完整藏文原文 · 德格版页 当前仅加载第 72 函德格 52b 版页；藏文 NFD、目录标记与异常页序保留在来源切片中，重复版页行以稳定序号区分。
ཀྱི་འཇིག་རྟེན་ནས་མི་སྣང་བར་གྱུར་ཏེ། བཅོམ་ལྡན་འདས་ཀྱི་སྤྱན་སྔར་ཕྱིན་ནས་ཕྱོགས་གཅིག་ཏུ་འདུག་སྟེ། ཚངས་རིས་ཀྱི་ལྷ་གཉིས་ལས་གཅིག་གིས་ཚིགས་སུ་བཅད་དེ་གསོལ་པ། དེད་དཔོན་གཡུལ་ལས་རྣམ་པར་རྒྱལ་བ་པོ། །སྡིག་པ་མི་མངའ་བཞེངས་ཤིག་
D301.072.0052b01.01འཇིག་རྟེན་གཟིགས། །རིན་ཆེན་ཆོས་ནི་འཚལ་བར་འགྱུར་མཆིས་ཀྱིས། །བདེ་གཤེགས་ཆོས་ཀྱི་མཆོག་ནི་བཤད་དུ་གསོལ། །ཅིག་ཤོས་ཀྱིས་ཀྱང་ཚིགས་སུ་བཅད་དེ་གསོལ་པ། ང་རྒྱལ་བཅོམ་ཞིང་གཡུལ་ལས་རྣམ་རྒྱལ་བ། །སྡིག་པ་མི་མངའ་བཞེངས་ཤིག་འཇིག་རྟེན་
D301.072.0052b02.01གཟིགས། །བཅོ་ལྔ་ལོན་པའི་དགུང་ཟླ་ཉ་བ་ལྟར། །ཁྱོད་ཀྱི་ཐུགས་ནི་ཤིན་ཏུ་རྣམ་དག་ལགས། །ཞེས་གསོལ་ནས་ཚངས་རིས་ཀྱི་ལྷ་གཉིས་དེ་ཉིད་དུ་མི་སྣང་བར་གྱུར་ཏོ། །དེ་ནས་བཅོམ་ལྡན་འདས་ཏིང་ངེ་འཛིན་དེ་ལས་བཞེངས་ནས་དེའི་ཚེ་ཚིགས་སུ་བཅད་དེ་བཀའ་སྩལ་པ། འཇིག་
D301.072.0052b03.01རྟེན་འདོད་པའི་བདེ་གང་དང་། །ལྷ་ཡུལ་བྱུང་བདེ་གང་ཡིན་པ། །སྲེད་པ་ཟད་པའི་བདེ་དེ་ལ། །བཅུ་དྲུག་ཆར་ཡང་མི་ཕོད་དོ། །ཁུར་ཁྱེར་བ་ནི་སྡུག་བསྔལ་ཏེ། །ཁུར་བོར་བ་ནི་བདེ་བ་ཡིན། །ཁུར་ནི་ལྕི་བ་རྣམ་བོར་ནས། །གཞན་དག་བླང་བར་མི་བྱའོ། །སྲེད་པ་ཐམས་ཅད་རྣམ་
D301.072.0052b04.01སྤངས་ཤིང་། །འདུས་བྱས་ཐམས་ཅད་ཟད་ནས་ནི། །དངོས་པོ་ཐམས་ཅད་ཡོངས་ཤེས་ན། །སླར་ཡང་སྲིད་པར་མི་འོང་ངོ་། །སངས་རྒྱས་བཅོམ་ལྡན་འདས་རྣམ་པར་གྲོལ་བའི་དགའ་བ་དང་བདེ་བ་སྐུ་ཉམས་སུ་བསྟར་བ་ལས་སྐྱིལ་མོ་ཀྲུང་གཅིག་གིས་ཞག་བདུན་འདས་པར་
D301.072.0052b05.01མཛད་པ་ན་དེ་ལ་སུས་ཀྱང་བསོད་སྙོམས་མ་ཕུལ་ལོ། །དེའི་ཚེ་ཚོང་པ་ག་གོན་དང་། བཟང་པོ་གཉིས་ཤིང་རྟ་ལྔ་བརྒྱ་ཙམ་དང་ལྷན་ཅིག་དོང་བ་ན་ལམ་དེ་ཉིད་དུ་ཞུགས་པར་གྱུར་ཏོ། །དེ་ནས་ཚོང་པ་ག་གོན་དང་། བཟང་པོའི་སྔོན་གྱི་གྲོགས་པོ་དང་། བློན་པོ་དང་། ཉེ་དུ་དང་།
D301.072.0052b06.01མཛའ་བཤེས་སུ་གྱུར་པའི་ལྷ་ཞིག་ཡོད་པ་འདི་སྙམ་དུ་སེམས་ཏེ། སངས་རྒྱས་བཅོམ་ལྡན་འདས་ལྟེང་རྒྱས་ན་ཆུ་ཀླུང་ནཻ་རཉྫ་ནཱའི་འགྲམ་བྱང་ཆུབ་ཀྱི་ཤིང་དྲུང་དུ་བཞུགས་ཏེ་མངོན་པར་རྫོགས་པར་སངས་རྒྱས་ནས་རིང་པོ་མ་ལོན་པར་རྣམ་པར་གྲོལ་བའི་དགའ་བ་དང་བདེ་བ་སྐུ་ཉམས་
D301.072.0052b07.01