完整藏文原文 · 德格版页 当前仅加载第 72 函德格 20b 版页；藏文 NFD、目录标记与异常页序保留在来源切片中，重复版页行以稳定序号区分。
འདི་ཕེབས་ཤིང་བརྟན་པ་ལས་ན་འདིས་གཞོན་ནུའི་ཐུགས་དང་བསྟུན་པར་ནུས་ཀྱིས་འདི་བླང་བར་བྱའོ་སྙམ་དུ་བསམས་ནས་གྲགས་འཛིན་མ་བུད་མེད་ཀྱི་འཁོར་ཉི་ཁྲི་དང་བྱང་ཆུབ་སེམས་དཔའི་བཙུན་མོར་བླངས་སོ། །རྒྱལ་པོ་ཟས་གཙང་མས་བྱང་ཆུབ་སེམས་དཔའ་ལ་སྨྲས་པ། སོང་ལས་
D301.072.0020b01.01ཀྱི་མཐའ་ཅི་ཙམ་པ་ལ་ལྟོས་ཤིག །དེ་ནས་བྱང་ཆུབ་སེམས་དཔའ་རྒྱལ་པོ་ཟས་གཙང་མས་བསྒོ་བ་གསན་ཏེ་ཤིང་རྟ་བཟང་པོ་ལ་ཞུགས་ནས་ཕྱི་རོལ་དུ་གཤེགས་ཏེ་ཡབ་རྒྱལ་པོ་ཟས་གཙང་མའི་ལས་ཀྱི་མཐའ་གཟིགས་ཤིང་བྱང་ཆུབ་སེམས་དཔའ་ལས་ཀྱི་མཐའ་ལ་ཞུགས་པ་རྣམས་ཀྱི་གན་དུ་
D301.072.0020b02.01བྱོན་པ་དང་། གཤོལ་ལྔ་བརྒྱ་དང་ཞིང་རྨེད་ཅིང་ཞིང་པའི་མི་དེ་རྣམས་ཀྱིས་ཀྱང་གཤོལ་གནོན་ཅིང་འདྲེན་པས་སྟོབས་ཉེ་བར་ཉམས་པ་མགོ་ལུས་རྡུལ་གྱིས་ཡོག་པ་དང་། རླུང་དང་ཐན་པས་ལུས་ལ་གདུངས་པས་ལུས་རྩུབ་ཅིང་མདོག་ངན་པ། རྐང་པ་དང་། ལག་པ་གས་པ་དང་། དེངས་
D301.072.0020b03.01ཤིང་དྲི་མ་ཅན་གྱི་གོས་གྱོན་པ། རྐང་པ་དྲི་མ་ཅན། ལྟོགས་པ་དང་སྐོམ་པས་མདོག་ངན་ཞིང་། ལྐོག་མ་དང་། མཁུར་བ་དང་། མིག་གི་ལོགས་སྐམས་པ་དང་། གླང་དེ་རྣམས་ཀྱང་རྨོན་པ་ལྕགས་གཟེར་རྣོན་པོ་ཅན་གྱིས་ལུས་དྲལ་བས་རྒྱབ་དང་། མཇུག་དོའི་ཕྱོགས་ཁྲག་གིས་གཡོགས་
D301.072.0020b04.01པ། ལྟོགས་པ་དང་སྐོམ་པས་དབུགས་བརྩེགས་ཤིང་སྙིང་གའི་ཕྱོགས་ནས་དབུགས་བརྩེགས་པ་རིང་དུ་འདྲེན་ལ་གཉའ་ཤིང་གིས་མནན་པའི་རྨ་ལས་རྣག་ཁྲག་འཛག་པ་ལ་སྦྲང་བུ་དང་། འབུའི་ཚོགས་ཀྱིས་ཟ་བ། ཐོང་ལྕགས་ཀྱིས་རྐང་པ་ལ་རྨ་བྱུང་ཞིང་ཁ་དང་སྣ་ནས་ཁ་ཆུ་དང་སྣ་ཆུ་འཛག་
D301.072.0020b05.01པ་ལ་སྦྲང་མ་དང་། ཤ་སྦྲང་དང་། སྦྲང་བུ་མཆུ་{རིངས་ཀྱིས་,རིང་གིས་}ཡོག་པ་རྣམས་གཟིགས་སོ། །གཟིགས་ནས་ཀྱང་ཐོག་མ་མེད་པའི་དུས་ནས་བསོད་ནམས་བསྐྱེད་ཅིང་བསགས་པའི་ཐུགས་རྗེས་ཀུན་ནས་བསྐྱོད་པའི་ཐུགས་ཀྱིས་ཞིང་པ་རྣམས་ལ་འདི་སྐད་ཅེས་གསུངས་སོ། །ཤེས་ལྡན་
D301.072.0020b06.01དག་ཁྱེད་སུའི་ཡིན། དེ་རྣམས་ཀྱིས་གསོལ་པ། བྱང་ཆུབ་སེམས་དཔའི་ལགས་སོ། །དེས་གསུངས་པ། ཤེས་ལྡན་དག་ཁྱེད་དེང་ཕན་ཅད་བྲན་དུ་མི་བྱ། མངག་གཞུག་པར་མི་བྱ། རང་དབང་ཅན་གར་དགའ་བར་འགྲོ་བར་བྱས། བདེ་བ་ལ་རེག་པར་གནས་ཤིག །རྨོན་པ་
D301.072.0020b07.01