完整藏文原文 · 德格版页 当前仅加载第 72 函德格 54b 版页；藏文 NFD、目录标记与异常页序保留在来源切片中，重复版页行以稳定序号区分。
དོ། །དེ་ན་སྦྲང་རྩི་ཡང་རླུང་སློང་ལ་འདེ་གུ་ཡང་རླུང་སློང་བ་དེས་ན་བཅོམ་ལྡན་འདས་རླུང་ནད་ཀྱི་སྙུན་གྱིས་ཐེབས་སོ། །དེ་ནས་བདུད་སྡིག་ཅན་གྱིས་བཅོམ་ལྡན་འདས་རླུང་ནད་ཀྱི་སྙུན་གྱིས་ཐེབས་པར་རིག་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་པ་དང་། བཅོམ་ལྡན་འདས་ལ་
D301.072.0054b01.01འདི་སྐད་ཅེས་གསོལ་ཏོ། །བཅོམ་ལྡན་འདས་ཡོངས་སུ་མྱ་ངན་འདའ་བའི་དུས་ལ་བབ་ལགས་སོ། །བདེ་བར་གཤེགས་པ་ཡོངས་སུ་མྱ་ངན་ལས་འདའ་བའི་དུས་ལ་བབ་ལགས་སོ། །དེ་ནས་བཅོམ་ལྡན་འདས་འདི་སྙམ་དུ་དགོངས་ཏེ། འདི་ལྟ་སྟེ། དཀྲུག་པའི་ལས་ཀྱི་ཕྱིར་
D301.072.0054b02.01བདུད་སྡིག་ཅན་འདི་ཉེ་བར་འོངས་སོ་སྙམ་དུ་དགོངས་ནས་བདུད་སྡིག་ཅན་ལ་འདི་སྐད་ཅེས་བཀའ་སྩལ་ཏོ། །སྡིག་ཅན་ཇི་སྲིད་ངའི་ཉན་ཐོས་མཁས་པ་གསལ་བ་ཡིད་གཞུངས་པ། ཕ་རོལ་གྱི་རྩོད་པ་བྱུང་ཞིང་བྱུང་བ་རྣམས་ཆོས་བཞིན་གྱིས་ཚར་གཅོད་ནུས་པ། རང་གི་སྨྲ་བ་གསལ་
D301.072.0054b03.01བར་བྱེད་ནུས་པ། དགེ་སློང་དང་དགེ་སློང་མ་དང་། དགེ་བསྙེན་དང་། དགེ་བསྙེན་མ་རྣམས་བྱུང་བར་མ་གྱུར་པ་དང་། ངའི་ཚངས་པར་སྤྱོད་པ་རྒྱ་ཆེན་པོ་སྐྱེ་བོ་མང་པོ་དང་། ལྷ་དང་མིའི་བར་ལ་རྒྱ་ཆེར་ཡང་དག་པར་ལེགས་པར་རབ་ཏུ་མ་བསྟན་གྱི་བར་དུ་ང་ཡོངས་སུ་མྱ་ངན་ལས་མི་
D301.072.0054b04.01འདའོ། །དེ་ནས་བདུད་སྡིག་ཅན་འདི་སྙམ་དུ་སེམས་ཏེ། ཀྱེ་མའོ་དགེ་སྦྱོང་གཽ་ཏ་མ་ནི་ཡོངས་སུ་མྱ་ངན་ལས་མི་འདའོ་སྙམ་དུ་བསམས་ནས་སྡུག་བསྔལ་ཞིང་ཡིད་མི་བདེ་ལ་འགྱོད་པས་དེ་ཉིད་དུ་མི་སྣང་བར་གྱུར་ཏོ། །དེ་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་
D301.072.0054b05.01རླུང་ནད་ཀྱི་སྙུན་གྱིས་ཐེབས་པར་རིག་ནས་ཤིང་འཛམ་བུ་ཞེས་བྱ་བས་འཛམ་བུའི་གླིང་དུ་གདགས་པ་གང་ཡིན་པ་དེ་དང་ཧ་ཅང་ཡང་མི་རིང་བ་ཞིག་ན་ཨ་རུ་ར་ཆེན་པོའི་ཚལ་ཡོད་དེ། དེ་ནས་ཁ་དོག་དང་དྲི་དང་རོ་དང་ལྡན་པའི་ཨ་རུ་ར་བླངས་ནས་བཅོམ་ལྡན་འདས་གང་ན་བ་དེར་སོང་སྟེ་ཕྱིན་
D301.072.0054b06.01པ་དང་། བཅོམ་ལྡན་འདས་ཀྱི་ཞབས་གཉིས་ལ་མགོ་བོས་ཕྱག་བྱས་ཏེ་ཕྱོགས་གཅིག་ཏུ་འདུག་གོ། །ཕྱོགས་གཅིག་ཏུ་འདུག་ནས་ལྷ་རྣམས་ཀྱི་དབང་པོ་བརྒྱ་བྱིན་གྱིས་བཅོམ་ལྡན་འདས་ལ་འདི་སྐད་ཅེས་གསོལ་ཏོ། །བཙུན་པ་བཅོམ་ལྡན་འདས་བསེར་མའི་སྙུན་ནད་ཀྱི་སྙུན་གྱིས་ཐེབས་
D301.072.0054b07.01