完整藏文原文 · 德格版页 当前仅加载第 72 函德格 50a 版页；藏文 NFD、目录标记与异常页序保留在来源切片中，重复版页行以稳定序号区分。
དེ་ནས་བདུད་ཀྱི་བུ་མོ་གསུམ་ཕྱོགས་གཅིག་ཏུ་སོང་ནས་ཕན་ཚུན་འདི་སྐད་ཅེས་སྨྲ་སྟེ། །སྤུན་ཟླ་དག་འདོད་ཆགས་དང་མ་བྲལ་བའི་སྐྱེས་བུ་དག་འདི་ལྟ་བུའི་ཐབས་མང་པོས་ཉེ་བར་བསྟེན་ཅིང་གནས་ན་དེའི་སེམས་གཡེངས་པར་འགྱུར་བའམ། སྙིང་འགས་
D301.072.0050a01.01པར་འགྱུར་བའམ། ཁ་ནས་ཁྲག་དྲོན་པོ་སྐྱུག་པར་འགྱུར་བའི་གནས་དེ་ནི་ཡོད་ན་དགེ་སྦྱོང་གཽ་ཏ་མ་འདི་ནི་འུ་བུ་ཅག་ལ། སེམས་གཏོད་པར་མི་བྱེད་ཀྱིས་སྐྱེས་པ་རྣམས་ཀྱི་བུད་མེད་ལ་སྲེད་པ་ནི་ཐ་དད་པ་ཡིན་གྱིས། མ་ལ་བདག་ཅག་བུད་མེད་རྒན་མོའི་ཚུལ་བརྒྱ་ཕྲག་ཏུ་
D301.072.0050a02.01མངོན་པར་སྤྲུལ་ལ་དགེ་སྦྱོང་གཽ་ཏ་མའི་གན་དུ་འགྲོ་ན་དེ་ལྟ་ན་ནི་དགེ་སྦྱོང་གཽ་ཏ་མ་བདག་ཅག་རྣམས་ལ་འདུན་པ་སྐྱེད་པ་ཡང་སྲིད་པར་འགྱུར་གྱིས་ཞེས་སྨྲས་ཏེ་བདུད་ཀྱི་བུ་མོ་གསུམ་པོ་བུད་མེད་རྒན་མོའི་ཚུལ་བརྒྱ་ཕྲག་ཏུ་བདག་ཉིད་མངོན་པར་སྤྲུལ་ནས་བཅོམ་ལྡན་འདས་གང་ན་བ་དེར་སོང་
D301.072.0050a03.01སྟེ། སྔ་མ་བཞིན་དུ་བསྙེན་བཀུར་བགྱིད་པའི་བར་དུ་གསོལ་པ་དང་། བཅོམ་ལྡན་འདས་ཅི་ནས་ཀྱང་སྲེད་པ་ཡང་དག་པར་ཟད་ཅིང་རྣམ་པར་གྲོལ་ལ་ཐུགས་ཡང་དག་པར་ཤིན་ཏུ་རྣམ་པར་གྲོལ་བ་བླ་ན་མེད་པ་བརྙེས་པས་དེ་ལ་དགོངས་པར་མ་མཛད་དོ། །དེ་ནས་བཅོམ་
D301.072.0050a04.01ལྡན་འདས་འདི་སྙམ་དུ་དགོངས་ཏེ། འདི་དག་ནི་རང་ཉིད་ཀྱིས་རྒན་མོའི་དངོས་པོར་བྱས་པ་ཡིན་གྱིས་མ་ལ་ངས་ཀྱང་འདི་རྣམས་ཉིད་ཀུན་ཏུ་སྐྱོ་བ་བསྐྱེད་པའི་ཕྱིར་རྒན་པ་འདི་ཉིད་དུ་བྱིན་གྱིས་བརླབ་པར་བྱའོ་སྙམ་ནས་བཅོམ་ལྡན་འདས་ཀྱིས་བདུད་ཀྱི་བུ་མོ་རྒན་མོར་བྱིན་གྱིས་བརླབས་སོ། །
D301.072.0050a05.01དེ་ནས་བདུད་ཀྱི་བུ་མོ་གསུམ་པོ་རྒན་པ་དེ་མི་སྣང་བར་བྱ་བར་འདོད་ཀྱང་མི་སྣང་བར་བྱ་བར་མ་ནུས་སོ། །དེ་ནས་བདུད་ཀྱི་བུ་མོ་གསུམ་པོ་བསམ་པ་ཡོངས་སུ་མ་རྫོགས་ཤིང་གཟུགས་ཀྱིས་ངོ་ཚ་བ་བཞིན་དུ་རྒས་ཤིང་འཁོགས་ལ་གཏུགས་པ། སྒུར་པོ་ཕྱམ་དགུ་པོ་ལྟར་
D301.072.0050a06.01ཀྱར་ཀྱོར་ཅན་མདུན་ནས་འཁར་བ་ལ་རྟེན་ཅིང་ལུས་འདར་བཞིན་དུ་བདུད་སྡིག་ཅན་གང་ན་བ་དེར་སོང་སྟེ་ཕྱིན་ནས་བདུད་སྡིག་ཅན་ལ་འདི་སྐད་ཅེས་སྨྲས་སོ། །སྐྱེས་བུ་འདོད་ཆགས་རབ་བྲལ་ཏེ། །ཆགས་པས་ལེགས་པར་དགུག་མི་ནུས། །བདུད་ཀྱི་ཡུལ་འདས་དེ་ཡི་ཕྱིར། །
D301.072.0050a07.01