shes rab kyi pha rol tu phyin pa stong phrag brgya pa/
当前为德格木刻版 291a。藏文 NFD 原样保留，并提供可引用的稳定行号。
- 本页内容
- 藏文原典 · 德格版页
- 德格版页
- 291a
- 可引用原文
- 7 行
- 全文规模
- 全经 65909 稳定行段
- 责任者
- 藏译责任依各经题记；本批次未逐条裁决
- 正文语种
- 藏文
- 权利
- Public Domain；保留固定提交、版本边界与来源署名
函目录 · 13 函第 22 函 · 德格 291a
选一句，查术语、看异译、问含义或带走引用。选中任意经文，系统会按完整稳定行段取文；问经时不会暗中换经。
我的选文འོ། །རྣམ་པ་ཐམས་ཅད་མཁྱེན་པ་ཉིད་ཀྱི་འགག་པ་{མྱེད་,མེད་}པ་གང་ཡིན་པ་དེ་ནི། རྣམ་པ་ཐམས་ཅད་མཁྱེན་པ་ཉིད་ཀྱི་འདྲེ་བ་{མྱེད་,མེད་}པའོ། །རབ་འབྱོར་དེ་ལྟར་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འདོད་པ། ཆོས་ཐམས་ཅད་འདྲེ་བ་{མྱེད་,མེད་}པར་ཆོས་སྟོན་ཏོ།། །།ཤེས་རབ་ཀྱི་ཕ་རོལ་ཏུ་ཕྱིན་པ་སྟོང་ཕྲག་བརྒྱ་པ། བམ་པོ་ཉི་ཤུ་པ། །
རབ་འབྱོར་ཇི་ལྟར་ན་བྱང་ཆུབ་སེམས་དཔའ་སེམས་དཔའ་ཆེན་པོ་བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་འཚང་རྒྱ་བར་འདོད་པ། སེམས་ཅན་རྣམས་ཀྱི་དཔུང་གཉེན་དུ་གྱུར་པ་ཡིན་ཞེ་ན། རབ་འབྱོར་འདི་ལ་བྱང་ཆུབ་སེམས་དཔའ་སེམས་དཔའ་ཆེན་པོ། བླ་ན་{མྱེད་,མེད་}པ་ཡང་དག་པར་རྫོགས་པའི་བྱང་ཆུབ་ཏུ་མངོན་པར་རྫོགས་པར་སངས་རྒྱས་ནས། སེམས་ཅན་རྣམས་ལ་འདི་ལྟར་ཆོས་སྟོན་ཏེ། གཟུགས་ཀྱི་ཕ་རོལ་གང་ཡིན་པ་དེ་ནི་གཟུགས་མ་
ཡིན་ནོ། །ཚོར་བའི་ཕ་རོལ་གང་ཡིན་པ་དེ་ནི་ཚོར་བ་མ་ཡིན་ནོ། །འདུ་ཤེས་ཀྱི་ཕ་རོལ་གང་ཡིན་པ་དེ་ནི་འདུ་ཤེས་མ་ཡིན་ནོ། །འདུ་བྱེད་ཀྱི་ཕ་རོལ་གང་ཡིན་པ་དེ་ནི། འདུ་བྱེད་མ་ཡིན་ནོ། །རྣམ་པར་ཤེས་པའི་ཕ་རོལ་གང་ཡིན་པ་དེ་ནི།རྣམ་པར་ཤེས་པ་མ་ཡིན་ནོ། །{མྱིག་,མིག་}གི་ཕ་རོལ་གང་ཡིན་པ་དེ་ནི་{མྱིག་,མིག་}མ་ཡིན་ནོ། །རྣ་བའི་ཕ་རོལ་གང་ཡིན་པ་དེ་ནི་རྣ་བ་མ་ཡིན་ནོ། །སྣའི་ཕ་རོལ་གང་ཡིན་པ་དེ་ནི་སྣ་མ་ཡིན་ནོ། །ལྕེའི་ཕ་རོལ་གང་ཡིན་པ་དེ་ནི་ལྕེ་མ་ཡིན་ནོ། །ལུས་ཀྱི་
ཕ་རོལ་གང་ཡིན་པ་དེ་ནི་ལུས་མ་ཡིན་ནོ། །ཡིད་ཀྱི་ཕ་རོལ་གང་ཡིན་པ་དེ་ནི་ཡིད་མ་ཡིན་ནོ། །གཟུགས་ཀྱི་ཕ་རོལ་གང་ཡིན་པ་དེ་ནི་གཟུགས་མ་ཡིན་ནོ། །སྒྲའི་ཕ་རོལ་གང་ཡིན་པ་དེ་ནི་སྒྲ་མ་ཡིན་ནོ། །དྲིའི་ཕ་རོལ་གང་ཡིན་པ་དེ་ནི་དྲི་
版本与引用信息
母版来自 Esukhia Digital Derge Kangyur。本页仅重组显示层；藏文 NFD、德格木刻版页与稳定行号均未改动。权利说明：Public Domain；保留固定提交、版本边界与来源署名。
- 目录
- 德格目录 D8
- 德格版页
- 291a
- 显示
- 忠实保留藏文原典·未添加机器译文
研究边界
书目关系边界：BDRC WA0RK0008 作为固定目录作品链接候选；同一链接下的多个德格编号保留为不同文本表达，不进行未经复核的跨传统合并。
归属边界：《甘珠尔》规范位置不自动证明每一项是佛陀逐字亲说；说者、作者、译者和编集责任等待逐条审计。