完整藏文原文 · 德格版页 当前仅加载第 72 函德格 10b 版页；藏文 NFD、目录标记与异常页序保留在来源切片中，重复版页行以稳定序号区分。
ཡུམ་གྱི་ལྷུམས་ནས་བལྟམ་པ་དེའི་ཚེ་དེའི་ཡུམ་མི་འདུག་མི་ཉལ་ཏེ་འགྲེང་བཞིན་དུ་རྒྱལ་རིགས་མ་དེས་རྒྱལ་རིགས་བལྟམ་པར་བྱེད་དོ། །དེ་ནི་མི་འདུག་ཉལ་བའང་མ་ཡིན་ཏེ། །ཡན་ལག་ལྔ་ལྡན་ཚུལ་ཁྲིམས་ཀྱིས་བརྒྱན་པས། །དེ་ནི་འགྲེང་བཞིན་ཤིན་ཏུ་དགེ་བ་
D301.072.0010b01.01ཡི། །གཞོན་ནུ་དེ་འདིར་བརྒྱ་བྱིན་དག་གིས་བླངས། །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་ཤཱཀྱ་ཐུབ་པ་ཡུམ་གྱི་ལྷུམས་ནས་བལྟམ་པ་དེའི་ཚེ་དེའི་དབུའི་སྟེང་ནས་ལྷ་རྣམས་གདུགས་དཀར་པོ་ནོར་བུའི་ཡུ་བ་ཅན་དག་འཛིན་ཏོ། །དྲི་མེད་ཟླ་བའི་དཀྱིལ་
D301.072.0010b02.01འཁོར་འོད་འདྲའི་གདུགས། །ལྷ་ཡི་གཙོ་བོས་དབུ་ཡི་སྟེང་ནས་འཛིན། །གདུབ་འཁྲོལ་འོད་ཟེར་གྱིས་འབར་ལག་པ་དང་། །རྔ་ཡབ་བཟང་གིས་འདི་ལ་གཡོབ་པར་བྱེད། །ཆོས་ཉིད་ཀྱིས་གང་གི་ཚེ་བྱང་ཆུབ་སེམས་དཔའ་ཤཱཀྱ་ཐུབ་པ་བལྟམ་པའི་མོད་ལ་
D301.072.0010b03.01བར་སྣང་ལས་ཆུ་བསིལ་བ་གཅིག་དང་། ཆུ་དྲོན་མོ་གཅིག་སྟེ། ཆུ་གཉིས་ཀྱི་རྒྱུན་སྤྱི་གཙུག་གི་སྟེང་དུ་འབབ་ཅིང་དེས་བྱང་ཆུབ་སེམས་དཔའ་ཁྲུས་མཛད་དོ། །དྲི་མེད་རབ་དག་བསིལ་དང་དེ་བཞིན་དྲོའི། །ཆུ་ཡིས་རྐང་གཉིས་གཙོ་བོ་ཁྲུས་མཛད་དེ། །རིགས་
D301.072.0010b04.01རྒྱུད་གང་དུ་བྱང་ཆུབ་སེམས་དཔའ་འཁྲུངས། །ཀླུ་རྣམས་དེ་ལའང་མཆོད་པ་བྱེད་པར་གྱུར། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ལ་སྐྲུན་པའི་ཡུམ་གྱི་མདུན་དུ་ཆུ་མིག་ཆེན་པོ་བྱུང་ནས་འབབས་པར་གྱུར་ཏེ་དེ་ལ་དེའི་ཡུམ་ཁྲུས་ཆུའི་བྱ་བ་བྱེད་དོ། །རྐང་གཉིས་
D301.072.0010b05.01གཙོ་བོ་གཞོན་ནུ་བལྟམ་པ་ན། །ལྷ་དེ་རྣམས་ནི་ཤིན་ཏུ་ཡིད་དགའ་བས། །དེར་ནི་ཆུ་བཟང་ཕྱུང་བར་གྱུར་པ་ལ། །དེ་ཡུམ་དེར་ནི་ཆུ་ཡིས་བྱ་བ་བྱེད། །ལྷ་ཡི་རོལ་མོ་ཤིན་ཏུ་སྒྲ་སྙན་རྣམས། །ཤིན་ཏུ་དགའ་བ་མཆོག་ཏུ་རྡུང་བར་བྱེད། །དེ་རྣམས་གོས་དང་ཕྲེང་བ་འཐོར་བྱེད་
D301.072.0010b06.01ཅིང་། །གཞན་དག་རབ་ཏུ་འདུད་ཅིང་དེ་བཞིན་བསྟོད། །ཆོས་ཉིད་ཀྱིས་བྱང་ཆུབ་སེམས་དཔའ་བལྟམ་པའི་མོད་ལ་ལྷས་བར་སྣང་ལས་ལྷའི་ཨུད་པལ་དང་། པད་མ་དང་། ཀུ་མུ་ད་དང་། པད་མ་དཀར་པོ་དང་། ཨ་ག་རུའི་ཕྱེ་མ་དང་། རྒྱ་སྤོས་ཀྱི་ཕྱེ་མ་དང་། ཙན་དན་གྱི་ཕྱེ་མ་དང་།
D301.072.0010b07.01