完整藏文原文 · 德格版页 当前仅加载第 72 函德格 7b 版页；藏文 NFD、目录标记与异常页序保留在来源切片中，重复版页行以稳定序号区分。
ལྷ་མཆོག་བཞི་ལ་བརྒྱ་བྱིན་གྱིས་སྨྲས་པ། །ཁྱེད་རྣམས་སོང་ལ་ལྷ་མི་རྣམས་ཀྱི་ནི། །ཤིན་ཏུ་མཆོག་གྱུར་ཡུམ་དེ་ཇི་ལྟར་སུའང་། །གནོད་མི་བྱེད་པར་གུས་པས་ཡོངས་སུ་སྲུངས། །དེ་རྣམས་ཤིན་ཏུ་འབད་བྱས་དགའ་བ་དང་། །བརྒྱ་བྱིན་ལུང་ནི་སྤྱི་བོས་མནོས་ནས་
D301.072.0007b01.01སུ། །རྣམ་ཀུན་མདའ་མདུང་རལ་གྲི་ལག་ན་ཐོགས། །བྱང་ཆུབ་སེམས་དཔའི་ཡུམ་ནི་སྲུང་བར་བྱེད། །གཡུལ་དུ་རྒྱལ་གྱུར་ལྷ་བཞིས་སྦས་པ་དང་། །དེ་ནི་ཉིན་མཚན་སྣ་ཚོགས་རྒྱན་འཆང་ཞིང་། །ལྷ་མོ་རང་ཁྱིམ་ནང་ནས་རྣམ་རོལ་པ། །དགའ་བའི་ཚལ་ན་སྤྱོད་པ་
D301.072.0007b02.01ལྟ་བུར་སྤྱོད། །དེ་ནས་དུས་གཞན་ཞིག་ན་བཙུན་མོ་སྒྱུ་འཕྲུལ་ཆེན་མོ་འདི་ལྟ་བུའི་འདོད་པ་སྐྱེས་ཏེ། ཀྱེ་མའོ་ལྷ་བཙོན་ཐམས་ཅད་ཐར་བར་བགྱིའོ། །རྒྱལ་པོ་ཟས་གཙང་མས་ཀྱང་བཙུན་མོའི་ཚིག་མཉན་ནས་བཙོན་ཐམས་ཅད་ཐར་བར་བྱས་སོ། །དེ་ནས་དུས་གཞན་ཞིག་ན་
D301.072.0007b03.01བཙུན་མོ་འདོད་པ་སྐྱེས་པ། ཀྱེ་མའོ་ལྷས་གྲོང་ཁྱེར་གྱི་ཤར་ཕྱོགས་ཀྱི་དབུས་སུ་དམན་པ་དང་། ལོང་བ་དང་། བཀྲེན་པ་དང་། སྡུག་ཕོངས་པ་དང་། སློངས་མོ་པ་རྣམས་ལ་སྦྱིན་པ་བྱིན་ལ་བསོད་ནམས་དག་བྱས་པ་དང་། ལྷོ་དང་། ནུབ་དང་། བྱང་དང་། སུམ་
D301.072.0007b04.01མདོའི་དབུས་སུ་དམན་པ་དང་། ལོང་བ་དང་། བཀྲེན་པ་དང་། སྡུག་ཕོངས་པ་དང་། སློངས་མོ་པ་རྣམས་ལ་སྦྱིན་པ་བྱིན། བསོད་ནམས་ནི་བགྱིའོ། །དེ་ནས་རྒྱལ་པོ་ཟས་གཙང་གིས་བཙུན་མོའི་ཚིག་མཉན་ནས་གྲོང་ཁྱེར་གྱི་ཤར་ཕྱོགས་སུ་དམན་པ་དང་། ལོང་བ་དང་།
D301.072.0007b05.01བཀྲེན་པ་དང་། སྡུག་ཕོངས་པ་དང་། སློངས་མོ་པ་རྣམས་ལ་ཇི་ལྟར་མངོན་པར་འདོད་པ་དང་། ཇི་ལྟར་བསླངས་པ་བཞིན་དུ་སྦྱིན་པ་ནི་བྱིན། བསོད་ནམས་ནི་བྱས་པ་དང་། དེ་བཞིན་དུ་ལྷོ་དང་། ནུབ་དང་། བྱང་དང་། སུམ་མདོའི་དབུས་སུ་དམན་པ་དང་། ལོང་བ་དང་།
D301.072.0007b06.01བཀྲེན་པ་དང་། སྡུག་ཕོངས་པ་དང་། སློངས་མོ་པ་རྣམས་གང་མངོན་པར་འདོད་པ་དང་། ཇི་ལྟར་བསླངས་པ་བཞིན་དུ་སྦྱིན་པ་ནི་བྱིན་བསོད་ནམས་ནི་བྱས་སོ། །གང་གི་ཚེ་བྱང་ཆུབ་སེམས་དཔའ་ཤཱཀྱ་ཐུབ་པ་དགའ་ལྡན་གྱི་ལྷའི་རིས་ནས་འཕོས་ཏེ་ཡུམ་གྱི་ལྷུམས་ན་བཞུགས་
D301.072.0007b07.01