完整藏文原文 · 德格版页 当前仅加载第 72 函德格 11b 版页；藏文 NFD、目录标记与异常页序保留在来源切片中，重复版页行以稳定序号区分。
ལྟ་བུར་གྱུར་པས་འདིའི་མིང་རབ་སྣང་ཞེས་བྱ་བར་གདགས་སོ་ཞེས་བཏགས་ཏེ། དེ་ནི་དེ་ལྟ་མ་ཡིན་ནོ། །འོན་ཀྱང་དེ་ཐམས་ཅད་ནི་བྱང་ཆུབ་སེམས་དཔའི་མཐུ་ཡིན་ནོ། །གང་གི་ཚེ་བྱང་ཆུབ་སེམས་དཔའ་ཤཱཀྱ་ཐུབ་པ་བལྟམ་པ་དེ་ཉིད་ཀྱི་ཚེ་དགའ་བོ་ལ་སོགས་པ་ཤཱཀྱའི་གཞོན་
D301.072.0011b01.01ནུ་ལྔ་བརྒྱ་བཙས་པ་དང་། གྲགས་འཛིན་མ་ལ་སོགས་པ་ཤཱཀྱའི་གཞོན་ནུ་མ་ལྔ་བརྒྱ་བཙས་པ་དང་། འདུན་པ་ལ་སོགས་པ་རིམ་གྲོ་པ་ལྔ་བརྒྱ་བཙས་པ་དང་། བསྔགས་ལྡན་ལ་སོགས་པ་རྟ་ལྔ་བརྒྱ་འབྲངས་སོ། །ལྷ་རྣམས་ཀྱིས་གཏེར་ལྔའི་ཁ་ཡང་ཉེ་བར་བསྟན་ཏོ། །
D301.072.0011b02.01ཁམས་ཀྱི་རྒྱལ་ཕྲན་རྣམས་དང་། མཁར་གྱི་རྒྱལ་པོ་རྣམས་ཀྱིས་རབ་ཏུ་བཏུད་ཅིང་ཐམས་ཅད་ཀྱིས་ཀྱང་དཔྱ་ཕུལ་ལོ། །དེ་ནས་རྒྱལ་པོ་ཟས་གཙང་མ་འདི་སྙམ་དུ་སེམས་ཏེ། བདག་གི་བུ་བཙས་པ་ན་འདོད་པ་ཐམས་ཅད་གྲུབ་པས་ན་གཞོན་ནུ་འདིའི་མིང་དོན་ཐམས་ཅད་གྲུབ་པ་ཞེས་
D301.072.0011b03.01བྱའོ་ཞེས་བྱང་ཆུབ་སེམས་དཔའ་ལ་ཐོག་མར་མཚན་བཏགས་སོ། །ཆོས་ཉིད་ཀྱིས་བྱང་ཆུབ་སེམས་དཔའ་ཤཱཀྱ་ཐུབ་པ་བལྟམ་པའི་མོད་ལ་ཡབ་ཡུམ་གྱིས་མཚན་མཁན་དང་། ལྟས་མཁན་གྱི་བྲམ་ཟེ་རྣམས་ལ་ཉེ་བར་སྟོན་པ་ཡིན་པས། ཤེས་ལྡན་དག་ཅིག་གཞོན་ནུ་གང་དག་དང་
D301.072.0011b04.01ལྡན་ན་འགྲོ་བ་གཉིས་སུ་འགྱུར་གྱི་གཞན་དུ་ནི་མ་ཡིན་ཏེ་གལ་ཏེ་ཁྱིམ་པ་ཁྱིམ་ན་གནས་པར་གྱུར་ན་འཁོར་ལོས་སྒྱུར་བའི་རྒྱལ་པོ་མཐའ་བཞིར་རྣམ་པར་རྒྱལ་བ། ཆོས་ཀྱི་རྒྱལ་པོ་ཆོས་དང་ལྡན་པ། རིན་པོ་ཆེ་སྣ་བདུན་དང་ལྡན་པར་འགྱུར་ཏེ། དེའི་རིན་པོ་ཆེ་སྣ་བདུན་ནི་འདི་ལྟ་བུ་དག་འབྱུང་
D301.072.0011b05.01སྟེ། །འདི་ལྟ་སྟེ། །འཁོར་ལོ་རིན་པོ་ཆེ་དང་། གླང་པོ་རིན་པོ་ཆེ་དང་། རྟ་རིན་པོ་ཆེ་དང་། ནོར་བུ་རིན་པོ་ཆེ་དང་། བུད་མེད་རིན་པོ་ཆེ་དང་། ཁྱིམ་བདག་རིན་པོ་ཆེ་དང་། བདུན་པ་ནི་བློན་པོ་རིན་པོ་ཆེའོ། །བུ་དཔའ་བ། རྟུལ་ཕོད་པ། ཡན་ལག་མཆོག་གི་གཟུགས་དང་ལྡན་
D301.072.0011b06.01པ། ཕ་རོལ་གྱི་སྡེ་རབ་ཏུ་འཇོམས་པ་སྟོང་འབྱུང་བ་དེ་རྒྱ་མཚོ་ལ་ཐུག་པའི་ས་ཆེན་པོ་མ་ལུས་པར་གནོད་པར་སྡོ་བ་མེད་ཅིང་འཚེ་བ་མེད་པ་འདི་ཉིད་ཆད་པ་མེད་ཅིང་མཚོན་གྱིས་འདེབས་པ་མེད་པ། ཆོས་དང་འཐུན་པས་ལེགས་པར་ཕབ་སྟེ་གནས་པར་འགྱུར་རོ། །གལ་ཏེ་སྐྲ་དང་ཁ་
D301.072.0011b07.01