完整藏文原文 · 德格版页 当前仅加载第 72 函德格 49a 版页；藏文 NFD、目录标记与异常页序保留在来源切片中，重复版页行以稳定序号区分。
དང་། རྒྱལ་མཚན་རྩེ་མོ་ཐུར་དུ་ལྟ་བ་དང་། གནས་གཡོས་པར་གྱུར་ཏོ། །དེ་ནས་བདུད་སྡིག་ཅན་འབྱུང་པོའི་འཁོར་བྱེ་བ་ཕྲག་སུམ་ཅུ་རྩ་དྲུག་དང་བཅས་པར་སྡུག་བསྔལ་ཞིང་ཡིད་མི་བདེ་ལ་ཡིད་ལ་གཅགས་ཏེ་དེ་ཉིད་དུ་མི་སྣང་བར་གྱུར་ནས་རང་གི་གནས་སུ་སོང་
D301.072.0049a01.01སྟེ། སྡུག་བསྔལ་ཞིང་ཡིད་མི་བདེ་ལ་ཕམ་པར་གྱུར་པས་སེམས་པ་ལ་ཞུགས་ཏེ་མདས་ས་ལ་འདྲི་ཞིང་གནས་པར་གྱུར་ཏོ། །དེ་ནས་བདུད་ཀྱི་བུ་མོ་སྲེད་མ་དང་། དགའ་བྱེད་མ་དང་དགའ་སྤྱོད་མ་ཞེས་བྱ་བ་བདུད་གང་ན་བ་དེར་སོང་སྟེ་ཕྱིན་ནས་བདུད་སྡིག་ཅན་ལ་འདི་སྐད་ཅེས་སྨྲས་
D301.072.0049a02.01སོ། །ཡབ་ཁྱོད་ཅི་ཕྱིར་ཐུགས་མི་དགྱེས། །ཅི་ཡི་ཕྱིར་ན་འདི་ལྟར་བཞུགས། །གང་གིས་ཁྱོད་ལ་གནོད་བྱེད་པའི། །སྐྱེས་བུ་གང་ལ་རྗེས་སུ་སེམས། །གསུངས་ཤིག་དེ་ནི་འདོད་ཆགས་ཀྱི། །ཞགས་པས་ནགས་ནས་གླང་པོ་བཞིན། །བཅིངས་ནས་བདག་ཅག་
D301.072.0049a03.01འཚལ་ཏེ་མཆི། །དེ་ནི་ཁྱོད་ཀྱི་དབང་དུ་གྱུར། །བདུད་ཀྱིས་སྨྲས་པ། སྐྱེས་བུ་འདོད་ཆགས་རབ་བྲལ་ཏེ། །ཆགས་པས་ལེགས་པར་དགུག་མི་ནུས། །བདུད་ཀྱི་ཡུལ་འདས་དེ་ཡི་ཕྱིར། །ང་ནི་ཤིན་ཏུ་མྱ་ངན་བྱེད། །དེ་ནས་སྲེད་མ་དང་། དགའ་བྱེད་མ་དང་། དགའ་
D301.072.0049a04.01སྤྱོད་མ་སྟེ། བདུད་ཀྱི་བུ་མོ་གསུམ་པོ་སྤྲིན་ལས་བྱུང་བའི་གློག་བཞིན་དུ་གཟི་བརྗིད་རབ་ཏུ་འབར་ཞིང་རང་གི་གནས་ནས་བཅོམ་ལྡན་འདས་གང་ན་བ་དེ་ལོགས་སུ་སོང་སྟེ་ཕྱིན་པ་དང་། བཅོམ་ལྡན་འདས་ཀྱི་ཞབས་ལ་མགོ་བོས་ཕྱག་བྱས་ནས་ཕྱོགས་གཅིག་ཏུ་འདུག་གོ། །
D301.072.0049a05.01ཕྱོགས་གཅིག་ཏུ་འདུག་ནས་ཀྱང་བཅོམ་ལྡན་འདས་ལ་བདུད་སྡིག་ཅན་གྱི་བུ་མོ་གསུམ་གྱིས་འདི་སྐད་ཅེས་གསོལ་ཏོ། །ཀྱེ་དགེ་སྦྱོང་ཁྱོད་ཀྱི་ཞབས་ལ་བསྙེན་བཀུར་བགྱིད་ཅིང་བདེ་བར་གཤེགས་པ་ཁྱོད་ཀྱི་རིམ་གྲོ་བགྱིད་དོ། །བཅོམ་ལྡན་འདས་ཅི་ནས་ཀྱང་སྲེད་པ་
D301.072.0049a06.01ཡང་དག་པར་ཟད་ཅིང་རྣམ་པར་གྲོལ་ལ་ཐུགས་ཡང་དག་པར་ཤིན་ཏུ་རྣམ་པར་གྲོལ་བ་བླ་ན་མེད་པ་བརྙེས་པས་དེ་ལ་དགོངས་པར་མ་མཛད་དོ། །ལན་གཉིས་ལན་གསུམ་དུ་ཡང་བཅོམ་ལྡན་འདས་ལ་བདུད་ཀྱི་བུ་མོ་གསུམ་གྱིས་འདི་སྐད་ཅེས་གསོལ་ཏོ། །ཀྱེ་དགེ་སྦྱོང་ཁྱོད་ཀྱི་
D301.072.0049a07.01