mngon par 'byung ba'i mdo/
当前为德格木刻版 45b。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 45b
- 可引用原文
- 7 行
- 全文规模
- 全经 1733 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 72 函 · 德格 45b
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文སེམས་ཀྱི་རྣམ་པར་རྟོག་པ་དང་། རྣམ་པར་འཚེ་བའི་རྣམ་པར་རྟོག་པའོ། །དེ་ལ་འདོད་པའི་རྣམ་པར་རྟོག་པ་ནི་གྲགས་འཛིན་མ་དང་། {རི་དགས་,རི་དྭགས་}སྐྱེས་དང་། ས་འཚོ་མ་ལའོ། །གནོད་སེམས་ཀྱི་རྣམ་པར་རྟོག་པ་ནི་ལྷ་སྦྱིན་ལའོ། །རྣམ་པར་འཚེ་བའི་རྣམ་པར་རྟོག་པ་ནི་དེའི་རྗེས་སུ་འཚོ་བའི་ཤཱཀྱ་རྣམས་ལའོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། ཅིའི་ཕྱིར་བདག་ལ་སྡིག་པ་མི་དགེ་བའི་རྣམ་པར་རྟོག་པ་གསུམ་སྐྱེས་སྙམ་ན། ཇི་ཙམ་ན་བདུད་སྡིག་ཅན་འདི་ལྟ་སྟེ། དཀྲུག་པའི་ལས་ཀྱི་ཕྱིར་ཉེ་བར་འོངས་
པ་གཟིགས་སོ། །དེ་ནས་བྱང་ཆུབ་སེམས་དཔའ་དགེ་བའི་རྣམ་པར་རྟོག་པ་གསུམ་སྐྱེས་ཏེ། འདི་ལྟ་སྟེ་ངེས་པར་འབྱུང་བའི་རྣམ་པར་རྟོག་པ་དང་། གནོད་སེམས་མེད་པའི་རྣམ་པར་རྟོག་པ་དང་། རྣམ་པར་མི་འཚེ་བའི་རྣམ་པར་རྟོག་པའོ། །ཡང་བདུད་ཀྱིས་སྨྲས་པ།ཁྱོད་ཅིའི་ཕྱིར་བྱང་ཆུབ་ཀྱི་སྙིང་པོ་ལ་འདུག །བྱང་ཆུབ་སེམས་དཔས་བཀའ་སྩལ་པ། བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་རོ། །བདུད་ཀྱིས་སྨྲས་པ། ཁྱོད་ཀྱིས་བླ་ན་མེད་པའི་ཡེ་ཤེས་ག་ལ་ཐོབ། བྱང་ཆུབ་སེམས་དཔས་བཀའ་སྩལ་པ། སྡིག་ཅན་ཁྱོད་
ཀྱིས་རེ་ཞིག་མཆོད་སྦྱིན་གཅིག་བྱས་པས་ཀྱང་འདོད་པའི་ཁམས་ཀྱི་དབང་ཕྱུག་ཕུན་སུམ་ཚོགས་པར་གྱུར་ན་ངས་བསྐལ་པ་གྲངས་མེད་པ་གསུམ་དུ་མཆོད་སྦྱིན་བྱེ་བ་ཁྲག་ཁྲིག་བརྒྱ་སྟོང་དུ་མ་བྱས་ཤིང་སེམས་ཅན་རྣམས་ཀྱི་ཕྱིར་མགོ་དང་། ལག་པ་དང་། རྐང་པ་དང་།མིག་དང་། ཤ་དང་། ཁྲག་དང་། བུ་དང་། ཆུང་མ་དང་། དབྱིག་དང་། གསེར་ལ་སོགས་པ་ཡོངས་སུ་བཏང་ནས་བླ་ན་མེད་པའི་ཡེ་ཤེས་ཐོབ་པར་འགྱུར་བ་ལྟ་སྨོས་ཀྱང་ཅི་དགོས་ཏེ་ངས་བླ་ན་མེད་པའི་ཡེ་ཤེས་ཐོབ་པར་མི་འགྱུར་བ་དེ་སྲིད་རེ་སྐན། དེ་སྐད་ཅེས་
བཀའ་སྩལ་པ་དང་བདུད་ཀྱིས་སྨྲས་པ། རེ་ཞིག་ཇི་ལྟར་བདག་གི་མཆོད་སྦྱིན་གཅིག་གིས་འདོད་པའི་ཁམས་ཀྱི་དབང་ཕྱུག་ཐོབ་པར་འགྱུར་བའི་བདག་གི་དཔང་ནི་ཁྱོད་ཡིན་ན། ཇི་ལྟར་ཁྱོད་ཀྱིས་བླ་ན་མེད་པའི་ཡེ་ཤེས་ཐོབ་པར་བྱ་བའི་ཕྱིར་བསྐལ་པ་གྲངས་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D301
- 德格版页
- 45b
- 显示
- 忠实保留藏文原典·未添加机器译文
研究边界
书目关系边界：BDRC WA0RK0301 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。