完整藏文原文 · 德格版页 当前仅加载第 72 函德格 67b 版页；藏文 NFD、目录标记与异常页序保留在来源切片中，重复版页行以稳定序号区分。
དང་། བསྙེན་པར་རྫོགས་པར་དགེ་སློང་གི་དངོས་པོ་ཐོབ་སྟེ། དེ་ལྟར་རབ་ཏུ་བྱུང་ནས་ཚེ་དང་ལྡན་པ་དེ་དག་གཅིག་པུ་དབེན་པ་བག་ཡོད་པ་རྟུན་པ་དང་ལྡན་པ་བདག་ཉིད་གཏོད་པར་གནས་སོ། །གཅིག་པུ་དབེན་པ་བག་ཡོད་པ། རྟུན་པ་དང་ལྡན་པ་བདག་ཉིད་གཏོད་པར་གནས་པ་ན་གང་གི་
D301.072.0067b01.01ཕྱིར་རིགས་ཀྱི་བུ་དེ་དག་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་བར་བྱེད་པ། ཚངས་པར་སྤྱོད་པའི་མཐའ་བླ་ན་མེད་པ་ཚེ་འདི་ཉིད་ལ་རང་གི་མངོན་པར་ཤེས་པས་མངོན་སུམ་དུ་བྱས་ཏེ་བསྒྲུབས་ནས་བདག་ཅག་གི་སྐྱེ་བ་ཟད་དོ། །
D301.072.0067b02.01ཚངས་པར་སྤྱོད་པ་བསྟེན་ཏོ། །བྱ་བ་བྱས་སོ། །སྲིད་པ་འདི་ལས་གཞན་མི་ཤེས་སོ་ཞེས་གོ་བར་བྱེད་ཅིང་ཚེ་དང་ལྡན་པ་དེ་དག་སེམས་ཤིན་ཏུ་རྣམ་པར་གྲོལ་བ་ཀུན་ཤེས་པ་དང་ལྡན་པའི་དགྲ་བཅོམ་པར་གྱུར་ཏོ། །དེའི་ཚེ་འཇིག་རྟེན་ན་དགྲ་བཅོམ་པ་བཅུ་དང་། བཅུ་གཅིག་པ་ནི་བཅོམ་
D301.072.0067b03.01ལྡན་འདས་སོ། །བཱ་རཱ་ཎ་སཱི་ན་གྲོང་མི་གཙོ་བོ་གཙོ་བོ་རྣམས་ཀྱི་ཁྱེའུ་ལྔ་བཅུས་རིགས་ཀྱི་གཙོ་བོའི་བུ་དང་པོ་དང་། གཉིས་པ་དང་། གསུམ་པ་དང་། བཞི་པ་དང་། ལྔ་པ་སྟེ་གྲགས་པ་དང་། གང་པོ་དང་། དྲི་མེད་དང་། བ་ལང་བདག་དང་། ལག་{བཟངས་ཏེ,བཟང་སྟེ}། །རིགས་
D301.072.0067b04.01ཀྱི་གཙོ་བོའི་བུ་རྣམས་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་ངོ་ཞེས་ཐོས་སོ། །ཐོས་ནས་ཀྱང་དེ་དག་འདི་སྙམ་དུ་སེམས་ཏེ། ཀྱེ་མ་སངས་རྒྱས་ནི་མཆོག་མ་ཡིན་པ་མ་ཡིན་ཞིང་། ཆོས་བསྟན་པ་ཡང་མཆོག་མ་ཡིན་པ་མ་
D301.072.0067b05.01ཡིན་ཏེ། གང་གི་ཕྱིར་ད་ལྟར་རིགས་ཀྱི་གཙོ་བོའི་བུ་དང་པོ་དང་། གཉིས་པ་དང་། གསུམ་པ་དང་། བཞི་པ་དང་། ལྔ་པ་སྟེ་གྲགས་པ་དང་། གང་པོ་དང་། དྲི་མེད་དང་། བ་ལང་བདག་དང་། ལག་{བཟངས་ཏེ,བཟང་སྟེ}། །རིགས་ཀྱི་གཙོ་བོའི་བུ་རྣམས་ནི་རེ་ཞིག་ཤིན་ཏུ་གཞོན་པ། ཤིན་
D301.072.0067b06.01ཏུ་བདེ་བ་འདོད་པ་ཡང་སྐྲ་དང་ཁ་སྤུ་བྲེགས་ཏེ་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་བྱུང་གིས། མ་ལ་བདག་ཅག་ཀྱང་སྐྲ་དང་ཁ་སྤུ་བྲེགས་ནས་གོས་ངུར་སྨྲིག་བགོས་ནས་དད་པ་ཡང་དག་པ་ཁོ་ནས་ཁྱིམ་ནས་ཁྱིམ་མེད་པར་རབ་ཏུ་འབྱུང་ངོ་སྙམ་
D301.072.0067b07.01