德格《甘珠尔》D8

མང་ངོ་། །རབ་འབྱོར་གང་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་ཡང་དག་པར་ཞུགས་པ་དེ་དག་པས་ནི། བྱང་ཆུབ་སེམས་དཔའ་སེམས་དཔའ་ཆེན་པོ་གང་དེ་བཞིན་ཉིད་དུ་ནན་ཏན་

བྱེད་པ་དེ་ལྟ་བུ་ཆེས་ཉུང་ངོ་། །དེ་བས་ཀྱང་སེམས་ཅན་གང་ཉན་ཐོས་སམ། རང་སངས་རྒྱས་སུ་གནས་པར་འགྱུར་བ་དེ་ལྟ་བུ་ནི་ཆེས་མང་ངོ་། །རབ་འབྱོར་གང་ཡང་བྱང་ཆུབ་སེམས་དཔའི་ཐེག་པ་པའི་རིགས་ཀྱི་བུ་ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་

མོ་འདི་ལ་སྤྱོད་ཅིང་། ཐེ་ཙོམ་{མྱེད་,མེད་}པར་ཕྱིར་{མྱི་,མི་}ལྡོག་པའི་ས་གནོན་པ་དེ་དག་པས་ནི། གང་ཕྱིར་{མྱི་,མི་}ལྡོག་པའི་ས་གནོན་པར་འགྱུར་བ་དེ་ལྟ་བུ་ཆེས་མང་ངོ་། །རབ་འབྱོར་དེ་བས་ན་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་{མྱི་,མི་}ལྡོག་པའི་ས་

འཐོབ་པར་འདོད་པ་དང་། ཕྱིར་མི་ལྡོག་པའི་སར་ཆུད་པར་འདོད་པས། ཤེས་རབ་ཀྱི་ཕ་རོལ་ཏུ་ཕྱིན་པ་ཟབ་མོ་འདི་ཉིད་ལ་བསླབ་པར་བྱའོ། །རབ་འབྱོར་གཞན་ཡང་བྱང་ཆུབ་སེམས་དཔའ་སེམས་དཔའ་ཆེན་པོ་ཤེས་རབ་ཀྱི་ཕ་རོལ་ཏུ་ཕྱིན་པ་ལ་སྤྱོད་པའི་ཚེ་

སེར་སྣ་དང་ལྡན་པའི་སེམས་{མྱི་,མི་}སྐྱེའོ། །ཚུལ་ཁྲིམས་ངན་པ་དང་ལྡན་པའི་སེམས་{མྱི་,མི་}སྐྱེའོ། །འཁྲུག་པ་དང་ལྡན་པའི་སེམས་{མྱི་,མི་}སྐྱེའོ། །ལེ་ལོ་དང་ལྡན་པའི་སེམས་{མྱི་,མི་}སྐྱེའོ། །གཡེང་བ་དང་ལྡན་པའི་སེམས་{མྱི་,མི་}སྐྱེའོ། །ཤེས་རབ་འཆལ་པ་དང་

ལྡན་པའི་སེམས་{མྱི་,མི་}སྐྱེའོ། །འདོད་ཆགས་དང་ལྡན་པའི་སེམས་{མྱི་,མི་}སྐྱེའོ། །ཞེ་སྡང་དང་ལྡན་པའི་སེམས་{མྱི་,མི་}སྐྱེའོ། །གཏི་མུག་དང་ལྡན་པའི་སེམས་{མྱི་,མི་}སྐྱེའོ། །ཐ་བ་དང་ལྡན་པའི་སེམས་{མྱི་,མི་}སྐྱེའོ། །གཟུགས་དང་ལྡན་པའི་སེམས་{མྱི་,མི་}སྐྱེའོ། །ཚོར་

བ་དང་ལྡན་པའི་སེམས་{མྱི་,མི་}སྐྱེའོ། །འདུ་ཤེས་དང་ལྡན་པའི་སེམས་{མྱི་,མི་}སྐྱེའོ། །འདུ་བྱེད་དང་ལྡན་པའི་སེམས་{མྱི་,མི་}སྐྱེའོ། །རྣམ་པར་ཤེས་པ་དང་ལྡན་པའི་སེམས་{མྱི་,མི་}སྐྱེའོ། །{མྱིག་,མིག་}དང་ལྡན་པའི་སེམས་{མྱི་,མི་}སྐྱེའོ། །རྣ་བ་དང་ལྡན་པའི་སེམས་{མྱི་,མི་}