完整藏文原文 · 德格版页 当前仅加载第 72 函德格 19a 版页；藏文 NFD、目录标记与异常页序保留在来源切片中，重复版页行以稳定序号区分。
ལེགས་པར་རབ་སད་ཀྱིས་ཐོས་ནས་ཤིང་འདིས་གྲོང་ཁྱེར་བརླག་པར་མ་གྱུར་ཏམ་སྙམ་ནས་སྲོག་ཆགས་བརྒྱ་སྟོང་དཔག་ཏུ་མེད་པ་དང་། ཤིང་དགེ་བའི་སྙིང་པོ་གང་ན་བ་དེར་སོང་སྟེ་ཕྱིན་པ་དང་། འཁོར་བརྒྱ་སྟོང་དཔག་ཏུ་མེད་པས་དྲངས་སུ་ཟིན་ཀྱང་ཅི་ཙམ་དུ་བསྐྱོད་
D301.072.0019a01.01པར་ཡང་མ་ནུས་སོ། །འཆར་ཀས་སྨྲས་པ། ལྷ་བྱང་ཆུབ་སེམས་དཔའ་སྦྲོན་ཅིག །རྒྱལ་པོས་སྨྲས་པ། ཁོ་བོས་གཞོན་ནུ་ལ་བཀའ་སྩོལ་བར་མི་ནུས་སོ། །འཆར་ཀས་སྨྲས་པ། ཁྱེད་རྣམས་ཀྱིས་ཅ་ཅོའི་སྒྲ་གསང་མཐོན་པོ་སྒྲོགས་ཤིག །ཅི་ནས་ཀྱང་ངས་
D301.072.0019a02.01བྱང་ཆུབ་སེམས་དཔའ་གཤེགས་པར་བྱའོ། །དེ་ནས་སྐྱེ་བོའི་ཚོགས་དེ་རྣམས་ཀྱིས་སྒྲ་གསང་མཐོན་པོ་དང་ཆེན་པོས་ཅ་ཅོའི་སྒྲ་བསྒྲགས་སོ། །འཆར་ཀ་བྱང་ཆུབ་སེམས་དཔའི་ཐད་དུ་སོང་བ་དང་། བྱང་ཆུབ་སེམས་དཔས་སྨྲས་པ། འཆར་ཀ་ཅ་ཅོའི་སྒྲ་འདི་ཅི་ཞིག་ཡིན།
D301.072.0019a03.01འཆར་ཀས་རྣམ་པ་དེ་དག་རྒྱ་ཆེར་གསོལ་ཏོ། །དེ་ནས་བྱང་ཆུབ་སེམས་དཔས་གསུངས་པ། གལ་ཏེ་དེ་ལྟ་ན་འབྱིན་དུ་འདེང་། དེ་ནས་འཆར་ཀ་དང་། བྱང་ཆུབ་སེམས་དཔའ་ཆས་པ་དང་། ཅི་ཙམ་ན་ཁུང་ནས་སྦྲུལ་གདུག་པ་ཞིག་བྱུང་ངོ་། །འཆར་ཀས་བྱང་ཆུབ་སེམས་དཔའ་ཟིན་པར་
D301.072.0019a04.01གྱུར་དུ་འོང་ངོ་ཞེས་རལ་གྲི་རྣོན་པོས་རྐེད་པ་བཅད་པ་དང་། སྦྲུལ་གྱི་དུག་གི་དབུགས་ཀྱིས་འཆར་ཀ་ལ་ཕོག་སྟེ་དེ་ནག་པོར་གྱུར་ནས་དེའི་མིང་ཡང་འཆར་ཀ་ནག་པོ་ཞེས་བྱ་བར་གྱུར་ཏོ། །དེ་ནས་བྱང་ཆུབ་སེམས་དཔའ་ཤིང་དགེ་བའི་སྙིང་པོ་གང་ན་བ་དེར་བཞུད་དེ་ཕྱིན་པ་དང་། ལྷ་སྦྱིན་ལ་
D301.072.0019a05.01གསུངས་པ། ཁྱོད་ཀྱི་སྟོབས་ཅི་ཙམ་པ་བལྟ་ཡིས་བསྐྱོད་ཅིག །ལྷ་སྦྱིན་གྱིས་འབད་དེ་ཅུང་ཟད་ཅིག་བསྒུལ་ཏོ། །དགའ་བོས་ནི་ཅུང་ཟད་དྲངས་སོ། །ཇི་ཙམ་ན་བྱང་ཆུབ་སེམས་དཔའ་སྟོབས་ཀྱི་ཉམས་སད་པར་མཛད་ཅིང་ཤིང་དགེ་བའི་སྙིང་པོ་ཕྱག་གིས་བླངས་ཏེ་འབབ་ཆུ་རོ་ཧི་ཏ་ཀའི་འགྲམ་
D301.072.0019a06.01ནས་འཕངས་ཏེ་བྱང་ཆུབ་སེམས་དཔས་གསུངས་པ། ཤེས་ལྡན་དག་ཤིང་དགེ་བའི་སྙིང་པོ་འདི་ནི་བསིལ་བའི་རང་བཞིན་ཡིན་པས་མཁྲིས་པའི་ནད་དང་། ཤུ་བ་དང་། ཕོལ་མིག་བྱུང་བ་ལ་བྱུགས་ན་ཞི་བར་འགྱུར་གྱིས་དུམ་བུར་བྱོས་ལ་ཁྱེར་ཏེ་རང་རང་གི་ཁྱིམ་དུ་ཞོག་ཤིག །ཡང་ཡངས་
D301.072.0019a07.01