完整藏文原文 · 德格版页 当前仅加载第 72 函德格 112b 版页；藏文 NFD、目录标记与异常页序保留在来源切片中，重复版页行以稳定序号区分。
གཅོད་པར་འགྱུར། ཕན་གདགས་པར་བྱ་བ་རྣམས་ལ་ནི་ཕན་འདོགས་པར་འགྱུར་ཏེ། བདག་ཅག་གི་ཞིང་དག་ལས་འཁྲུངས་པ་གང་ཡིན་པ་དེ་ལས་དེ་ལ་ཆོས་བཞིན་དུ་ཐོག་ཤས་སྦྱིན་པར་བྱའོ་སྙམ་ནས་དེ་རྣམས་ཚོགས་ཤིང་འདུས་ཏེ། དེ་རྣམས་ཀྱི་ནང་ནས་ལྷག་པར་
D301.072.0112b01.01གཟུགས་བཟང་བ། ལྷག་པར་བལྟ་ན་སྡུག་པ། ལྷག་པར་མཛེས་པ། ལྷག་པར་བསོད་ནམས་ཆེ་བར་གྲགས་པ་གང་ཡིན་པ་དེ་ཞིང་རྣམས་ཀྱི་བདག་པོར་བསྐོས་ཏེ། འདི་སྐད་ཅེས་ཀྱེ་སེམས་ཅན་ཁྱོད་ཚུར་ཤོག །ཁོ་བོ་ཅག་ལས་ཆད་པས་གཅད་པར་བྱ་བ་རྣམས་ལ་ནི་ཆད་པས་
D301.072.0112b02.01ཆོད་ཅིག །ཕན་གདགས་པར་བྱ་བ་རྣམས་ལ་ནི་ཕན་ཐོགས་ཤིག །ཁོ་བོ་ཅག་གི་ཞིང་དག་ལ་འཁྲུངས་པ་གང་ཡིན་པ་དེ་ལས་ཁྱོད་ལ་ཁོ་བོ་ཅག་གིས་ཆོས་བཞིན་དུ་ཐོག་ཤས་སྦྱིན་ནོ། །དེ་དེ་རྣམས་ལ་ཆད་པས་གཅད་པར་བྱ་བ་ལ་ནི་ཆད་པས་གཅོད། ཕན་གདགས་
D301.072.0112b03.01པར་བྱ་བ་རྣམས་ལ་ནི་ཕན་འདོགས་པར་བྱེད་ཅིང་དེ་ལ་དེ་རྣམས་ཀྱི་ཞིང་དག་ལས་འཁྲུངས་པ་གང་ཡིན་པ་དེ་ལས་ཆོས་བཞིན་དུ་ཐོག་ཤས་དབུལ་ཏེ། སྐྱེ་བོའི་ཚོགས་ཆེན་པོས་བཀུར་ཞིང་སྐྱེ་བོའི་ཚོགས་ཆེན་པོས་བཀུར་བས་མང་པོས་བཀུར་བ་མང་པོས་བཀུར་བ་ཞེས་གྲགས་སོ། །
D301.072.0112b04.01ཞིང་དེ་རྣམས་ཀྱི་བདག་པོར་གྱུར་པ་ན་ཉམས་པ་ལས་སྐྱོབ་པར་བྱེད་པས་རྒྱལ་རིགས་རྒྱལ་རིགས་ཞེས་བྱ་བར་གྲགས་སོ། །ཆོས་ཀྱིས་སྐྱེ་དགུ་མགུ་བར་བྱེད་ཅིང་ཚུལ་ཁྲིམས་ཉམས་སུ་བླངས་ཏེ་གནས། ཤེས་རབ་ཉམས་སུ་བླངས་ཏེ་གནས་པས་རྒྱལ་པོ་རྒྱལ་པོ་ཞེས་བྱ་བར་གྲགས་སོ། །
D301.072.0112b05.01གཽ་ཏ་མ་དག་རྒྱལ་པོ་མང་པོས་བཀུར་གྱི་ཚེ་མི་རྣམས་ཀྱི་མིང་སེམས་ཅན་སེམས་ཅན་ཞེས་བྱ་བར་གྱུར་ཏོ། །གཽ་ཏ་མ་དག་རྒྱལ་པོ་མང་པོས་བཀུར་བའི་བུ་འོད་མཛེས་ཞེས་བྱ་སྟེ། གཽ་ཏ་མ་དག་རྒྱལ་པོ་འོད་མཛེས་ཀྱི་ཚེ་མི་རྣམས་ཀྱི་མིང་ཚུར་ཤོག །ཚུར་ཤོག་ཅེས་བྱ་བར་
D301.072.0112b06.01གྱུར་ཏོ། །འོད་མཛེས་ཀྱི་བུ་དགེ་བ་ཞེས་བྱ་སྟེ། གཽ་ཏ་མ་དག་རྒྱལ་པོ་དགེ་བའི་ཚེ་མི་རྣམས་ཀྱི་མིང་སྨེ་བ་ཅན་སྨེ་བ་ཅན་ཞེས་བྱ་བར་གྱུར་ཏོ། །གཽ་ཏ་མ་དག་དགེ་བའི་བུ་དགེ་མཆོག་ཅེས་བྱ་སྟེ། གཽ་ཏ་མ་དག་རྒྱལ་པོ་དགེ་མཆོག་གི་ཚེ་མི་རྣམས་ཀྱི་མིང་སྤྲིན་མགྲིན་
D301.072.0112b07.01