完整藏文原文 · 德格版页 当前仅加载第 72 函德格 43b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱིས་སྨྲས་པ། བསོད་པ་ཕུལ་བའི་བསོད་ནམས་ཅི་མཆིས་པས། །གྲགས་དང་ལྡན་པ་དོན་རྣམས་ཀུན་གྲུབ་པ། །མི་ཡི་མཆོག་གྱུར་བློ་མཆོག་ལྡན་པ་དེའི། །དོན་ཀུན་མྱུར་དུ་ཤིན་ཏུ་གྲུབ་གྱུར་ཅིག །དེ་ནས་བྱང་ཆུབ་སེམས་དཔའ་ཆུ་ཀླུང་ནཻ་རཉྫ་ནཱར་ཞུགས་
D301.072.0043b01.01ནས་སྐུ་ཁྲུས་མཛད་དེ། རྒལ་བར་བཞེད་པ་དང་། སྐུ་ཉམ་ཆུང་བ་ཉིད་ཀྱིས་རྒལ་བར་མ་སྤྱོད་པ་ན་ལྷ་རྣམས་ཀྱིས་ཨརྫུ་ནའི་ཡལ་ག་བཏུད་པ་དང་དེ་ལ་འཇུས་ནས་བྱང་ཆུབ་སེམས་དཔའ་རྒལ་བར་མཛད་དེ་ཆོས་གོས་མན་བས་ནས་ཆུ་ཀླུང་ནཻ་རཉྫ་ནཱའི་འགྲམ་ན་བཞུགས་སོ། །
D301.072.0043b02.01དེ་ནས་ལྷའི་དབང་པོ་བརྒྱ་བྱིན་གྱིས་བྱང་ཆུབ་སེམས་དཔའ་བདེ་བར་བཞུགས་པར་རིག་ནས་འོ་ཐུག་སྦྲང་རྩི་ལྟར་མངར་བ་སྟོང་དུ་བསྒྲེས་པ་ཡོལ་གོར་བླུགས་ཏེ། བྱང་ཆུབ་སེམས་དཔའ་ལ་བསྟབས་སོ། །བྱང་ཆུབ་སེམས་དཔས་ཀྱང་གསོལ་ནས་ཡོན་བསྔོ་བར་མཛད་དོ། །
D301.072.0043b03.01དེ་ནས་བྱང་ཆུབ་སེམས་དཔའ་ཆུ་ཀླུང་ནཻ་རཉྫ་ནཱའི་འགྲམ་ན་ཕན་ཚུན་དུ་བཞུགས་པའི་ས་བཙལ་བ་དང་། ཅི་ཙམ་ན་རི་བྲག་ཆེན་པོ་མེ་ཏོག་དང་། འབྲས་བུ་སྣ་ཚོགས་དང་ལྡན་པ་ཞིག་གཟིགས་ནས་དེ་དེ་ལ་འཛེགས་ཏེ་ཕྱོགས་དབེན་ཞིང་གསལ་བའི་ས་ཕྱོགས་སུ་
D301.072.0043b04.01སྐྱིལ་མོ་ཀྲུང་བཅས་ཏེ་བཞུགས་སོ། །བཞུགས་མ་ཐག་ཏུ་རི་དེ་ཉིད་དུ་སྙིལ་ཏོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ་འདིར་རྒྱུ་ཅི་ཞིག་ཡོད་ན་རི་སྙིལ་བར་གྱུར། ཅིང་འོང་བ་ལ་ལྷ་རྣམས་མངོན་པར་མི་དགའམ་འོན་ཏེ་བགེགས་འགའ་ཞིག་
D301.072.0043b05.01འབྱུང་བར་འགྱུར་སྙམ་མོ། །ལྷ་རྣམས་ཀྱིས་བྱང་ཆུབ་སེམས་དཔའི་ཐུགས་ཤེས་ནས་གསོལ་པ། བྱང་ཆུབ་སེམས་དཔའ་ས་ཐམས་ཅད་ཀྱིས་གཟུང་བར་རྔོ་མི་ཐོགས་པ་ནི་གཉིས་ཏེ། དགེ་བའི་རྩ་བ་ཆད་པ་གང་ལགས་པ་དང་། དགེ་བའི་རྩ་བ་སྦྱངས་པ་གང་
D301.072.0043b06.01ལགས་པ་སྟེ། ཁྱོད་ནི་དགེ་བའི་རྩ་བ་སྦྱངས་པ་ལགས་སོ། །འདི་ནི་བྱང་ཆུབ་སེམས་དཔའ་རྣམས་ཀྱི་གནས་མ་ལགས་ཏེ། འོན་ཀྱང་མདུན་དུ་བཞུད་ཅིག་དང་། དེ་ན་རྡོ་རྗེའི་གདན་མཆིས་ཏེ། དེར་ནི་འདས་པ་དང་། མ་བྱོན་པ་དང་། ད་ལྟར་བྱུང་བའི་བྱང་ཆུབ་སེམས་དཔའ་ཐམས་
D301.072.0043b07.01