完整藏文原文 · 德格版页 当前仅加载第 72 函德格 27a 版页；藏文 NFD、目录标记与异常页序保留在来源切片中，重复版页行以稳定序号区分。
བྱང་ཆུབ་སེམས་དཔའ་ཁང་{བཟངས་ཀྱི་,བཟང་གི་}གཞི་ན་བུད་མེད་ཡིད་འཕྲོག་པ། གཟུགས་བཟང་བ་རྣམས་དང་གར་དང་། གླུ་དང་། རོལ་མོ་རྣམས་ཀྱི་སྤྱོད་པས་བསྙེན་བཀུར་བྱེད་དུ་བཅུག་གོ། །སྐས་ཤིན་ཏུ་ཆེ་བ་སྤོར་རུང་བ་མི་ལྔ་བརྒྱས་བཏེག་པ་བྱས་སོ། །
D301.072.0027a01.01ཆིབས་བསྔགས་ལྡན་གྱི་ས་ཕྱོགས་ནི་ཟངས་མའི་གླེགས་བུས་གཡོགས་ཤིང་གསེར་གྱི་སིལ་དཀྲོལ་གྱི་དྲ་བ་བཏགས་པས་བསྐོར་ཏོ། །བྱང་ཆུབ་སེམས་དཔའ་ནི་སྟེང་གི་ཁང་{བཟངས་ཀྱི་,བཟང་གི་}གཞི་སྐྱེས་པ་མེད་པར་ཞུགས་ནས། པི་བང་དང་། གླིང་བུ་དང་། ཁར་རྔ་དང་། སྒྲ་
D301.072.0027a02.01སྙན་ལ་སོགས་པ་རོལ་མོའི་ཆ་བྱད་དག་ཉེ་བར་ལེན་ཅིང་འབྱོར་པ་ཆེན་པོས་བཞུགས་སོ། །མཚན་མོ་ནི་རྒྱལ་པོ་ཟས་གཙང་ཡང་དཔུང་གི་ཚོགས་ཡན་ལག་བཞི་དང་ཤར་སྒོའི་ཕྱི་རོལ་ན་འདུག་གོ། །ལྷོ་ཕྱོགས་ན་ནི་བྲེ་བོ་ཟས་སོ། །ནུབ་ཕྱོགས་ན་ནི་ཟས་དཀར་རོ། །བྱང་ཕྱོགས་
D301.072.0027a03.01ན་ནི་བདུད་རྩི་ཟས་སོ། །གྲོང་ཁྱེར་གྱི་དབུས་ཀྱི་འདྲམ་པོ་བྱེད་པ་ནི་ཤཱཀྱ་མིང་ཆེན་དཔུང་གི་ཚོགས་ཡན་ལག་བཞི་དང་ལྡན་པའོ། །དེ་ཤར་སྒོར་སོང་ནས་སྨྲས་པ། སུ་ཞིག་མེལ་ཙེ་བྱེད། སུ་ཞིག་མེལ་ཙེ་བྱེད། རྒྱལ་པོ་ཟས་གཙང་གིས་སྨྲས་པ། ཁོ་བོ་མེལ་ཙེ་བྱེད་
D301.072.0027a04.01དོ། །ལྷ་མེལ་ཙེ་མཛོད་ཅིག །མེལ་ཙེ་མཛད་དང་ཁྱོད་ལ་ལེགས་པར་འགྱུར་ཞེས་སྨྲས་ཏེ་ཚིགས་སུ་བཅད་དེ་སྨྲས་པ། འཇིག་རྟེན་གཉིད་ལོག་རོ་དང་མཚུངས། །གཉིད་ལོག་བདུད་ཀྱི་དབང་དུ་སོང་། །འདི་ནི་མི་ཉལ་རྟག་ཏུ་མཁས། །དེ་བས་མ་ཉལ་མེལ་ཙེ་བྱོས། །ལྷོ་
D301.072.0027a05.01སྒོར་སོང་ནས་སྨྲས་པ། སུ་ཞིག་མེལ་ཙེ་བྱེད། སུ་ཞིག་མེལ་ཙེ་བྱེད། བྲེ་བོ་ཟས་ཀྱིས་སྨྲས་པ། ཁོ་བོ་མེལ་ཙེ་བྱེད་དོ། །ལྷ་མེལ་ཙེ་མཛོད་ཅིག །མེལ་ཙེ་མཛད་དང་། ཁྱོད་ལ་ལེགས་པར་འགྱུར་རོ་ཞེས་སྨྲས་ནས་ཚིགས་སུ་བཅད་དེ་སྨྲས་པ། འཇིག་རྟེན་གཉིད་
D301.072.0027a06.01ལོག་རོ་དང་མཚུངས། །གཉིད་ལོག་བདུད་ཀྱི་དབང་དུ་སོང་། །གཉིད་ལོག་འཆི་བདག་དབང་དུ་སོང་། །དེ་བས་མ་ཉལ་མེལ་ཙེ་བྱོས། །ནུབ་སྒོར་སོང་ནས་སྨྲས་པ། སུ་ཞིག་མེལ་ཙེ་བྱེད། སུ་ཞིག་མེལ་ཙེ་བྱེད། ཟས་དཀར་གྱིས་སྨྲས་པ། ཁོ་བོ་མེལ་ཙེ་བྱེད་དོ། །
D301.072.0027a07.01