完整藏文原文 · 德格版页 当前仅加载第 72 函德格 74a 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུའི་ལུས་ཀྱིས་ཕྱོགས་གཅིག་ཏུ་འདུག་གོ། །ལྟེང་རྒྱས་འོད་སྲུང་རལ་པ་ཅན་དེ་ཉིད་ཀྱི་མཚན་མོ་རྒྱུ་སྐར་རྣམས་ལ་ལྟ་བ་ན་བཅོམ་ལྡན་འདས་ཀྱི་སྤྱན་སྔ་ན་མེའི་ཕུང་པོ་ཆེན་པོ་འབར་ཞེས་བྱ་བ་ནས། དགེ་སྦྱོང་ཆེན་པོ་རྫུ་འཕྲུལ་ཆེ་ཞིང་མཐུ་ཆེ་བ་ཡིན་ཏེ། ཡ་མཚན་ཆེ་
D301.072.0074a01.01མོད་ཀྱི་བདག་ཀྱང་དགྲ་བཅོམ་པ་ཡིན་ནོ་སྙམ་མོ་ཞེས་བྱ་བའི་བར་དུ་གོང་མ་བཞིན་ནོ། །དེའི་ཚེ་ལྟེང་རྒྱས་འོད་སྲུང་རལ་པ་ཅན་གྱི་འདུག་གནས་ན་མཆོད་སྦྱིན་ཞག་བདུན་པ་བྱེད་པ་ལ་བབ་བོ། །དེ་ནས་ལྟེང་རྒྱས་འོད་སྲུང་རལ་པ་ཅན་འདི་སྙམ་དུ་སེམས་ཏེ་གལ་ཏེ་མག་དྷཱའི་མི་རྣམས་ཀྱིས་དགེ་སྦྱོང་
D301.072.0074a02.01ཆེན་པོ་འདི་ལྟར་རྫུ་འཕྲུལ་ཆེ་ཞིང་མཐུ་ཆེ་བ་ཡིན་པར་ཤེས་ན་དེ་ཉིད་ལ་བྱ་བ་བྱེད་པར་སེམས་ཀྱི་བདག་ལ་ནི་དེ་ལྟ་མ་ཡིན་པའི་གནས་ཡོད་ཀྱིས། ཀྱེ་མ་དགེ་སྦྱོང་ཆེན་པོ་ཞག་བདུན་ཞིག་འདི་ནས་གཞན་དུ་སོང་ཡང་ཅི་མ་རུང་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ལྟེང་རྒྱས་འོད་སྲུང་རལ་
D301.072.0074a03.01པ་ཅན་གྱི་སེམས་མཁྱེན་ནས་ཞག་བདུན་གཞན་དུ་བཞུད་དོ། །དེའི་ཚེ་ཞག་བདུན་དུ་ལྟེང་རྒྱས་འོད་སྲུང་རལ་པ་ཅན་ལ་རྙེད་པ་དང་། བཀུར་སྟི་ཆེན་པོ་བྱུང་ནས། བཟའ་བ་དང་བཅའ་བ་རབ་ཏུ་མང་པོ་དང་ལྡན། སྐྱེ་བོའི་ཚོགས་ཆེན་པོ་ཡང་དབང་དུ་གྱུར་ཏོ། །དེ་ནས་ལྟེང་རྒྱས་འོད་སྲུང་
D301.072.0074a04.01རལ་པ་ཅན་གྱི་འདུག་གནས་ན་མཆོད་སྦྱིན་ཞག་བདུན་དུ་བྱས་ཟིན་པ་དང་འདི་སྙམ་དུ་སེམས་ཏེ། ཞག་བདུན་པོ་འདི་ལ་བདག་ལ་རྙེད་པ་དང་། བཀུར་སྟི་ཆེན་པོ་བྱུང་ནས་བཟའ་བ་དང་། བཅའ་བ་རབ་ཏུ་མང་པོ་དང་ལྡན། སྐྱེ་བོའི་ཚོགས་ཆེན་པོ་ཡང་དབང་དུ་གྱུར་གྱིས་ཀྱེ་
D301.072.0074a05.01མ་ད་ནི་དགེ་སྦྱོང་ཆེན་པོ་འོངས་ཀྱང་ཅི་མ་རུང་བདག་གིས་དེ་ཡང་དེ་ལ་བསོད་སྙོམས་སྤྱོད་དུ་གཞུག་གོ་སྙམ་མོ། །དེ་ནས་བཅོམ་ལྡན་འདས་ཀྱི་ཐུགས་ཀྱིས་ལྟེང་རྒྱས་འོད་སྲུང་རལ་པ་ཅན་གྱི་སེམས་མཁྱེན་ནས་ལྟེང་རྒྱས་འོད་སྲུང་རལ་པ་ཅན་གང་ན་བ་དེར་གཤེགས་སོ། །ལྟེང་རྒྱས་འོད་
D301.072.0074a06.01སྲུང་རལ་པ་ཅན་གྱིས་བཅོམ་ལྡན་འདས་རྒྱང་རིང་པོ་ནས་མཐོང་ངོ་། །མཐོང་ནས་ཀྱང་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །དགེ་སྦྱོང་ཆེན་པོ་བྱོན་ཏམ། འོད་སྲུང་འོངས་སོ། །དགེ་སྦྱོང་ཆེན་པོ་ཁྱོད་ཅིའི་སླད་དུ་ཞག་བདུན་འདི་ནས་གཞན་དུ་བཞུད་ལགས། འོད་སྲུང་
D301.072.0074a07.01