完整藏文原文 · 德格版页 当前仅加载第 72 函德格 32b 版页；藏文 NFD、目录标记与异常页序保留在来源切片中，重复版页行以稳定序号区分。
འཆི་བདག་འཇིགས་པ་དག །བསྐྱེད་ནས་འོང་བར་འགྱུར་ཞེས་གྲག །དོན་མ་བྱས་ཤིང་མ་བརྩམས་པར། །འཆི་བར་ཡང་ནི་འགྲོ་བར་འགྱུར། འདུན་པས་གསོལ་པ། རྒྱལ་པོ་བགྲེས་པོ་ནི་སྲས་ཀྱི་མྱ་ངན་གྱིས་འགྲོངས་པར་འགྱུར་རོ། །འོན་ཀྱང་བྱང་ཆུབ་
D301.072.0032b01.01སེམས་དཔའ་བྱང་ཆུབ་ཀྱི་ཚོགས་བསགས་པའི་ཕྱིར་འདུན་པའི་ཚིག་ཐུགས་ལ་མ་བབ་བོ། །དེ་ནས་བྱང་ཆུབ་སེམས་དཔས་ཨུད་པལ་སྔོན་པོ་འདྲ་བའི་རལ་གྲི་ཤུབས་ནས་ཕྱུང་ནས་གཙུག་ཕུད་བྲེགས་ཏེ། སྟེང་གི་ནམ་མཁའ་ལ་བོར་བ་དང་། ལྷ་རྣམས་ཀྱི་དབང་པོ་བརྒྱ་བྱིན་
D301.072.0032b02.01གྱིས་བླངས་ནས་བཀུར་སྟི་ཆེན་པོ་བྱས་ཏེ་སུམ་ཅུ་རྩ་གསུམ་གྱི་ལྷ་རྣམས་ཀྱི་ནང་དུ་ཁྱེར་ནས་གཙུག་ཕུད་ཀྱི་མཆོད་པ་ཆེན་པོ་བཙུགས་སོ། །དེ་ནས་ལྷའི་དབང་པོ་བརྒྱ་བྱིན་འདི་སྙམ་དུ་སེམས་ཏེ་གཞོན་ནུ་ནི་རྒྱལ་རིགས་ཀྱི་མངོན་པའི་ང་རྒྱལ་གྱིས་འདི་བཟློག་པར་མི་ནུས་སོ་སྙམ་
D301.072.0032b03.01ནས་དགའ་བར་གྱུར་ཏོ། །དེ་ནས་བྱང་ཆུབ་སེམས་དཔས་འདུན་པ་ལ་གསུངས་པ། ཁྱོད་ཀྱིས་བསྔགས་ལྡན་ཕོ་བྲང་གི་ནང་དུ་མ་བཀྲི་ཤིག །དེ་སྐད་ཅེས་གསུངས་པ་དང་། འདུན་པ་སྐད་འཛེར་ཅིང་མིག་མཆི་མས་གང་ནས་རྟའི་རྒྱལ་པོ་བསྔགས་ལྡན་ཁྲིད་དེ་ཡང་དང་
D301.072.0032b04.01ཡང་དུ་བྱང་ཆུབ་སེམས་དཔའ་ལ་ལྟ་ཞིང་སོང་སྟེ་སེར་སྐྱའི་གཞིར་ཕྱིན་པ་དང་དེར་ཅ་ཅོ་སྐྱེས་ཏེ་ཇི་ཙམ་ན་རྒྱལ་པོ་ཟས་གཙང་མ་ལ་སྨྲས་པ། ལྷ་གཞོན་ནུ་བྱོན་གྱིས་དགྱེས་པ་བསྐྱེད་དུ་གསོལ། གྲོང་ཁྱེར་སེར་སྐྱའི་གཞིར་ཡང་སྒྲ་གསང་ཆེན་པོ་བསྒྲགས་སོ། །རྟའི་རྒྱལ་པོ་
D301.072.0032b05.01བསྔགས་ལྡན་ཕོ་བྲང་གི་ནང་དུ་ཞུགས་པ་དང་། བཙུན་མོའི་ཚོགས་ཐམས་ཅད་ཀྱིས་བསྔགས་ལྡན་གྱི་མགུལ་དུ་འཇུས་ཏེ་ངུ་བར་བརྩམས་སོ། །བསྔགས་ལྡན་ཡང་དབུགས་ཁོང་དུ་སོང་སྟེ་དེ་ཉིད་དུ་དུས་བྱས་སོ། །ཤི་ནས་དེ་སྒྲ་ཅན་གྱི་བྲམ་ཟེ་ལས་དྲུག་ལ་བརྩོན་པ་
D301.072.0032b06.01ཞིག་གི་རིགས་སུ་ཉིང་མཚམས་སྦྱོར་བ་བླངས་སོ། །དེ་ནས་བྱང་ཆུབ་སེམས་དཔའ་རིམ་གྱིས་དྲང་སྲོང་ངན་སྤོང་གི་བསྟི་གནས་སུ་གཤེགས་པ་དང་། དེའི་ཚེ་དྲང་སྲོང་ངན་སྤོང་གི་བུ་ལག་པ་འགྲམ་པ་ལ་གཏད་ནས་སེམས་ཁོང་དུ་ཆུད་ཅིང་འདུག་པ་དེ་ལྟ་བུ་དེ་བྱང་ཆུབ་སེམས་དཔས་
D301.072.0032b07.01