完整藏文原文 · 德格版页 当前仅加载第 72 函德格 120a 版页；藏文 NFD、目录标记与异常页序保留在来源切片中，重复版页行以稳定序号区分。
པ་ཞིག་བཙས་སོ། །བཙས་ནས་དེའི་བཙས་སྟོན་རྒྱ་ཆེར་བྱས་ཏེ་ཁྱེའུ་འདིའི་མིང་ཅིར་གདགས་ཞེས་མིང་འདོགས་པར་བྱེད་དོ། །བློན་པོ་རྣམས་ཀྱིས་སྨྲས་པ། ལྷ་འདི་ལྟར་མ་སྐྱེས་པ་ཉིད་ནས་རྒྱལ་སྲིད་ལ་མངོན་པར་དགའ་བས་དེའི་སླད་དུ་ཁྱེའུའི་མིང་རྒྱལ་
D301.072.0120a01.01སྲིད་དགའ་ཞེས་བགྱིའོ། །ཁྱེའུ་རྒྱལ་སྲིད་དགའ་མ་མ་བརྒྱད་ལ་རྗེས་སུ་གཏད་དེ་ཞེས་བྱ་བ་ནས་རྫིང་ན་གནས་པའི་པད་མ་བཞིན་དུ་མྱུར་དུ་སྐྱེད་དྲག་པར་བྱེད་དོ་ཞེས་བྱ་བའི་བར་གོང་མ་བཞིན་དུའོ། །དེ་རྒྱལ་ཚབ་ཀྱི་རྒྱལ་སྲིད་ལ་མ་བཞག་པ་དེའི་ཞང་པོ་རྒྱལ་པོས་ཐོས་
D301.072.0120a02.01ནས། དེས་དེ་ལ་ཕོ་ཉ་བཏང་སྟེ། ཚིག་རྩུབ་པོ་དང་ཆས་པའི་སྤྲིང་ཡིག་བསྐུར་བ། ཁྱེད་ཀྱིས་སྔོན་ཁས་བླངས་ཤིང་དམ་བཅས་པ་བཞིན་གལ་ཏེ་བྱེད་ན་དེ་ལྟ་ན་ལེགས། གལ་ཏེ་དེ་ལྟར་མ་བྱས་ན་ཁྱོད་ཀྱི་མཐུ་དང་བརྩོན་འགྲུས་ཀྱི་ཕ་རོལ་གནོན་པ་གང་ཡིན་པ་དེས་
D301.072.0120a03.01སྡོད་ཅིག །ཁོ་བོ་འོ་ནིར་འོངས་ནས་ཡུལ་འཁོར་ཕུར་མར་བརླག་གོ། །རྒྱལ་པོ་དེ་མཐུ་ཆེན་པོ་དང་ལྡན་པས་དེས་ཐོས་ནས་སྐྲག་སྟེ། བློན་པོ་རྣམས་བསོགས་ནས་སྨྲས་པ། ཤེས་ལྡན་དག་ང་ལ་རྒྱལ་པོ་དེས་འདི་སྐད་ཅེས་སྤྲིང་ན་དེ་ལ་ཇི་ལྟར་བསྒྲུབ་པར་བྱ། དེ་རྣམས་
D301.072.0120a04.01ཀྱིས་སྨྲས་པ། ལྷ་རྒྱལ་སྲིད་དགའ་རྒྱལ་ཚབ་ཏུ་དབང་བསྐུར་ལགས་མོད། དེས་སྨྲས་པ། ཤེས་ལྡན་དག་གཞོན་ནུ་ཆེས་ཕུ་བོར་གྱུར་པ་རྒྱལ་སྲིད་ལ་མངོན་པར་དགའ་བ་རྣམས་སྤངས་ཏེ། ནུ་བོ་རྒྱལ་སྲིད་ཀྱིས་དབང་བསྐུར་བ་འདི་ནི་འོས་པ་མ་ཡིན་ནོ། །དེ་
D301.072.0120a05.01རྣམས་ཀྱིས་སྨྲས་པ། ལྷ་རྒྱལ་པོ་དེ་ནི་སྟོབས་དང་བཞོན་པ་རྒྱ་ཆེ་བས་གལ་ཏེ་འདིར་མཆིས་ན་གདོན་མི་འཚལ་བར་ཡུལ་ཕུར་མར་རློག་པ་གང་ལགས་པའི་གནས་དེ་མཆིས་པས་རྒྱལ་སྲིད་དགའ་རྒྱལ་ཚབ་ཀྱི་དབང་ཕྱུག་ལ་དབང་བགྱིད་པར་དབང་བསྐུར་ལ། གཞོན་ནུ་དེ་
D301.072.0120a06.01རྣམས་ནི་སྤྱུག་ཏུ་གསོལ། རྒྱལ་པོས་སྨྲས་པ། ཤེས་ལྡན་དག་སྐྱོན་མེད་ཅིང་གནོད་པ་མ་བྱས་པའི་གཞོན་ནུ་རྣམས་ཇི་ལྟར་སྤྱུག །ལྷ་བདག་ཅག་ནི་བློན་པོ་ལགས་ཏེ། ལྷ་ལ་སྨན་པར་བགྱི་བ་ལྷུར་ལེན་པ་ལགས་པས་སྐྱོན་མ་མཆིས་པ་དང་། ནོངས་པ་མ་མཆིས་པ་
D301.072.0120a07.01