完整藏文原文 · 德格版页 当前仅加载第 72 函德格 55b 版页；藏文 NFD、目录标记与异常页序保留在来源切片中，重复版页行以稳定序号区分。
གདུགས་དང་། སྡིག་སྦྲུལ་གྱི་གནོད་པས་སྐུ་ལ་རེག་པར་མ་གྱུར་ཏམ། དེ་ནས་བཅོམ་ལྡན་འདས་ཀྱིས་དེའི་ཚེ་ཚིགས་སུ་བཅད་དེ་བཀའ་སྩལ་པ། བདེན་པའི་དགའ་བ་བདེ་བ་ཡིན། །ཆོས་ཐོས་པ་ལ་ལྟ་བ་དང་། །སྲོག་ཆགས་རྣམས་ལ་སྡོམ་པ་ཡིས། །འཇིག་རྟེན་འཚེ་བ་མེད་པ་
D301.072.0055b01.01བདེ། །འཇིག་རྟེན་འདོད་ཆགས་བྲལ་བ་དང་། །འདོད་པ་རྣམས་ལ་རྒལ་བ་བདེ། །ང་འོ་ང་རྒྱལ་ཐུལ་བ་གང་། །དེ་ཉིད་བདེ་བའི་དམ་པ་ཡིན། །དེ་ནས་བཅོམ་ལྡན་འདས་ཇི་ཙམ་བཞེད་ཀྱི་བར་དུ་ཀླུའི་རྒྱལ་པོ་བཏང་བཟུང་གི་གནས་ན་བཞུགས་ནས། བྱང་ཆུབ་ཀྱི་སྙིང་པོ་ག་ལ་བ་དེར་གཤེགས་ཏེ་
D301.072.0055b02.01བྱོན་པ་དང་། རྩྭའི་གདིང་བ་བཤམས་པ་ཉིད་ལ་སྐྱིལ་མོ་ཀྲུང་བཅས་སྐུ་དྲང་པོར་བསྲང་ནས། དྲན་པ་མངོན་དུ་ཕྱོགས་པར་བཞག་ནས་བཞུགས་ཏེ་སྐྱིལ་མོ་ཀྲུང་གཅིག་གིས་ཞག་བདུན་འདས་པར་མཛད་ཅིང་རྟེན་ཅིང་འབྲེལ་པར་འབྱུང་བ་ཡན་ལག་བཅུ་གཉིས་པོ་ལུགས་དང་འཐུན་པ་དང་།
D301.072.0055b03.01ལུགས་དང་མི་འཐུན་པ་འདི་ཉིད་ལ་གཟིགས་པར་མཛད་དེ། འདི་ལྟ་སྟེ། འདི་ཡོད་པས་འདི་ཡོད། འདི་སྐྱེས་པས་འདི་སྐྱེ་བ་འདི་ལྟ་སྟེ། མ་རིག་པའི་རྐྱེན་གྱིས་འདུ་བྱེད། འདུ་བྱེད་ཀྱི་རྐྱེན་གྱིས་རྣམ་པར་ཤེས་པ། རྣམ་པར་ཤེས་པའི་རྐྱེན་གྱིས་མིང་དང་གཟུགས། མིང་དང་
D301.072.0055b04.01གཟུགས་ཀྱི་རྐྱེན་གྱིས་སྐྱེ་མཆེད་དྲུག །སྐྱེ་མཆེད་དྲུག་གི་རྐྱེན་གྱིས་རེག་པ། རེག་པའི་རྐྱེན་གྱིས་ཚོར་བ། ཚོར་བའི་རྐྱེན་གྱིས་སྲེད་པ། སྲེད་པའི་རྐྱེན་གྱིས་ལེན་པ། ལེན་པའི་རྐྱེན་གྱིས་སྲིད་པ། སྲིད་པའི་རྐྱེན་གྱིས་སྐྱེ་བ། སྐྱེ་བའི་རྐྱེན་གྱིས་རྒ་ཤི་དང་། མྱ་ངན་དང་། སྨྲེ་སྔགས་
D301.072.0055b05.01འདོན་པ་དང་། སྡུག་བསྔལ་བ་དང་། ཡིད་མི་བདེ་བ་དང་། འཁྲུག་པ་རྣམས་འབྱུང་བར་འགྱུར་ཏེ་དེ་ལྟར་སྡུག་བསྔལ་གྱི་ཕུང་པོ་ཆེན་པོ་འབའ་ཞིག་པོ་འདི་འབྱུང་བར་འགྱུར་རོ། །འདི་ལྟ་སྟེ་འདི་མེད་ན་འདི་མེད་ལ། འདི་འགགས་པས་འདི་འགག་པར་འགྱུར་ཏེ། འདི་ལྟ་སྟེ།
D301.072.0055b06.01མ་རིག་པ་འགགས་པས་འདུ་བྱེད་འགག །འདུ་བྱེད་འགགས་པས་རྣམ་པར་ཤེས་པ་འགག །རྣམ་པར་ཤེས་པ་འགགས་པས་མིང་དང་གཟུགས་འགག །མིང་དང་གཟུགས་འགགས་པས་སྐྱེ་མཆེད་དྲུག་འགག །སྐྱེ་མཆེད་དྲུག་འགགས་པས་རེག་པ་འགག །རེག་པ་
D301.072.0055b07.01