完整藏文原文 · 德格版页 当前仅加载第 72 函德格 51b 版页；藏文 NFD、目录标记与异常页序保留在来源切片中，重复版页行以稳定序号区分。
རྣམས་བསལ་ནས་ཙན་དན་གྱི་ཆུས་ཆག་ཆག་བཏབ། ཤིན་ཏུ་དྲི་ཞིམ་པའི་པོག་པོར་ཉེ་བར་བཤམས། དར་གྱི་ཆུན་འཕྱང་མང་པོར་དཔྱངས། རྒྱལ་མཚན་དང་། བ་དན་ནི་བསྒྲེང་། མེ་ཏོག་སྣ་ཚོགས་ཀྱིས་དགའ་དགའ་ལྟར་བཀྲམ་ནས་གྲོང་ཁྱེར་གྱི་སྒོ་བཞི་དང་སུམ་མདོ་རྣམས་སུ་ཡང་
D301.072.0051b01.01སྦྱིན་གཏོང་གི་ཁང་པ་བརྩིགས་སོ། །དེ་ནས་གྲོང་ཁྱེར་གྱི་ཤར་སྒོར་དགེ་སྦྱོང་དང་། བྲམ་ཟེ་དང་། སྤྱོད་པ་པ་དང་། ཀུན་ཏུ་རྒྱུ་དང་། ངན་པ་དང་། མགོན་མེད་པ་དང་། བཀྲེན་པ་དང་། ཕོངས་པ་དང་། སློངས་མོ་པ་རྣམས་ལ་ཡང་སྦྱིན་པ་དག་གཏོང་ངོ་། །ལྷོ་དང་། ནུབ་དང་། བྱང་དང་།
D301.072.0051b02.01དབུས་ཀྱི་སུམ་མདོ་རྣམས་སུ་ཡང་སྦྱིན་པ་དག་གཏོང་བསོད་ནམས་དག་བྱེད་དོ། །གྲགས་འཛིན་མའི་བུའི་མིང་འདོགས་པར་བྱེད་དེ་བཙུན་མོའི་འཁོར་གྱི་སྐྱེ་བོས་སྨྲས་པ། འདི་བཙས་པ་ན་ཟླ་བ་སྒྲ་གཅན་གྱིས་ཟིན་པས་དེ་བས་ན་ཁྱེའུའི་མིང་སྒྲ་གཅན་ཟིན་ཞེས་གདགས་སོ་ཞེས་བཏགས་
D301.072.0051b03.01སོ། །བདུད་རྩི་ཟས་ཀྱི་ཡང་དེ་བཞིན་དུ་སྦྱིན་པ་དག་བཏང་། བསོད་ནམས་དག་བྱས་ནས་ཁྱེའུའི་མིང་ཅིར་གདགས་ཞེས་བུའི་མིང་འདོགས་པར་བྱེད་དོ། །ཉེ་དུ་དག་གིས་སྨྲས་པ། གང་གི་ཚེ་འདི་བཙས་པ་ན་གྲོང་ཁྱེར་ཐམས་ཅད་དགའ་བར་གྱུར་པས་དེའི་ཕྱིར་ཁྱེའུའི་མིང་
D301.072.0051b04.01ཀུན་དགའ་བོར་གདགས་སོ་ཞེས་བཏགས་སོ། །རྒྱལ་པོ་ཟས་གཙང་གིས་སྨྲས་པ། གྲགས་འཛིན་མའི་བུ་གང་ཡིན་པ་འདི་ནི་ཤཱཀྱ་ཐུབ་པའི་བུ་མ་ཡིན་ནོ་ཞེས་སྨྲས་པ་གྲགས་འཛིན་མས་ཐོས་ནས་ཡི་ཆད་པར་གྱུར་ཏོ། །དེ་ནས་དེས་བྱང་ཆུབ་སེམས་དཔའི་ཕང་ཚད་ཀྱི་
D301.072.0051b05.01ཕ་བོང་ལ་བསྐྱོན་ནས་རོལ་པའི་རྫིང་འགྲམ་དུ་འདུག་སྟེ་བདེན་པ་གསོལ་བ་བཏབ་པ། གལ་ཏེ་འདི་བྱང་ཆུབ་སེམས་དཔའ་ལས་སྐྱེས་པ་ཡིན་ན་དེ་བཞིན་དུ་རྫིང་འདིར་ཕ་བོང་དང་ལྷན་ཅིག་འཕྱོ་བར་གྱུར་ཅིག །ཇི་སྟེ་མ་ཡིན་ན་བྱིང་བར་གྱུར་ཅིག་ཅེས་སྨྲས་ནས་ཆུར་བོར་བ་དང་།
D301.072.0051b06.01དེ་ཤིང་བལ་གྱི་འདའ་བ་བཞིན་དུ་ཕ་བོང་དང་ལྷན་ཅིག་འཕྱོ་བར་གྱུར་ཏོ། །རྒྱལ་པོ་ཟས་གཙང་གིས་ཡ་མཚན་དུ་གྱུར་པ་དེ་ཐོས་ནས་སྐྱེ་བོའི་ཚོགས་ཆེན་པོས་ཡོངས་སུ་བསྐོར་ཏེ། བྱང་ཆུབ་སེམས་དཔའ་རོལ་པའི་རྫིང་འགྲམ་དུ་དོང་ན། ཇི་ཙམ་ན་སྒྲ་གཅན་ཟིན་བཟང་པོ་བྱང་
D301.072.0051b07.01