完整藏文原文 · 德格版页 当前仅加载第 72 函德格 7a 版页；藏文 NFD、目录标记与异常页序保留在来源切片中，重复版页行以稳定序号区分。
ལྷུམས་འདུག་པ། །སྟོན་ཀའི་སྤྲིན་རུམ་ཟླ་རྒྱས་ཇི་བཞིན་ནོ། །གང་ཚེ་རྩལ་ལྡན་མཉམ་མེད་ཉེར་གཤེགས་ལ། །དེ་ཚེ་འཇིག་རྟེན་སོ་སོའི་གླིང་བར་ན། །མུན་གྱིས་ཁེབས་བསལ་ཕྱོགས་ཀུན་ཤིན་ཏུ་ནི། །གསལ་སྣང་བྱུང་གྱུར་འདི་འདིར་ཆོས་ཉིད་དོ། །
D301.072.0007a01.01གང་གི་ཚེ་བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ནས་འཕོས་ཏེ་ཡུམ་གྱི་ལྷུམས་སུ་ཞུགས་པར་མཛད་པ་དེ་ཉིད་ཀྱི་མཚན་མོ་བཙུན་མོ་སྒྱུ་འཕྲུལ་ཆེན་མོས་རྨི་ལམ་བཞི་མཐོང་སྟེ་གླང་པོ་ཆེའི་ཕྲུ་གུ་དཀར་པོ་ཞིག་བདག་གི་རུམ་གཡས་པ་དྲལ་ནས་ཞུགས་པ་དང་། སྟེང་གི་ནམ་མཁའ་ལ་
D301.072.0007a02.01སྐྱིལ་མོ་ཀྲུང་གིས་འཆག་པ་དང་། སེང་གེའི་གདན་ལ་འདུག་ནས་སྐྱེ་བོའི་ཚོགས་ཆེན་པོ་ལ་ཆོས་སྟོན་པ་དང་། ལྷ་དང་ལྷ་མ་ཡིན་དུ་བཅས་པའི་འཇིག་རྟེན་བདག་ལ་ཕྱག་བྱེད་པའོ། །རྒྱལ་པོ་ཟས་གཙང་མས་བཙུན་མོ་ལས་དེ་ཐོས་པ་དང་། མཚན་མཁན་རྣམས་ལ་རྨི་ལམ་འདི་
D301.072.0007a03.01ཇི་ལྟར་སྟོན་པ་ཡིན་དྲིས་པ་དང་། དེ་རྣམས་ཀྱིས་སྨྲས་པ། ལྷ་མཁྱེན་པར་མཛོད་ཅིག །གང་བཙུན་མོས་རྨི་ལམ་དུ་མཐོང་བ་གླང་པོ་ཆེའི་ཕྲུ་གུ་དཀར་པོ་ཞིག་བདག་གི་རུམ་གཡས་པ་དྲལ་ནས་ཞུགས་པ་ཞེས་བྱ་བ་ནི་འཁོར་ལོས་སྒྱུར་བའི་སྲས་བལྟམ་པར་འགྱུར་རོ། །སྟེང་
D301.072.0007a04.01གི་ནམ་མཁའ་ལ་འཆག་གོ་ཞེས་བྱ་བ་ནི་རྫུ་འཕྲུལ་ཆེ་བ་དང་མཐུ་ཆེ་བར་འགྱུར་རོ། །སེང་གེའི་གདན་ལ་འདུག་སྟེ་ཆོས་སྟོན་ཏོ་ཞེས་བྱ་བ་ནི་དེ་ཡང་སེང་གེའི་གདན་ལ་བཞུགས་ཏེ་འཁོར་བཞི་ལ་ཆོས་སྟོན་པར་འགྱུར་རོ། །ལྷ་དང་ལྷ་མ་ཡིན་དུ་བཅས་པའི་འཇིག་རྟེན་བདག་ལ་ཕྱག་
D301.072.0007a05.01བྱེད་དོ་ཞེས་བྱ་བ་ནས་གལ་ཏེ་དེ་རབ་ཏུ་བྱུང་བར་གྱུར་ན་ལྷ་དང་ལྷ་མ་ཡིན་དུ་བཅས་པའི་འཇིག་རྟེན་གྱིས་མཆོད་ཅིང་རྗེད་ལ་མངོན་པར་བསྟོད་པར་འགྱུར་རོ། །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་དགའ་ལྡན་གྱི་ལྷའི་རིས་ནས་འཕོས་ཏེ་ཡུམ་གྱི་ལྷུམས་ན་ཞུགས་པ་དེའི་
D301.072.0007a06.01ཚེ། ལྷ་རྣམས་ཀྱི་དབང་པོ་བརྒྱ་བྱིན་གྱིས་དེ་ལ་མིའམ་མི་མ་ཡིན་པ་སུས་ཀྱང་འཚེ་བར་མི་འགྱུར་བར། ལྷའི་བུ་བཞི་ཡུམ་གྱི་སྲུངས་མར་འཇོག་པ་ནི་ལག་ན་རལ་གྲི་དང་། ལག་ན་མདུང་དང་། ལག་ན་མདུང་ཐུང་དང་། ལག་ན་མདའ་བོ་ཆེའོ། །དེ་ལ་འདི་སྐད་ཅེས་བྱ་སྟེ།
D301.072.0007a07.01