德格《甘珠尔》D8

འདོམ་གང་མངའ་བ། རྫུ་འཕྲུལ་དང་། ཆོ་འཕྲུལ་མང་པོ་སྟོན་པ། སྤྲུལ་པ་མང་པོ་སྤྲུལ་པ་མཛད་ཅིང་། སྤྲུལ་པ་འདི་དག་ཀྱང་འཇིག་རྟེན་གྱི་ཁམས་གཞན་དག་ཏུ་སངས་རྒྱས་ཀྱི་བྱ་བ་བྱེད་པ་མཐོང་ན། རབ་འབྱོར་འདི་ཡང་ཕྱིར་{མྱི་,མི་}

ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་ཕྱིར་{མྱི་,མི་}ལྡོག་པའི་མཚན་ཉིད་དུ་རིག་པར་བྱའོ། །རབ་འབྱོར་གཞན་ཡང་གལ་ཏེ་བྱང་ཆུབ་སེམས་དཔའ་སེམས་དཔའ་ཆེན་པོས་རྨི་ལམ་ན་ཡང་གྲོང་བཅོམ་པའམ། གྲོང་ཁྱེར་བཅོམ་པ་འམ།

{མྱི་,མི་}ཐར་པའམ། གཅན་ཟན་ཁྲོ་བོ་མཐོང་ངམ། དེ་མ་ཡིན་པའི་{རི་དགས་,རི་དྭགས་}གཏུམ་པོའི་རྣམ་པ་མཐོང་ངམ། མགོ་གཅོད་པར་གྱུར་པ་མཐོང་ངམ། དེ་མ་ཡིན་པའི་འཇིགས་ཤིང་{མྱི་,མི་}བཟད་པ་དང་། སྔང་བར་འགྱུར་བ་མཐོང་ངམ། སྡུག་བསྔལ་བ་

དང་། ཡིད་{མྱི་,མི་}བདེ་བ་དང་། འཁྲུག་པ་མཐོང་ངམ། བཀྲེས་པ་འམ། སྐོམ་པ་མཐོང་ངམ། ཕ་ཤི་བ་མཐོང་ངམ། མ་ཤི་བ་མཐོང་ངམ། ཕུ་ནུ་ཤི་བ་མཐོང་ངམ། བུ་སྲིང་ཤིང་བ་མཐོང་ངམ། གྲོགས་པོ་འམ་གཉེན་བཤེས་ཤི་བ་མཐོང་ན། མྱ་ངན་

དང་། འཇིགས་ཤིང་{མྱི་,མི་}བཟད་པ་དང་སྔང་བར་{མྱི་,མི་}འགྱུར་ལ། རྨི་ལམ་དེ་རྨིས་པའི་འོག་ཏུ་སད་ནས་ཀྱང་འདི་སྙམ་སྟེ། ཀྱེ་མ་ཁམས་གསུམ་པ་འདི་དག་ཀུན་ཀྱང་རྨི་ལམ་ལྟ་བུ་སྟེ། བདག་གིས་ཀྱང་བླ་ན་{མྱེད་,མེད་}པ་ཡང་དག་པར་རྫོགས་པའི་

བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས། ཁམས་གསུམ་པའི་ཆོས་ཐམས་ཅད་རྨི་ལམ་ལྟ་བུར་བསྟན་པར་བྱའོ་སྙམ་ན། རབ་འབྱོར་འདི་ཡང་ཕྱིར་{མྱི་,མི་}ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོའི་ཕྱིར་{མྱི་,མི་}ལྡོག་པའི་

མཚན་ཉིད་དུ་རིག་པར་བྱའོ། །རབ་འབྱོར་གཞན་ཡང་ཇི་ལྟར་ཕྱིར་{མྱི་,མི་}ལྡོག་པའི་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས་དེའི་སངས་རྒྱས་ཀྱི་ཞིང་ན།