完整藏文原文 · 德格版页 当前仅加载第 72 函德格 35b 版页；藏文 NFD、目录标记与异常页序保留在来源切片中，重复版页行以稳定序号区分。
བཞིན་དུ་བསམ་པར་བྱའོ་ཞེས་གསུངས་ནས་རྒྱལ་པོའི་ཁབ་ནས་བྱུང་སྟེ་བྱ་རྒོད་ཀྱི་ཕུང་པོའི་རི་དང་ཧ་ཅང་ཡང་མི་རིང་བར་དྲང་སྲོང་རྣམས་ཀྱི་བསྟི་གནས་དེར་གཤེགས་སོ། །དེ་ནས་སྤྱོད་པ་དང་གནས་པས་བསམ་གཏན་ལ་བརྩོན་པར་གནས་ཏེ། དེ་རྣམས་གང་གི་ཚེ་རྐང་པ་གཅིག་
D301.072.0035b01.01གིས་ཉིན་ཐུན་གཅིག་འགྲེང་བ་དེའི་ཚེ་བྱང་ཆུབ་སེམས་དཔའ་ཐུན་གཉིས་སུ་བཞུགས་སོ། །གལ་ཏེ་དེ་རྣམས་གདུང་བ་ལྔའི་སྦྱོར་བས་ཉིན་ཐུན་གཅིག་འདུག་པ་དེའི་ཚེ། བྱང་ཆུབ་སེམས་དཔས་ཀྱང་སྦྱོར་བ་དེས་ཐུན་གཉིས་སུ་བཞུགས་སོ། །དེ་ནས་དེ་རྣམས་ཡ་མཚན་སྐྱེས་ནས་དགེ་
D301.072.0035b02.01སྦྱོང་འདི་ནི་ཆེན་པོ་ཞིག་གོ་ཞེས་སྨྲས་པ། དགེ་སྦྱོང་ཆེན་པོ་དགེ་སྦྱོང་ཆེན་པོ་ཞེས་བྱ་བར་གྱུར་ཏོ། །བྱང་ཆུབ་སེམས་དཔས་དེ་རྣམས་ལ་སྨྲས་པ། ཤེས་ལྡན་དག་ཁྱེད་བརྟུལ་ཞུགས་འདིས་ཅི་ཞིག་དོན་དུ་གཉེར། །དེ་ན་ཁ་ཅིག་གིས་གསོལ་པ། བརྒྱ་བྱིན་ཉིད་དོ། །ཁ་ཅིག་གིས་
D301.072.0035b03.01གསོལ་པ། བདག་ཅག་ནི་ཚངས་པ་ཉིད་དོ། །ཁ་ཅིག་གིས་གསོལ་པ། བདག་ཅག་ནི་བདུད་ཉིད་དོ། །བྱང་ཆུབ་སེམས་དཔས་དགོངས་པ། དྲང་སྲོང་འདི་དག་ནི་སླར་ཡང་ལྟུང་བ། ལམ་ལོག་པར་ཞུགས་པའོ། །ལམ་འདི་ནི་ཤེས་པར་ནུས་པ་མ་ཡིན། མཐོང་བར་
D301.072.0035b04.01ནུས་པ་མ་ཡིན། །བླ་ན་མེད་པ་ཡང་དག་པར་རྫོགས་པའི་བྱང་ཆུབ་པར་ནུས་པ་མ་ཡིན་ནོ། །དེ་ནས་བྱང་ཆུབ་སེམས་དཔས་ལམ་དེ་ཉིད་ནུས་པ་མེད་པར་མཁྱེན་ནས། སྒྱུ་རྩལ་ཤེས་ཀྱི་བུ་རིང་འཕུར་གང་ན་བ་དེར་གཤེགས་ཏེ་བྱོན་པ་དང་། སྒྱུ་རྩལ་ཤེས་ཀྱི་བུ་རིང་འཕུར་
D301.072.0035b05.01ལ་འདི་སྐད་ཅེས་གསུངས་སོ། །རིང་འཕུར་གལ་ཏེ་ཁྱོད་ལ་མི་བདེ་བ་མེད་ན་ཁྱོད་ཀྱི་དྲུང་དུ་ཁོ་བོ་ཚངས་པར་སྤྱོད་པ་སྤྱད་དོ། །དེས་སྨྲས་པ། ཚེ་དང་ལྡན་པ་གཽ་ཏམ་བདག་ལ་མི་བདེ་བ་མེད་ཀྱིས་ཅི་བདེ་བ་ཁོ་ནར་བཞུགས་ཤིག །བྱང་ཆུབ་སེམས་དཔས་གསུངས་པ། རིང་འཕུར་
D301.072.0035b06.01ཁྱོད་ཀྱིས་ཆོས་ཇི་སྙེད་ཅིག་རང་གི་མངོན་པར་ཤེས་པས་རྟོགས་པར་གྱུར། དེས་གསོལ་པ། ཚེ་དང་ལྡན་པ་གཽ་ཏམ་ཅི་ཡང་མེད་པའི་སྐྱེ་མཆེད་ཀྱི་བར་དུའོ། །དེ་ནས་བྱང་ཆུབ་སེམས་དཔའ་འདི་སྙམ་དུ་དགོངས་ཏེ། སྒྱུ་རྩལ་ཤེས་ཀྱི་བུ་རིང་འཕུར་དད་པ་དེ་ལ་ནི་ང་ཡང་དད་ལ། སྒྱུ་རྩལ་
D301.072.0035b07.01