིས་དེ་ལྟར་ཞུགས་ནས་ཀྱང་། །དེ་ཡི་ལུས་ཀུན་ཁྱབ་པར་བསམ། །དེ་ལ་ཐལ་མོའི་སྙིང་པོ་ནི་འདི་དག་ཡིན་ནོ། །བཛྲཔཱ་ཤ། བཛྲ་ཨཱ་བེ་ཤ།
D479.084.0029b07.01