mngon par 'byung ba'i mdo/
当前为德格木刻版 15a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 15a
- 可引用原文
- 7 行
- 全文规模
- 全经 1733 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函页目录第 72 函 · 德格 15a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文ནོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ནས་སྤྱན་མི་འཛུམས་པར་གཟུགས་རྣམས་ལ་ལྟ་སྟེ། དེ་སྤྱན་མི་འཛུམས་པ་ནི་དཔེར་ན་སུམ་ཅུ་རྩ་གསུམ་གྱི་ལྷ་རྣམས་བཞིན་ནོ། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ནས་སྔོན་གྱི་ལས་ཀྱི་རྣམ་པར་སྨིན་པ་ལས་སྐྱེས་པའི་ལྷའི་སྤྱན་དེས་དེ་ཉིན་དང་མཚན་དུ་དཔག་ཚད་གཅིག་ཁོ་ར་ཁོར་ཡུག་ཏུ་གཟིགས་སོ། །ལས་བཅས་ལས་བྱུང་དྲི་མེད་སྤྱན་གྱིས་ནི། །གཟུགས་ཆེན་པོ་དང་དེ་བཞིན་ཕྲ་རབ་རྣམས། །ཉིན་དང་མཚན་དུ་ཁོར་ཡུག་དཔག་ཚད་གཅིག །མདུན་
ན་གནས་པ་བཞིན་དུའང་གཟིགས་པར་འགྱུར། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ནས་གསུང་སྙན་ཅིང་འཇེབས་པ་དང་། གསུང་སྙན་པ་དང་། གསུང་ཡིད་དུ་འོང་བ་ཡིན་ཏེ། དཔེར་ན་གངས་ཅན་གྱི་བྱ་སྐད་སྙན་ཅིང་འཇེབས་པ་དང་། སྐད་སྙན་པ་དང་།ཡིད་དུ་འོང་བ་དེ་བཞིན་དུ་བྱང་ཆུབ་སེམས་དཔའ་བལྟམ་པའི་མོད་ནས་གསུང་སྙན་ཅིང་འཇེབས་པ་དང་། གསུང་སྙན་པ་དང་། གསུང་ཡིད་དུ་འོང་བ་ཡིན་ནོ། །རི་བོ་ཀུན་འཛིན་ལ་དྲང་སྲོང་ཉོན་མོངས་མེད་ཅེས་བྱ་བ་མངོན་པར་ཤེས་པ་ལྔ་དང་ལྡན་པ། བྱམས་པའི་བདག་ཉིད་ཅན་སྙིང་
རྗེ་དང་ལྡན་པ། སྐྱེ་དགུ་ལ་མཉེས་གཤིན་པ་ཞིག་གནས་ཏེ་དེ་ལ་ཚ་བོ་མིས་བྱིན་ཞེས་བྱ་བ་ཡོད་པ་དང་། དེ་དེའི་ཚེ་ཕུག་ཏུ་ཞུགས་ཏེ་བསམ་གཏན་བྱེད་པ་ན་བྱང་ཆུབ་སེམས་དཔའ་བལྟམ་སྟེ། །འཇིག་རྟེན་ཐམས་ཅད་སྣང་བ་རྒྱ་ཆེན་པོས་གསལ་བར་གྱུར་པའི་སྣང་བ་དེ་མཐོང་བ་དང་ཉོན་མོངས་མེད་ལ་སྨྲས་པ། མཁན་པོ་འདིར་ནི་ཉི་མ་ཐམས་ཅད་དག །ཅིག་ཅར་བྱུང་བར་གྱུར་ཏམ་ཅི། །འདི་ལྟར་རི་ནི་ཕུག་བཅས་པ། །འདི་ནི་འོད་ཀྱིས་གསལ་བར་གྱུར། །ཉོན་མོངས་མེད་ཀྱིས་དེ་ལ་སྨྲས་པ། ཉི་མའི་འོད་ནི་རྒྱུན་དུ་རྣོ། །བུ་གཅིག་སྣང་བ་འདི་དག་ནི། །ཡན་ལག་རེག་
ན་འོད་བསིལ་བས། །ངེས་པར་ཐུབ་པ་དེ་ཡི་འོད། །བྱང་ཆུབ་སེམས་དཔའ་འོད་ཅན་ནི། །ངེས་པར་ལྷུམས་ནས་བལྟམ་གྱུར་ལ། །བལྟམས་ནས་སེམས་དཔའ་ཆེན་པོ་དེའི། །འོད་ཟེར་གསེར་དང་འདྲ་བ་ནི། །དྲི་མ་མེད་པ་འདི་དག་གིས། །འཇིག་རྟེན་གསུམ་ནི་སྣང་བྱས་ཡིན། །
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D301
- 德格版页
- 15a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0301 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。