完整藏文原文 · 德格版页 当前仅加载第 72 函德格 96b 版页；藏文 NFD、目录标记与异常页序保留在来源切片中，重复版页行以稳定序号区分。
གཙང་གིས་གསོལ་པ། འདི་ལྟར་ཁྱོད་སྔོན་གསེར་གྱི་གཞང་པ་ནས། །དུ་མའི་རོ་ལྡན་འབྲས་ཆན་གསོལ་བ་ལས། །འདི་ལྟར་གཙོ་བོ་ད་ལྟའི་བསོད་སྙོམས་ནི། །ཕལ་པ་གསོལ་བ་ཇི་ལྟར་མགུལ་དུ་མཆི། །བཅོམ་ལྡན་འདས་ཀྱིས་བཀའ་སྩལ་པ། ཟས་ཀྱི་
D301.072.0096b01.01སྲེད་པ་ཐམས་ཅད་སྤངས་ནས་ནི། །ངེས་པར་བྱུང་དང་མཉམ་པར་བཞག་ལྡན་པའི། །ང་ཡི་ཆོས་ཀྱི་རོ་མཆོག་གསོལ་མོད་ཀྱི། །འཇིག་རྟེན་ལ་སྙིང་བརྩེ་བའི་ཕྱིར་སྤྱོད་དོ། །རྒྱལ་པོ་ཟས་གཙང་གིས་གསོལ་པ། མགུར་དུ་བདེ་བ་མང་བགྱིད་པའི། །རྒུན་སྐྱེམས་ཁ་རའི་
D301.072.0096b02.01ཆབ་གསོལ་ན། །རྙོག་པ་ཅན་ལ་དྲི་ང་བའི། །ཆབ་ནི་ཇི་ལྟ་ཞིག་ཏུ་གསོལ། །བཅོམ་ལྡན་འདས་ཀྱིས་བཀའ་སྩལ་པ། མི་ཡི་བདག་པོ་གང་འཐུངས་ན། །བདག་ལ་འཐུང་བ་ཐམས་ཅད་ནི། དུག་དང་འདྲ་བར་སྣང་གྱུར་པ། །ཆབ་ཀྱི་རོ་མཆོག་ང་འཐུང་ངོ་། །རྒྱལ་
D301.072.0096b03.01པོ་ཟས་གཙང་གིས་གསོལ་པ། འདི་ལྟར་ཁྱོད་སྔོན་བསིལ་ཁང་གཞལ་མེད་ཁང་། །ཁང་{བཟངས་,བཟང་}སྟེང་ན་ཇི་ལྟའི་དུས་བཞིན་བཞུགས། །ད་ལྟར་གཅིག་པུ་ནགས་ཁྲོད་ཁྱོད་བཞུགས་པ། །བློ་{བཟངས་,བཟང་}ཇི་ལྟར་བསྙེངས་པ་མེད་པར་བཞུགས། །བཅོམ་ལྡན་འདས་ཀྱིས་
D301.072.0096b04.01བཀའ་སྩལ་པ། གཽ་ཏམ་འཇིགས་པའི་རྩ་བ་གང་ཡིན་པ། །དྲི་མ་བག་ཆགས་བཅས་པར་ཡང་སྤངས་པས། །ང་ནི་མྱ་ངན་འཇིགས་པ་མེད་གནས་ཏེ། །ང་ལ་འདི་ན་འཇིགས་པ་{ཆུང་ཟད་,ཅུང་ཟད་}མེད། །རྒྱལ་པོ་ཟས་གཙང་གིས་གསོལ་པ། ཁྱོད་སྔོན་ཁྲུས་ཁང་ཤིན་ཏུ་
D301.072.0096b05.01ཡིད་འོང་བར། །ཁྲུས་མཆོག་ཁྱད་པར་འཕགས་པས་རྟག་བསིལ་ན། །གཅིག་པུ་ཁྱོད་ནི་ནགས་ཁྲོད་གནས་ལྡན་པར། །ཐུབ་དབང་ད་ལྟར་སུ་ཡིས་ཁྲུས་མཛད་འགྱུར། །བཅོམ་ལྡན་འདས་ཀྱིས་བཀའ་སྩལ་པ། གཽ་ཏམ་ཆོས་ཀྱི་མཚོ་ཕྲན་དྲི་མེད་པ། །ཚུལ་ཁྲིམས་
D301.072.0096b06.01འཇུག་ངོགས་དམ་པས་བསྔགས་པ་སྟེ། །དེ་ལ་རེག་པའི་ཡོན་ཏན་མི་བཀྲུ་ན། །ལུས་མི་གཤེར་བར་ཕ་རོལ་རབ་ཏུ་རྒལ། །རྒྱལ་པོ་ཟས་གཙང་གིས་གསོལ་པ། དཔའ་བོ་ཉིད་ཀྱི་ཁབ་ན་ནི། །གསེར་དངུལ་བུམ་པས་ཁྲུས་མཛད་ན། །རྙོག་པ་ཅན་ལ་དྲི་ང་བ། །ཆབ་
D301.072.0096b07.01